HOSEA 7:8 - Jinghpaw Hanson Version Bible

⁸ Ehprim gaw maigan amyu ni hte kayau nga ai; shi gaw, maga sha kabaw nna, n galau ai muk pa rai nga ai.

Jinghpaw Common Language Bible 2009

⁸ Dai Madu gaw ning nga tsun ai: “Israela amyu masha ni gaw ka-ang hkup sha kabaw ai muk tawng langai hte bung nga ai. Shanhte gaw shanhte a grup yin masha amyu baw ni hta shamyet shanat nga ma ai rai nna,

HOSEA 7:8 ပူးပေါင်းရင်းမြစ်များ

1 HKAWHKAM 18:21

Shaloi Elia gaw mung masha ni mahkra hpang de sit sa nna, “Nanhte gaw lam lahkawng a lapran e gade na hkra hpatwat hkawm nga na myit ta? Yehowa nan Karai Kasang rai nga yang, shi hpe hkan mu; Bala mahtang rai yang, shi hpe hkan mu,” ngu mu ai rai nna, mung masha ni gaw ga hkaw mi muk n htan mu ai.

EZRA 9:1

Ya dai amu ni ngut wa ai hpang, agyi salang ni ngai hpang de sit sa nna, Israela masha ni, hkinjawng ni, Lewi masha ni gaw, ndai mung ni e de nga ai amyu masha ni hta, tinang hkum hpe n daw n hka ai sha, Hkanan, Hiti, Perizi, Yebusi, Ammon, Moba, Egutu hte Amori masha ni a matsat shabat lam shagu hte maren hkan galaw nga ma ai.

EZRA 9:12

nanhte a shayi sha ni hpe shanhte a shadang sha ni hte, shanhte a shayi sha ni hpe nanhte a shadang sha ni hte, hkum ya sha myit; nanhte n-gun ja lu na hte, dai mungdan a ngamai na hpe lusha lu nna, nanhte a kashu kasha ni hpe prat dingsa du hkra madu lu shangun na matu, shanhte a ngwipyaw ai hte ngamu ngamai ai lam galoi mung hkum tam myit, nga nna na a shangun ma myihtoi ni a n-gup hta nang hkang da ai ga hpe, anhte kau da sagaw ai.

SHAKAWN KUNGDAWN 106:35

Masha amyu ni hte shanhte kayau kaya rai nga nna, Shanhte a htung hking hpe sharin la ma ai.

HOSEA 5:13

Ya Ehprim gaw tinang a ana ahkya hpe, Yuda gaw tinang a nma hpe mu jang, Ehprim gaw Asuri mung de sa nna, Yuda gaw hkawhkam Yarib hpe shaga wu ai: shi chyawm gaw, nan hpe shamai ya lu ai, n rai, nan a nma hpe kapa ya lu ai, n rai.

HOSEA 5:7

Shanhte gaw tsasam kasha shaprat manu ai majaw, Yehowa hpe myit magaw ai hku di kau manu ai: ya chyawm gaw, shata praw shani gaw, shanhte hte shanhte a yi hkauna ni hpe, shamyit kau na ra ai.

HOSEA 7:9

Tsasam masha ni gaw shi a n-gun sha kau timung, shi dai lam n chye nga ai: shi a baw hta kara ahpraw kayau kaya tu pru timung, shi dai lam n chye nga ai.

HOSEA 9:3

Shanhte gaw Yehowa a mungdan hta shanu lu na, n rai; Ehprim gaw Egutu mung de nhtang wa nna, shanhte gaw Asuri mung hta e, n san n seng ai shahpa sha na mara ai.

ZEHPANI 1:5

sumsing lamu na zaw nawng zaw wa ni hpe, tinang a nta ntsa e nawku ai ni hpe mung, Yehowa hte Malhkam hpara hpe, rau nawku nna, dagam nga ai ni hpe mung;

MALAHKI 2:11

Yuda amyu gaw hkalem hkalau lam hkan nna, Israela hte Yerusalem mare hta matsat shabat amu byin pru nga ai: kaning rai nme law, Yuda amyu gaw, Yehowa tsawra ai chyoi pra ai shara hpe, awu asin di kau nna, maigan hpara a shayi sha hpe hkungran la nu ai.

MAHTE 6:24

Kadai rai ting mung, madu lahkawng kaw chyang lu na n rai; shi langai mi hpe n dawng nna kaga hpe tsawra na wu ai; shing n rai langai mi hpe kasawt nna, kaga hpe n kaw n law di na wu ai; nanhte Karai Kasang hpe mung, mungkan a sutgan hpe mung, rau chyang lu na myit dai n rai.