HOSEA 8:9 - Jinghpaw Hanson Version Bible

⁹ Kaning rai nme law, shanhte gaw shi hkrai rai nga ai lawze nhprang zawn, Asuri mung de lung wa masai: Ehprim gaw sumtsaw sumra ni hpe kumhpa jaw nga ai.

Jinghpaw Common Language Bible 2009

⁹ Israela amyu masha ni gaw lawze shazai ni zawn du ja nga ma ai hte shanhte ra ai hku hkawm ma ai. Shanhte gaw Asuri mung de karum la lam sa tam ma ai; shanhte hpe makawp maga ai amyu baw ni hpe kumhpa jaw ma ai.

HOSEA 8:9 ပူးပေါင်းရင်းမြစ်များ

2 HKAWHKAM 15:19

Dai aprat e Asuri hkawhkam Pula gaw Israela mungdan hpe sa gasat wu ai rai nna, Menahem gaw dai mungdan hta grin wa lu hkra, Pula hpe gumhpraw talenta hkying mi sak jaw wu ai.

ESAIA 30:2

Hpara-u a n-gun atsam hte tinang a n-gun shaja nna, Egutu shingnip hta shingbyi nga na nga, shanhte ngai hpe n san yu ai, Egutu mung de yu wa ma ai.

ESAIA 30:6

Dingda mung na numraw hpe ang ai myihtoi ga: Hkanghkyi yi hte hkanghkyi, pu htum hte pyen chye ai wan lapu sawng nna, yak la ai hte kyin dut ai mungdan hku shanhte ga sa wa nna, shanhte a matu hpa asung n shang ai amyu hpang de, lawze dinghkung hta sutgan, gawla-uk ni a dabu ntsa e aja gumhpraw, htaw sa ma hka.

YEREMIA 2:24

nang gaw gat chyang nna nwan hkawm ai gawla-uk yi rai nga ndai; nam mali e shanu nga nna tinang gasit ai myit hte nbung hpe marawp ai lawze yi nhprang rai nga ndai: ra kayut yang, kadai hkum da lu a ta? shi hpe hkan tam ai ni yawng, hki ba na n rai; shi a aten du yang shi hpe mu na ra ai.

HOSEA 12:1

“Ehprim gaw, masu matsa ga hte, Israela dap gaw, hkalem hkalau ai hte, ngai hpe wang tawn nga ai; Yuda chyawm gaw, Karai Wa hte naw up nga lu nna, Chyoi Pra ai Wa hte, kangka rai nga ai.

HOSEA 12:2

Ehprim gaw nbung hpe sha nna, sinpraw nbung hpe hkan shachyut nga ai: shi gaw masu matsa ai ga hte hten byak ai lam ni hpe, shani shagu shalaw dat nga ai; shanhte gaw Asuri hkawhkam wa hte ga shaka tawn da nna, Egutu mung de asau la sa ma ai.

HOSEA 2:10

“Ngai nan, nai mam, tsabyi jahku ningnan hte asau, shi hpe karan jaw ai mung, shanhte Bala hpara hpe sak jaw ai aja gumhpraw hpe mung, ngai shi hta shalaw nga ai hpe, shi n dum nga ahka!

HOSEA 5:13

Ya Ehprim gaw tinang a ana ahkya hpe, Yuda gaw tinang a nma hpe mu jang, Ehprim gaw Asuri mung de sa nna, Yuda gaw hkawhkam Yarib hpe shaga wu ai: shi chyawm gaw, nan hpe shamai ya lu ai, n rai, nan a nma hpe kapa ya lu ai, n rai.

HOSEA 7:11

Ehprim gaw myit n rawng ai. angawk ai hkrudu hte bung nga ai: shanhte gaw Egutu hpe shaga, Asuri mung de sa wa ma ai.