HOSEA 7:4 - Jinghpaw Hanson Version Bible

⁴ Shanhte yawng num shaw la shaw ai ni rai nga ma ai: shanhte gaw muk kabaw ai wa kahtet shangun ai wan htung hte bung nga ma ai: shi gaw shadung gumchya nna, muk wawm ai du hkra, dai wan hpe shagrung ra ai, n rai.

Jinghpaw Common Language Bible 2009

⁴ Shanhte yawng gaw gumle gumlau re ai ni hte sadi n dung ai ni rai ma ai. Muk kabaw ai wa gaw muk shadung kabaw na matu jin jin galaw da ai aten du hkra wan htung na wan n shagrung ai zawn shanhte a n ju n dawng ai myit gaw kraw kata e hkru nga ai.

HOSEA 7:4 ပူးပေါင်းရင်းမြစ်များ

YEREMIA 23:10

Kaning rai nme law, mungdan ting num shaw la shaw ai ni hpring chyat nga ma ai; matsa mawa ga majaw, mungdan yawn nga ai; nam mali na udat shara ni, ahkun ahkraw rai nga ai: mung masha ni hkan shachyut ai lam gaw n shawp ai rai nga ai; shanhte a n-gun atsam gaw tara maga de nga ai n rai.

YEREMIA 9:1

Nye amyu shayi sha hte seng ai sat kau hkrum ai ni majaw, ngai gaw shani shana hkrap ngu hkrap ngoi nga lu hkra, nye a baw ntsin hkrai, nye a myi gaw myi prwi lwi ai hka hpawk, tai u ga law.

YEREMIA 9:2

Ngai gaw, nye a amyu hpe kau da nna pru mat wa lu hkra, nam mali hkan e jarawp lu n ga lè: shanhte yawng num shaw la shaw ai ni hte, myit magaw ai hpung rai nga ma ai.

HOSEA 4:10

Shanhte gaw Yehowa hpe shinggan kau ai majaw, shanhte sha timung, hkru kat lu ai, n rai; liknga lam shachyut timung, law htam wa na, n rai.

HOSEA 4:12

Nye a amyu masha ni gaw, tinang a hpuntawng hte bawng yu ma ai; shanhte a dawhkrawng gaw, hpaji daw ya ai: liknga lam hta kayut ai majaw, shanhte lam dam nna, shawa num tai let, tinang a Karai Kasang npu na, pru mat wa ma ai.

HOSEA 4:2

Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

1 KORINHTU 5:6

Nanhte a gumrawng gumtawng ai gaw mai kaja nga ai n rai. Matsi loi mi gaw muk tawng ting hpe shawawm dat wu ai, nanhte n chye nga myit ni?

YAKU 4:4

La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.