HOSEA 7:9 - Jinghpaw Hanson Version Bible

⁹ Tsasam masha ni gaw shi a n-gun sha kau timung, shi dai lam n chye nga ai: shi a baw hta kara ahpraw kayau kaya tu pru timung, shi dai lam n chye nga ai.

Jinghpaw Common Language Bible 2009

⁹ dai zawn maigan masha ni hpe shamyet shanat ai gaw shanhte a n-gun hpe hpya sha kau ya na rai nga ma ai hpe n dum n chye nga ma ai. Shanhte a nhtoi hti hkum ni htum mat wa nga ti mung de a lam hpe pyi shanhte n chye nga ma ai.

HOSEA 7:9 ပူးပေါင်းရင်းမြစ်များ

2 HKAWHKAM 13:22

Ya Suri hkawhkam Hazaela gaw, Israela amyu hpe, Yehoaza a prat tup zingri zingrat da mu ai.

2 HKAWHKAM 15:19

Dai aprat e Asuri hkawhkam Pula gaw Israela mungdan hpe sa gasat wu ai rai nna, Menahem gaw dai mungdan hta grin wa lu hkra, Pula hpe gumhpraw talenta hkying mi sak jaw wu ai.

GA SHAGAWP 23:35

Shanhte ngai hpe kayat timung, ngai n machyi nngai; Adup timung ngai hpa n dum nngai; Ngai gara aten e hprang na i? dai lam hpe ngai naw tam na nngai, nga nna nang tsun na rin dai.

ESAIA 1:7

Nanhte a mungdan gaw katsi katsang rai nga ai; nanhte a mare ni hkru mat sai; maigan masha ni, nanhte a ga dachyawk ni hpe nanhte a man e sha kau nga ma ai: tsasam masha ni hpya kau ai ga zawn, dai de katsi katsang rai nga ai.

ESAIA 48:8

Gaja wa, nang n na yu ndai; gaja wa, nang n chye ndai; gaja wa, moi kaw nna na a na hpaw ai n rai: kaning rai nme law, nang gaw gumle gumlau amu grai galaw nna, kanu a hkritung kaw nna pyi, tara tawt lai ai, ngu ai mying mying ai hpe ngai chye nngai.

ESAIA 57:1

Dinghpring ai wa gaw hten mat hkrum nna, kadai mung n nawn nga ai; matsan dum chye ai wa gaw, dawm la ai hkrum nna, dai wa gaw du na ra ai tsin-yam hpe lawt lu hkra, dawm la ai hkrum sai, nga nna kadai mung n myit ma ai:

HOSEA 4:6

Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

HOSEA 8:7

Shanhte gaw nbung nli gat nna, bungsha shu la na mara ai; mam hpun tu na n rai. Nkyang hta shadung rawng na, n rai: rawng timung, tsasam masha ni dai hpe gamaw kau na mara ai.