HOSEA 9:1 - Jinghpaw Hanson Version Bible

¹ “Israela e, masha amyu ni zawn, kabu gara ai myit hkum madun et; kaning rai nme law, nang gaw na a Karai Kasang hpe shinggan kau let, shawa num tai nga ndai; nang gaw chyarang shagu hta shawa num shabrai hpyi sha ndai.

Jinghpaw Common Language Bible 2009

¹ Israela amyu masha ni e, tara maigan masha ni zawn galaw ai lusha poi ni hpe tawn kau mu. Nanhte gaw nanhte a Karai Kasang a man kaw nna kayin mat wa nhtawm shi hpe n kam n sham nga myit dai. Nanhte gaw tinang hkum hpe mungdan ting de shawa num ni zawn Bala karai hpe dut ya ai hte shi nanhte a matu shabrai jaw ai zawn nawn ai nsi naisi hpe tsaw ra nga myit dai!

HOSEA 9:1 ပူးပေါင်းရင်းမြစ်များ

SHAKAWN KUNGDAWN 73:27

Yu mu, nang hte tsan gang ai ni hten mat masai, Nang hte dingsa sa hka wa ai ni hpe, nang shaprai kau nga ndai.

ESAIA 17:11

hkai ai shani e nang dai hpe kum da nna, jahpawt manap e nampan pu shangun wu ai; rai timung, yawn hkyen ai hte sharung shayawt bu ai shani e, mam dan shara n nga ai.

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

YEREMIA 2:20

“Nang mahtang moi kaw nna na a kandang hpe daw kau nna, nang hpe gyit ai sumri gang dut kau nhtawm, Ngai gaw mayam amu n galaw na nngai, nga nna tsun ndai: kaning rai nme law, tsaw ai kawng shagu a ntsa e mung, tsit lali ai hpun shagu a npu e mung, nang gum nna shawa num tai nga ndai.

YEREMIA 44:17

Anhte hte anhte a ji wa ni, anhte a hkawhkam ni hte du salang ni gaw, Yuda mare ni hte Yerusalem mare lam ni hta, galaw yu sai hte maren, sumsing lamu hkawhkam jan a matu, manam pyaw ai baw nat nawng na hte dumhpung hkungga ru jaw na ga ai, nga nna tawn da ai ga ndat yawng hpe anhte shadik na ga ai: kaning rai nme law, dai shaloi e anhte hkru kat lu nna, ngamu ngamai nga ai hte ruyak n hkrum ga ai.

SHARUNG SHAYAWT 4:21

Uza mung hta shanu nga ai Edom shayi sha e, kabu gara nna sharawng awng nga u; Shi a gawm nang hpang de mung rap wa na ra ai; nang chyaru nang nna singgu krin rai na rin dai.

EZEKELA 16:15

“Rai timung, nang gaw na a tsawm htap ai hta machyu nga nna, nang kajai gumhkawng hkrum ndai majaw shawa num tai nna, hkawm lai wa ai ni yawng hte shut hpyit nga ndai: la shagu hte nang hkrum ndai.

EZEKELA 16:30

“Kaya n chye ai shawa num zawn, ndai lam yawng nang galaw ndai majaw, na a myit masin gade ngawk nga a hka:

EZEKELA 20:32

anhte gaw maigan amyu ni hte, kaga mung na masha ni zawn, hpun nlung hpara ni hpe daw jau na ga ai, nga nna, nanhte myit maw ai hku byin lu na n rai.”

EZEKELA 21:10

shing rai, ngai Yehowa nan nye a nhtu hpe n-ga hta na shaw nga ai gaw, hkrung mahkrung chye lu na mara ai: dai gaw n-ga de bai nhtang wa na n rai.

HOSEA 10:5

Samari masha ni gaw, Bet-awen a dumsu kasha a majaw, hkrit gari na mara ai: kaning rai nme law, de a hpung shinghkang hkoi mat ai majaw, mung masha ni hte, dai hta sharawng awng nga ai sumla hkinjawng ni gaw, yawn hkyen hkrum na mara ai.

HOSEA 2:12

Ya e pyi, shi a sumtsaw sumra ni a man e, shi a hpun palawng ngai raw kau nna, kaya jahkrum na nngai; nye a lata na shi hpe mawai la ai wa gaw, kadai n nga ai.

HOSEA 4:12

Nye a amyu masha ni gaw, tinang a hpuntawng hte bawng yu ma ai; shanhte a dawhkrawng gaw, hpaji daw ya ai: liknga lam hta kayut ai majaw, shanhte lam dam nna, shawa num tai let, tinang a Karai Kasang npu na, pru mat wa ma ai.

HOSEA 5:4

Shanhte a kraw kata e shawa num myit rawng nna, shanhte Yehowa hpe n chye ma ai majaw, tinang a Karai Kasang hpang de nhtang wa na, shanhte a arawn alai hkum da nga ai.

HOSEA 5:7

Shanhte gaw tsasam kasha shaprat manu ai majaw, Yehowa hpe myit magaw ai hku di kau manu ai: ya chyawm gaw, shata praw shani gaw, shanhte hte shanhte a yi hkauna ni hpe, shamyit kau na ra ai.

AMO LAIKA (AMOS) 3:2

nga nna Egutu mung na woi shapraw ai amyu ting hpe lakap sha-ang nna, Yehowa tsun ai ga hpe madat mara la mu.

AMO LAIKA (AMOS) 4:5

matsi rawng ai muk hte chyeju dum ai kumhpa nawng ya nna, dingsa jaw ai kumhpa daw jau let, ndai lam shana ya mu: kaning rai nme law, Israela kashu kasha ni e, nanhte gaw ndai lam sharawng awng nga myit dai, nga nna Madu Yehowa tsun ai.

AMO LAIKA (AMOS) 6:13

nanhte gaw hpa n re ai hta kabu nna, Anhte gaw, tinang n-gun hte nrung shatut lu ga ai, nga nna grang dakat myit dai.

AMO LAIKA (AMOS) 8:10

Nanhte a pyaw poi ni hpe yawn hkyen ai hte, nanhte a mahkawn mangoi ga hpe sharung shayawt ai hte, ngai galai kau na nngai; masha yawng lachyit nba kyit nna, abaw yawng krin nga na lam, ngai shabyin na nngai; kasha shingtai si ai majaw hkrap ai zawn ngai hkrap shangun nna, de a jahtum ai gaw n hpru n mai ai nhtoi zawn tai na ra ai.

YAKU 4:16

Ya chyawm gaw nanhte a grang ai ga hta nanhte gumrawng gumtawng rai nga myit dai: shing re ai gumrawng gumtawng nlang hte gaw, n shawp n kap rai nga ai.

YAKU 5:1

Sut su ai ni e, sa marit; nanhte a ntsa e du magang ra ai tsin-yam tsindam majaw, hkrap shabam nga mu.