HOSEA 8:7 - Jinghpaw Hanson Version Bible

⁷ Shanhte gaw nbung nli gat nna, bungsha shu la na mara ai; mam hpun tu na n rai. Nkyang hta shadung rawng na, n rai: rawng timung, tsasam masha ni dai hpe gamaw kau na mara ai.

Jinghpaw Common Language Bible 2009

⁷ Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

HOSEA 8:7 ပူးပေါင်းရင်းမြစ်များ

NINGPAWT NINGHPANG 41:23

bai, yu u, de a hpang e nyip nyip re ai hte kaji nna sinpraw nbung e ahpawt kau sai mam gungsi sanit si pru ma ai:

2 HKAWHKAM 15:19

Dai aprat e Asuri hkawhkam Pula gaw Israela mungdan hpe sa gasat wu ai rai nna, Menahem gaw dai mungdan hta grin wa lu hkra, Pula hpe gumhpraw talenta hkying mi sak jaw wu ai.

2 HKAWHKAM 15:29

Israela hkawhkam Peka aprat e, Asuri hkawhkam Tiglat-pilese sa du nna, Iyon, Abela-bet-mahka, Yanoa, Kedesha, Hazora mare ni mung, Gilead mung hte Naphtali ngu ai Galile mung ting hpe mung gasat nna, mung masha ni hpe Asuri mung de bawng rim wa mu ai.

YOBA 4:8

Ngai mu ai hte maren, Yubak hpe shawt hkai ai wa hte, n hkru ai lam gat yai ai ni gaw, dai hpe dan la ga ma ai.

GA SHAGAWP 22:8

Yubak nli hpe gat hkai ai wa gaw, yubak dan la na ra ai; Shi maw ai pawt sindawng ai lam mat mat na ra ai.

HPAJI NINGLI 5:16

Shi gaw shangai wa sai hte maren, hpa n shai ai sha nhtang wa ai lam gaw, yak la ai lam langai mi rai nga ai: nbung hpe lu la hkra, shakut sharang ai gaw, hpa akyu nga a ta?

ESAIA 17:11

hkai ai shani e nang dai hpe kum da nna, jahpawt manap e nampan pu shangun wu ai; rai timung, yawn hkyen ai hte sharung shayawt bu ai shani e, mam dan shara n nga ai.

ESAIA 55:2

Shahpa n re ai a matu, nanhte a gumhpraw hpe mung, hkru kat n chye ai arai a matu, nanhte a n-gun hpe mung, hpa majaw ginlut kau nga myit ta? nye a ga atsawm sha madat mara let, mai kaja ai hpe sha nna, nanhte a myit masin sau hpum ai hta awng sharawng nga mu ga.

ESAIA 66:15

Kaning rai nme law, yu mu, myit kahtet ai hpe n-yun bu ai hte, daru jet ai hpe grung ai wan hte shapraw dan na matu, Yehowa gaw wan hte du nna, shi a leng ni bungsha zawn rai na ra ai.

YEREMIA 12:13

Shanhte hkaulan mam gat nna, ju hpun dan la ma ai; tinang hkum hpe jahki shaba timung, hpa akyu n pru nga ai; Yehowa n-yun bu ai myit majaw, nanhte gaw tinang shapraw ai amu hpe tau yu let, kaya kahpa dum na marin dai.

SHARUNG SHAYAWT 5:2

Anhte a sali wunli ga tsasam masha ni a lata de, Anhte a dum nta ni, maigan ni a lata de, ap kau hkrum sai.

HOSEA 2:9

Shi gaw sumtsaw sumra ni hpe, hkan shachyut timung n dep, tam timung n mu jang, ‘Shawng na nye madu wa hpang de ngai bai wa na nngai; shi hte rau nga ai gaw, ya na hta grau kaja nga ai,’ nga nna tsun na ra ai.”

HOSEA 7:9

Tsasam masha ni gaw shi a n-gun sha kau timung, shi dai lam n chye nga ai: shi a baw hta kara ahpraw kayau kaya tu pru timung, shi dai lam n chye nga ai.

HOSEA 9:16

Ehprim gaw ahtu adep hkrum ai majaw, tinang aru hkraw mat nna, asi n si lu ma ai; kasha shangai timung, tsawra htum ai kasha ni hpe, ngai sat kau na nngai.

NAHUM 1:3

Yehowa gaw myit galu kaba nna, n-gun atsam ja nga ai: shi gaw mara kap ai wa hpe shalawt dat na n rai: Yehowa gaw bungsha hte laru marang hta yu wa nna, sumwi ni gaw shi a lagaw npu na ga nhpu rai nga ai.

HAGI 1:6

Nanhte law law gat hkai timung, kaji sha shu la lu myit dai; sha timung, n hkru kat myit dai; lu timung, hkru lu ai, n rai; bu hpun timung, lum ai n rai; shabrai sha ai wa gaw, tinang a shabrai hpe, waw ai tingsan hta bang da wu ai.

GALATI 6:7

Lam hkum dam myit; Karai Kasang hpe n sawn n sang di lu na n rai: masha gaw gat hkai ai hte maren, dan la na ra ai.

GALATI 6:8

Tinang hkum shan hta gat hkai ai wa gaw, hkum shan hta na hten byak ai dan la na ra ai; Wenyi hta e gat hkai ai wa chyawm gaw, Wenyi hta na htani htana asak dan la na ra ai.

TARA JAHPRANG 28:33

Na a mungdan a nsi naisi hte nang galaw tawn ai sutgan yawng gaw nang n mu n chye yu ai masha amyu sha kau na mara ai; nang chyawm gaw zingri zingrat hkrum sha ai tut rai na nit dai: