HOSEA 9:6 - Jinghpaw Hanson Version Bible

⁶ Kaning rai nme law, yu mu, hten byak ai kata na, shanhte pru wa masai; rai timung, Egutu mung hta shanhte hpawng nga nna, Memhpi mare hta lup kau ai hkrum na mara ai: gumhpraw hte shatsawm ai arai ni hpe, tsamat tu lim kau na ra ai: shanhte a janghpang ni hta ju hpun tu na ra ai.

Jinghpaw Common Language Bible 2009

⁶ Tsin-yam tsindam du nna amyu masha ni shaden kau ai hkrum ma ai shaloi, Egutu masha ni shanhte hpe hpawng shinggyin la nna Memhpi e lup makoi kau na ma ai! Shanhte a gumhpraw sut hte shanhte a dum nta nga ai shara ni gaw tsingdu tsingman ni hte ju sumwum ni lim ka-up kau hkrum na mara ai.

HOSEA 9:6 ပူးပေါင်းရင်းမြစ်များ

2 HKAWHKAM 13:7

Rai timung, Israela amyu hpe shut shangun ai Yeroboam a nta na ni a yubak hpe shanhte koi kau mu ai, n rai: dai hta e shanhte hkan nang nga nna, Samari mare hta e Ashare sumla ni mung naw nga nga ai.

SHAKAWN KUNGDAWN 107:34

Hka hpaw ai shara hpe ga jahkraw, Sau rawng ai ga hpe krin ai shara, shatai nu ai.

GA SHAGAWP 24:31

Yu u, ju hpun hkrai tu nna, Ga ting tsamat ka-up nga ai hte De a nlung bunghku run mat nga ai hpe, ngai mu nngai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 19:13

Zoan du ni gaw mana masai; Nopa du ni gaw, shut masai; Egutu mung a amyu ni a njut nlung ni gaw, shi hpe lam shadam mu ai.

ESAIA 27:12

Dai shani e Yehowa gaw, Hka nu kaba kaw nna Egutu hka shi du hkra, shi hte seng ai nsi naisi dup la nhtawm, Israela kashu kasha ni e, nanhte langai hte langai hkauling zawn hta la ai hkrum na marin dai.

ESAIA 32:13

Nye a amyu masha ni a mungdan ntsa e mung, ngwipyaw ai mare na kabu gara ai nta ni mahkra a ntsa e mung, tsing hte ju hpun ka-up na ra ai.

ESAIA 34:13

De a htingnu ni hta ju hpun, de a langchyi ni hta tsamat hte tsing tu nna, nam gwi ni dai hta shanu, u gawla-uk ni dai hta shingbyi nga na mara ai.

ESAIA 5:6

Ngai dai hpe shakrin kau na we ai; kadai mung lakung ni hpe n krum kau ai hte, aga hpe htu kapun na n rai: ju hpun amyu myu tu pru na ra ai; de a ntsa e marang n htu u ga, ngai sumwi ni hpe hkang da na we ai.

ESAIA 7:23

Dai shani e, gumhpraw lap hkying mi ging ai, tsabyi ru hkying mi tu ai sun shagu hta e, ju hpun hte tsing hkrai tu na ra ai.

YEREMIA 2:16

Nopa hte Tahpan a kashu kasha ni mung, na a baw pungding hpe shakrin kau manu ai.

YEREMIA 42:22

Dai re ai majaw, nanhte sa shingbyi mayu ai shara hta, ri nhtu, kawsi hpang gara, ana zinli hte nanhte si na myit dai, teng teng chye nga mu, ngu nna htan mu ai.

YEREMIA 44:1

Egutu mung na Migdola, Tahpan, Memhpi mare ni hte, Pahtru mung hta dè nga ai Yuda masha ni hpe lakap nna, Yeremia kaw du ai mungga gaw,

YEREMIA 44:12

Egutu mung hta shingbyi nga na matu, myi man yawng ai, naw ngam nga ai Yuda amyu hpe ngai woi la nna, shanhte yawng htum mat na mara ai; shanhte gaw Egutu mung hta e kadawng mat na mara ai; ri nhtu, kawsi hpang gara hte za mat na mara ai; kaji htum ai wa kaw nna kaba htum ai wa du hkra, ri nhtu, kawsi hpang gara hte si na mara ai; shanhte gaw matsa mawa, mauhpa shara, dagam dala hte shatan nhkan shara, tai na mara ai.

YEREMIA 44:13

Yerusalem mare hpe ri nhtu, kawsi hpang gara ana zinli hte ari jaw ai hte maren, Egutu mung de sa shingbyi ai ni hpe ngai ari jaw nna,

YEREMIA 46:14

Nhtu gaw na a grup yin e nga ai ni hpe sha kau ai majaw, rawt tsap nna tinang hkum hpe hkyen mu, ngu nna Egutu mung hta jahtau ai hte Migdola mare hta shi shana ya mu; rai sa, Memhpi mare hte Tahpan mare hta dai shi shana ya mu.

YEREMIA 46:19

Egutu mung e shanu nga ai shayi sha e, bawng dung sa wa na matu na arung arai ni hpe shajin u: kaning rai nme law, Memhpi mare gaw masha shingran katsi hkra, atsai awai nat kau ai hkrum na ra ai.

EZEKELA 30:13

“Madu Yehowa ning nga ai: Ngai gaw hpara sumla ni hpe jahten kau nna, Memhpi mare na kaman re ai arai ni hpe htawm kau na nngai; htawm hpang e Egutu mung na du nga lu sa na, n rai; ngai gaw Egutu mung hpe jahkrit shama na nngai.

EZEKELA 30:16

Egutu mung hta ngai wan shachyi na nngai; Sin gaw myit ru kaba hkrum nna, No a gaw agrawp kau ai hkrum na ra ai: Memhpi mare gaw shani chyingtung e pyi, hpyen hkrum na ra ai.

HOSEA 10:8

Israela yubak a npawt Awen mung, run kau ai hkrum na ra ai: de a tawn hkungri ni a ntsa e, ju hpun hte tsing tu lim kau nna, mare masha ni gaw, ‘Bum ni e, anhte hpe ka-up mi, kawng ni e, anhte a ntsa e hkrat bun mi,’ nga nna shaga na mara ai.”

HOSEA 11:11

Shanhte gaw, u zawn Egutu mung na hkrudu zawn Asuri mung na, hkrit gari let du nna, ngai shanhte hpe tinang nang a buga hta shanu nga shangun na nngai,” nga nna Yehowa tsun ai.

HOSEA 2:6

Gaja wa, shi a kasha ni gaw, liknga ma ni rai nga ai majaw, ngai shanhte hpe matsan n dum na nngai:

HOSEA 7:11

Ehprim gaw myit n rawng ai. angawk ai hkrudu hte bung nga ai: shanhte gaw Egutu hpe shaga, Asuri mung de sa wa ma ai.

HOSEA 7:13

Shanhte ngai kaw na pru mat wa ai majaw, dingnye lu mu ga; ngai hpe shut hpyit ai majaw, hten byak hkrum mu ga: ngai shanhte hpe shaw la mayu timung, shanhte nye a lam masu ga tsun nga ma ai.

HOSEA 7:16

Ntsa e dung ai wa hpang de, shanhte nhtang wa ma ai, n rai: shanhte gaw n ding ai ndan hte bung ma ai; du ni a shinglet grang ai ga tsun ai majaw, shanhte gaw nhtu hte si na mara ai: dai gaw Egutu mung hta e, shanhte hkrum na asawng asang lam rai nga ai.

HOSEA 8:13

Ngai hte seng ai shagu hkungga gaw, nawng ya ai ni sat nna, de a shan hpe sha ma ai; Yehowa chyawm gaw dai ni hta sharawng lu ai, n rai: ya shi gaw, shanhte a shut hpyit ai hpe dum nna, shanhte a yubak majaw ari jaw na ra ai; shanhte gaw Egutu mung de nhtang wa na mara ai.

HOSEA 9:3

Shanhte gaw Yehowa a mungdan hta shanu lu na, n rai; Ehprim gaw Egutu mung de nhtang wa nna, shanhte gaw Asuri mung hta e, n san n seng ai shahpa sha na mara ai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

ZEHPANI 1:11

Hpaga hkyet e shanu nga ai ni e, hkrap shabam nga mu: kaning rai nme law, hpaga ga ai amyu masha ni yawng, n-yawm mat masai; gumhpraw gun sa ai ni yawng, htum mat masai.

1 SAMUELA 13:6

Ya Israela masha ni ruyak hkrum nna, nau wa kyin dut dum wa jang, mung masha ni gaw lunghpu hku, nam maling kata, lunggrawp lungwawp, langhkyi hte ga nhkun hkan e hprawng makoi nga ma ai.