HOSEA 9:3 - Jinghpaw Hanson Version Bible

³ Shanhte gaw Yehowa a mungdan hta shanu lu na, n rai; Ehprim gaw Egutu mung de nhtang wa nna, shanhte gaw Asuri mung hta e, n san n seng ai shahpa sha na mara ai.

Jinghpaw Common Language Bible 2009

³ Israela amyu masha ni gaw dai Madu a mungdan hta naw shanu nga lu na mara ai n rai; rai ti mung Egutu mung de nhtang wa nna Asuri mung e hkum pat da ai lusha ni sha na mara ai.

HOSEA 9:3 ပူးပေါင်းရင်းမြစ်များ

1 HKAWHKAM 9:7

ngai Israela hpe jaw da ai mungdan hta na ngai shanhte hpe jahtum kau nna, ndai nye a amying nsang matu ngai shachyoi shapra ai nta hpe mung, ngai shinggan kau na we ai rai nna, Israela amyu gaw masha amyu baw mahkra hta abung shadawn chyai shara hte asawng shara tai na marin dai.

2 HKAWHKAM 17:6

Hoshea hkaw dung ai jahku ning hta e, Asuri hkawhkam gaw Samari mare hpe lu la nna, Israela masha ni hpe Asuri mung de bawng rim wa ai hte, shanhte hpe Hala shara e, Gozan hka makau na Habora ginwang hte, Mede masha ni a mare ni hta nga shangun mu ai.

YEREMIA 16:18

Shanhte gaw nye a mung hpe, tinang a n san n seng ai si mang ni hte awu asin di kau nna, nye a sali wunli ga hpe, matsat shabat hte jahpring ai majaw, ngai shanhte hpe ari htam lahkawng, shawng jaw na nngai.

YEREMIA 2:7

Ngamu ngamai ai mung a nsi naisi hte, sau hpum ai hpe sha na matu, ngai nanhte hpe woi jashawn nna, nanhte shang myit yang nanhte gaw nye a mungdan hpe awu asin di kau nna, nye a sali wunli ga hpe matsat shabat ga shatai kau manu ai.

SHARUNG SHAYAWT 5:6

Lusha lu na matu, anhte gaw Egutu masha ni hte Asuri masha ni kaw, nchyang chyang ga ai.

EZEKELA 4:13

Shing rai, Israela kashu kasha ni gaw, ngai shanhte hpe shaden kau dat ai maigan amyu ni a ka-ang e awu asin re ai muk hpe sha na mara ai,” nga nna Yehowa tsun ai.

Daniela 1:8

Daniela chyawm gaw, hkawhkam wa karan jaw ai shat hte, shi lu ai tsabyi jahku hpe n lu n sha ai sha, awu asin hpe koi gam na nga, myit jahkut da wu ai: dai rai nna, awu asin n hkrum u ga, shi gaw unuk ni a agyi wa hpe hpyi wu ai.

HOSEA 11:11

Shanhte gaw, u zawn Egutu mung na hkrudu zawn Asuri mung na, hkrit gari let du nna, ngai shanhte hpe tinang nang a buga hta shanu nga shangun na nngai,” nga nna Yehowa tsun ai.

HOSEA 11:5

“Shanhte gaw Egutu mung de nhtang wa lu na n rai: ngai hpang de n wa hkraw ai majaw, Asuri wa gaw, shanhte a hkawhkam tai na ra ai.

HOSEA 7:11

Ehprim gaw myit n rawng ai. angawk ai hkrudu hte bung nga ai: shanhte gaw Egutu hpe shaga, Asuri mung de sa wa ma ai.

HOSEA 7:16

Ntsa e dung ai wa hpang de, shanhte nhtang wa ma ai, n rai: shanhte gaw n ding ai ndan hte bung ma ai; du ni a shinglet grang ai ga tsun ai majaw, shanhte gaw nhtu hte si na mara ai: dai gaw Egutu mung hta e, shanhte hkrum na asawng asang lam rai nga ai.

HOSEA 8:13

Ngai hte seng ai shagu hkungga gaw, nawng ya ai ni sat nna, de a shan hpe sha ma ai; Yehowa chyawm gaw dai ni hta sharawng lu ai, n rai: ya shi gaw, shanhte a shut hpyit ai hpe dum nna, shanhte a yubak majaw ari jaw na ra ai; shanhte gaw Egutu mung de nhtang wa na mara ai.

HOSEA 9:6

Kaning rai nme law, yu mu, hten byak ai kata na, shanhte pru wa masai; rai timung, Egutu mung hta shanhte hpawng nga nna, Memhpi mare hta lup kau ai hkrum na mara ai: gumhpraw hte shatsawm ai arai ni hpe, tsamat tu lim kau na ra ai: shanhte a janghpang ni hta ju hpun tu na ra ai.

JAW JAU 18:28

Kaning rai nme law, shawng na masha ni dai zawn re ai matsat shabat lam hkan galaw ai majaw dai mung gaw awu asin rai nga ai.

JAW JAU 20:22

Shing rai, ngai nanhte hpe woi wa nna madu shangun ai mung gaw, nanhte hpe n nhpat kau u ga, ngai tawn da ai ga matsun yawng hte nye a tara mahkra hpe, nanhte hkan galaw lu na rai myit dai.

JAW JAU 25:23

Lamu ga hpe tutnawng madu nga na hku dut lu na n rai: kaning rai nme law, aga gaw nye a rai nga ai: nanhte gaw ngai kaw shingbyi nga ai manam sha rai myit dai.

AMO LAIKA (AMOS) 7:17

Na a madu jan gaw ndai mare hta shawa num tai na ra ai; na a shayi shadang sha ni nhtu hte si mat nna, na a lamu ga gaw shadawn sumri hte karan kau ai hkrum na ra ai: nang nan n san n seng ai mung hta si wa nna, Israela gaw tinang a lamu ga kaw na, bawng dung ai de, teng teng woi wa ai hkrum na ra ai, ngu nna Amazia hpe htawn tsun wu ai.

MIHKA 2:10

Rawt mu, sa wa manu: hten byak kaba hte jahten shabyak chye ai awu asin re ai amu majaw, ndai shara gaw, nanhte a ban sa shara, n rai.

KASA 10:14

Petru chyawm gaw, “N rai law, Madu e; n sha mai ai hte n san n seng ai rai hpe, ngai galoi mung n sha yu nngai,” ngu nna htan wu ai.

TARA JAHPRANG 28:63

Nang hpe chyeju hte karum nna shalaw jahtam ai amu hta Yehowa awng sharawng wu ai zawn, nang hpe hpya nna shayawm shagrit ai amu hta awng sharawng na wu ai rai nna, nang wa shang sha na rin dai mung hta na ningli shamyit kau ai hkrum na rin dai.

TARA JAHPRANG 28:68

Lam ndai nang galoi mung bai mu lu sa na n rai, nga nna tsun kau sai lam hku, Yehowa gaw nang hpe Egutu mung de sanghpaw li hte bai woi sa wa nna, dai yang e mayam num mayam la sa tai nna, hpyen ni hpe tinang hkum dai sa dut timung, mari na kadai n nga ai.”

TARA JAHPRANG 4:26

Sumsing lamu hte ginding aga e gang nna dai ni ngai nanhte hpe madat tsun da made ga, Yawdan hka rap nna nanhte shang sha ai mungdan hta gade n na yang teng teng htum mat na myit dai; dai mung hta na na wa hkrung nga lu na myit dai n rai: atsai awai htum mat kaw du na marin dai.

YAWSHU 23:15

Nanhte a Karai Kasang Yehowa, nanhte hpe tsun da sai chyeju lam shagu nanhte hta hpring tup wa sai zawn, nanhte a Karai Kasang Yehowa nanhte hpe jaw ai ndai mungdan kaja hta na nanhte n htum mat dingsa, nanhte a ntsa e ari hkum sumhpa mung Yehowa dat dat na ra ai.