HOSEA 8:5 - Jinghpaw Hanson Version Bible

⁵ Samari e, na a dumsu kasha hpe shi kau da nu ai; nye a pawt sindawng ai myit, nawku ai ni hpe kahtet nga ai: shanhte gaw gaten du hkra, san seng ai myit n rawng na ma hka?

Jinghpaw Common Language Bible 2009

⁵ Ngai gaw Samari mare masha ni nawku ai ja dumsu hpe n dawng nngai. Ngai dai ni hpe masin yu kahtet nngai. Shanhte gaw shanhte a hpara sumla nawku htung lai len hpe galoi du hkra n kau ai nga nga na ma ai kun?

HOSEA 8:5 ပူးပေါင်းရင်းမြစ်များ

2 HKAWHKAM LABAU 13:8

Ya mung, Dawi kasha ni a lata hta rawng nga ai Yehowa a mungdan hpe, nanhte hkap daw na maw nga myit hka; gaja wa anhte gaw wunawng kaba rai nga myit dai hte, nanhte a Hpara malai Yeroboam galaw da ai aja dumsu kasha ni mung lawm nga ma ai.

SHAKAWN KUNGDAWN 19:13

Dingsa galaw ai yubak mung ngai hpe n up u ga, Dai hta na, na a mayam wa hpe shabai la u: Shaloi ngai myit tsup nga nna, mara kaba hte mung lawt na ring ngai.

GA SHAGAWP 1:22

Myit n su ai ni e, nanhte gaw myit n su ai amu hta sharawng nga nna, Jahpoi asawng ai ni gaw jahpoi asawng ai lam hta pyaw nga na hte, Angawk angak re ai ni chye chyang ai lam hpe n dawng nga na gaw, gaten du hkra rai ta?

ESAIA 45:20

Masha amyu ni hta na lawt pru lu ai ni e, rau sa zuphpawng ga; sit sa marit: tinang tawk ai hpuntawng hpara sumla hpe hpai nna, hpa n karum lu ai hpara hpe akyu hpyi ai ni gaw, hpa mung n chye ma ai.

YEREMIA 13:27

Pa ga na kawng ni a ntsa e nang galaw ai matsat shabat ngu ai, num shaw la shaw ai, nying sharung ai hte n san n seng hpye ai amu hpe, ngai mu ni ai: Yerusalem e, nang dingnye lu ndai; nang n san n seng ai gaten du hkra naw rai nga na a ta? nga nna Yehowa tsun ai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

YEREMIA 48:13

Shing rai, Israela dap gaw tinang hpa ai Betela hpara majaw kaya dum ai zawn, Moba masha ni gaw Hkemosha hpara majaw, kaya dum na mara ai.

HOSEA 10:5

Samari masha ni gaw, Bet-awen a dumsu kasha a majaw, hkrit gari na mara ai: kaning rai nme law, de a hpung shinghkang hkoi mat ai majaw, mung masha ni hte, dai hta sharawng awng nga ai sumla hkinjawng ni gaw, yawn hkyen hkrum na mara ai.

HOSEA 10:8

Israela yubak a npawt Awen mung, run kau ai hkrum na ra ai: de a tawn hkungri ni a ntsa e, ju hpun hte tsing tu lim kau nna, mare masha ni gaw, ‘Bum ni e, anhte hpe ka-up mi, kawng ni e, anhte a ntsa e hkrat bun mi,’ nga nna shaga na mara ai.”

HOSEA 13:2

Ya shanhte gaw yubak je je galaw nna, tinang nyan hkan let, tinang a gumhpraw hte jaw ai hpara sumla galaw ma ai: yawng hte gaw lasama amu hkrai rai nga timung, shanhte gaw dai sumla ni hpe ga tsun nna, hkungga nawng ya ai wa gaw, dumsu kasha ni hpe pup nga a hka!

HOSEA 8:6

Kaning rai nme law, dai gaw Israela masha ni shapraw ai sha rai nga ai: lasama wa dai hpe galaw nna, dai gaw Karai Kasang n rai; gaja wa, Samari a dumsu kasha gaw, kahtum gadaw agrawp kau ai hkrum na ra ai.

AMO LAIKA (AMOS) 8:14

Samari a shut hpyit ai lam hkan nna, Dan e, na a hpara hkrung nga ai hte maren, nga nna mung, Berasheba a htung hking grin nga ai hte maren, nga nna mung, tsun dagam ai ni gaw kadawng mat nna, galoi mung bai rawt lu na n rai, nga nna Madu Yehowa tsun ai.

MIHKA 1:7

Shi a tawk la ai sumla ni yawng agrawp kau ai hkrum nna, shawa num jahpu hte lu la ai arai ni, hkru mat na ra ai; shi a hpara sumla ni yawng hpe, ngai shaza kau na nngai: kaning rai nme law, dai ni hpe shawa num jahpu hte mahkawng da ai rai nna, shawa num jahpu bai tai na ra ai.

KASA 7:41

Dai nhtoi hte hta shanhte dumsu kasha sumla galaw nna, dai sumla hpe hkungga jaw let, tinang a lata hte galaw ai amu hta kabu gara nga ma ai.

TARA JAHPRANG 32:22

Nye a pawt bu ai hte wan nat dat nna, Sung htum ai katsan ga du hkra hkru wa ra ai: Ga hte de a nsi naisi hpe shakrawp kau nna, Bum ni a npawt pyi hkru mat nga ai.