HOSEA 9:2 - Jinghpaw Hanson Version Bible

² Mam chyarang hte tsabyi si htumbyen, shanhte a asak hpe bau lu na, n rai; shi gaw, tsabyi ningnan mung lu na, n rai.

Jinghpaw Common Language Bible 2009

² Rai ti mung kade n na yang, law ram hkra re ai nsi naisi hte tsanlun sau nanhte hkam la lu na n rai; dai yang e sabyi ntsin mung nga na n rai.

HOSEA 9:2 ပူးပေါင်းရင်းမြစ်များ

NINGPAWT NINGHPANG 50:10

Yawdan hka wora hkran na Atad a chyarang e du ma yang, shanhte gaw dai yang e sharung shayawt kaba hte sharung shayawt nga nna, shi kawa a matu nhtoi sanit ya tup hkrap ngu hkrap ngoi rai nga ma ai.

HOSEA 2:11

Dai rai nna, mam dan ai aten e, nye a nai mam hpe, tsabyi si shup ai aten e, nye a tsabyi jahku hpe, ngai dawm la nna, shi hkum hpe jahpun mai ai, nye a sagu mun hte lachyit ri hpe, gare la kau na nngai.

HOSEA 2:12

Ya e pyi, shi a sumtsaw sumra ni a man e, shi a hpun palawng ngai raw kau nna, kaya jahkrum na nngai; nye a lata na shi hpe mawai la ai wa gaw, kadai n nga ai.

HOSEA 2:9

Shi gaw sumtsaw sumra ni hpe, hkan shachyut timung n dep, tam timung n mu jang, ‘Shawng na nye madu wa hpang de ngai bai wa na nngai; shi hte rau nga ai gaw, ya na hta grau kaja nga ai,’ nga nna tsun na ra ai.”

AMO LAIKA (AMOS) 5:11

Nanhte gaw matsan mayan ni hpe adip arip di nna, mam hkaulaw hpyi ai majaw, tawk ai nlung hte wahpang gaw da timung, dai hta rawng lu na myit dai n rai; tsawm ai tsabyi sun hkai sharing da timung, tsabyi jahku lu lu na myit dai, n rai.

HAGI 1:9

Nanhte gaw law law lu na, myit mada timung, kaji sha lu myit dai; dai hpe dum hta bang yang, ngai kawut kau nngai. Hpa majaw rai ta? nga nna Zaw nawng zaw wa up ai Yehowa san nga ai. Nye a Nta gaw shingran naw katsi nga ninglen, nanhte langai hte langai, tinang a nta hpe sha tsang ai majaw, rai nga ai.

HAGI 2:16

ndai aten laman e, n-gu dang hkun pru ai mam sumpum de sa du yang, dang shi sha lu la nga ai; bai, tsabyi yam manga shi la na matu, htumbyen de sa du yang, hkun sha lu la nga ai.