HOSEA 8:1 - Jinghpaw Hanson Version Bible

¹ Pahtau dum u; hpyen wa gaw langda zawn Yehowa nta de du ra ai: kaning rai nme law, shanhte gaw nye a ga shaka hpe lai kau nna, nye a tara hpe tawt lai kau manu ai.

Jinghpaw Common Language Bible 2009

¹ Dai Madu gaw ning nga tsun ai: “Pahtau dum dat mu! Gumlau hpyen ni gaw nye a mungdan de galang ni zawn htim yu wa ma hka! Nye a amyu masha ni gaw shanhte hte ngai tawn da ai ga shaka hpe jahten kau nhtawm nye a sharin shaga ai ga hpe gumlau kau manu ai.

HOSEA 8:1 ပူးပေါင်းရင်းမြစ်များ

2 HKAWHKAM 18:27

Rabshake mahtang, “Nye a madu gaw, nang hte na madu hpe ndai ga tsun dan u nga, ngai hpe shangun dat ai rai kun? Mare bunghku hta dung nga let, nanhte hte rau tinang a hkyi sha nna, tinang a jit lu ai ni hpang de shangun dat ai, n rai ni?” ngu nna shanhte hpe htan mu ai.

ESAIA 18:3

Mungkan e shanu nga ai, ga ntsa masha yawng hte e, bum ntsa e dawnghkawn sharawt nga yang, mada yu mu; pahtau dum yang, madat mara nga mu.

ESAIA 24:5

Mung masha ni gaw tara hpe tawt lai nna, hkang da ai ga hpe galai kau ai hte, prat dingsa na ga shaka hpe shaprai kau ai majaw, lamu ga gaw awu asin hkrum nga ai.

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

YEREMIA 31:32

shanhte a kaji kawa ni hpe lata hte dun la nna, Egutu mung na woi wa ai shaloi na, shanhte hte tawn da ai ga shaka hte maren, n rai: kaning rai nme law, ngai shanhte a Madu rai nga timung, shanhte gaw, ndai, nye a ga shaka hpe run kau ma ai, nga nna Yehowa tsun ai.

YEREMIA 34:18

Nanhte gaw dumsu kasha hpe ka-ang brang ga nna, lapran hku lai wa let, nye a man e yin la ai ga shaka hte maren, n hkan, nye a ga shaka tawt lai kau ai ni ngu ai, Yuda agyi salang ni Yerusalem agyi salang ni, hpyen du ni, hkinjawng ni hte, ka-ang brang ga ai dumsu kasha lapran hku lai wa ai, mung masha ni mahkra hpe, hpyen ni a lata hta mung, shanhte a asak hpe tam ai ni a lata hta mung, ngai ap kau nna, shanhte a si mang ni gaw, ntsa malem u ni hte ga ntsa matse labye ni a shahpa tai na ra ai.

YEREMIA 4:13

Yu u, sa wa ai hkawhkam gaw sumwi zawn du na ra ai; shi a leng ni gaw, bungsha zawn rai nga ai; shi a gumra ni gaw, langda hta grau laram nga ma ai; anhte gaw dingnye lu ga ai: hten byak ai hkrum saga ai.

YEREMIA 4:5

“Mungdan hta e pahtau dum mu; jahtau garu nna, zuphpawng mu; bunghku kum ai mare ni de anhte lung ga,” nga nna tsun ai ga hpe, Yuda mung hta e shana ya mu, Yerusalem mare hta shabra dat mu.

YEREMIA 48:40

Kaning rai nme law, Yehowa ning nga ai: Yu u, hpyen wa gaw langda zawn pyen sa nna, shi a singkaw Moba mung ntsa e ka-up na ra ai.

YEREMIA 49:22

Yu u, hpyen wa gaw langda zawn pyen lung nna, shi a singkaw Bozra ntsa e ka-up na ra ai rai nna, Edom a n-gun ja ai ni a myit gaw, shinggyim machyi hkrum ai num a myit zawn, dai shani e tai na ra ai.

YEREMIA 51:27

Dai mung hta dawnghkawn sharawt mu; amyu baw ni hta pahtau dum mu; shi hpe gasat na, masha amyu ni hpe hkyen tawn mu; shi hpe wang tawn na matu, Ararat, Minni, Ashkena mungdan ni hpe jahpawng mu; shi a ntsa e hpyen agyi san da mu: dinggam-yaw zawn kamawng ai gumra hpyen ni gaw, shi hpe gasat na matu lung wa mu ga.

YEREMIA 6:1

“Ben-yamin a kashu kasha ni e, Yerusalem mare na pru nna, lawt hkra hprawng mu; Tekoa kahtawng e pahtau dum mu; Bet-hahkerem e kumla sharawt mu: kaning rai nme law, ruyak ai hte jahten shabyak kaba, dingdung maga de na dawng pru nga ai.

EZEKELA 11:4

Dai re ai majaw, masha kasha e, shanhte hpe hkap daw let, myihtoi htoi u, myihtoi htoi u,” nga nna ngai hpe tsun ai.

EZEKELA 16:59

“Kaning rai nme law, Madu Yehowa ning nga ai: ‘Ga shaka hpe sharun kau na matu, dagam ai ga hpe n kaw n law di kau ai majaw, nang di ai hte maren ngai nang hpe di kau na de ai.

EZEKELA 17:3

‘Madu Yehowa ning nga ai: Lak lai ai ahpraw asam hte, mun law law tu nna, singkaw galu kaba ai langda kaba gaw, Lebanon bum de du nna, arit hpun ndung makrang let,

EZEKELA 7:14

Shanhte pahtau dum nna, hpyen hkyen timung, hpyen gasat na kadai n pru nga ai; kaning rai nme law, nye a sindawng kahtet ai gaw, dai shawa hpung ting a ntsa e rai nga ai.

HOSEA 4:6

Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

HOSEA 5:8

Gibea mare hta pahke, Rama mare hta pahtau, dum mu; Bet-awen shara e jahtau garu mu; Ben-yamin e, hpang de mada yu u.

HOSEA 6:7

Rai timung, shanhte gaw Adam zawn, ga shaka hpe tawt lai kau manu ai: dai yang e shanhte gaw, myit magaw ai hku, ngai hpe di kau ma ni ai.

HOSEA 9:15

Shanhte a n hkru n hkra ai a npawt yawng, Gilgala mare hta rai nga ai; dai yang e ngai shanhte hpe n dawng n yawt nngai: shanhte a n hkru n hkra ai a amu majaw, ngai shanhte hpe nye a nta na shachyut kau na nngai: htawm hpang e shanhte hpe tsawra na, n rai: shanhte a du ni yawng, gumlau ni rai nga ma ai.

YOELA 2:1

Ziun mare hta e, pahtau dum mu; nye a chyoi pra ai bum ntsa e garu jahtau mu; mung masha ni yawng hkrit gari nga mu ga; kaning rai nme law, Yehowa a nhtoi du ra ai, dai gaw ni magang ra ai:

YOELA 2:15

Ziun mare hta e, pahtau dum mu; lusha gam ai aten san da mu; shawa hpawng zuphpawng mu:

AMO LAIKA (AMOS) 3:6

Mare hta pahtau dum yang, mare masha ni n hkrit kajawng na ma ni? Yehowa kaw na n rai yang, tsin-yam tsindam lama ma, mare hta byin na a ni?

AMO LAIKA (AMOS) 8:3

Dai aten hta e nawku htingnu na mahkawn mangoi ga, hkrap shabam ai hte galai mat na ra ai: si mang ni law nga nna, shara shagu hta na atsin sha kabai kau na mara ai, nga nna Madu Yehowa ngai hpe tsun ai.

AMO LAIKA (AMOS) 9:1

Dai Madu gaw, dai tawn hkungri makau e tsap nga ai hpe, ngai mu nngai: shi gaw, Chyinghka hkinbawng ni ashun awam hkra, nta shadaw ni hpe adawt agrawp kau nna, mung masha ni a baw ntsa e ru bun shangun mu; ngai shanhte hpe htum hkra nhtu hte sat kau na nngai: langai mi pyi hprawng lu na n rai, langai mi muk lawt lu na n rai.

HABAKU 1:8

Shanhte a laring gumra ni gaw, rawnggawk hta grau lawan chye nna, shana na chyahkyawn ni hta grau n hkru ma ai; gumra jawn ai ni, sumtsan kaw na du nna, pri rai nga ma ai: dai ni gaw, hpya lu hpya sha na matu, lawan ai langda zawn, htim ma ai.

ZEHPANI 1:16

bunghku kum ai mare ni hte, tsaw ai hpyen dap ni hpe htim let, pahtau dum nna, garu jahtau ai nhtoi, rai na ra ai.

ZEHKARIA 11:1

Lebanon e, na a arit hpun ni hkru kau hkra, na a chyinghka ni hpe hpaw malang da u.

ZEHKARIA 9:14

Yehowa gaw, shanhte a ntsa e dan pru nna, shi a pala gaw, myihprap zawn pru na ra ai: Madu Yehowa gaw pahtau dum nna, dingda mung na bungsha hte, sa wa na ra ai.

MAHTE 24:28

Mang taw ai shara hkan e, lang da ni mung hpawng nga na mara ai.

1 KORINHTU 15:52

rai timung, hpang chyahtum na pahtau ngoi wu ai shaloi e, akajawng sha, myi grip mi hta e, anhte yawng hte gaw lai mat na ra ga ai: dai pahtau gaja wa ngoi wu na ra ai rai nna, si mat ai ni gaw n hten n mat chye ai sha bai hkrung rawt wa na mara ai hte, anhte lai mat na ra ga ai.

TARA JAHPRANG 28:49

Yehowa gaw, kalang htim ai zawn larau ai masha amyu mi, tsan ai shara lamu ga htum na, nang hpang de sa gasat shangun na ra ai; dai amyu a shaga ai ga nang chye na na n rai: