HOSEA 7:2 - Jinghpaw Hanson Version Bible

² Shanhte a n hkru ai amu mahkra hpe ngai matsing nga nngai, shanhte gaw tinang a kraw e n dum ma ai: ya e pyi tinang a amu ni gaw, shanhte hpe wang tawn nga ai; shanhte gaw nye a man e nga nga ma ai.

Jinghpaw Common Language Bible 2009

² Shanhte gaw dai n hkru ai amu ni hpe hpa zawn n nawn ma ai, ngai gaw dai n hkru ai amu yawng hpe adum nga na nngai; rai ti mung shanhte a yubak mara gaw shanhte hpe shinggrup da nga ai, ngai gaw dai hpe n mu lu hkra koi yen lu nga nngai n rai.

HOSEA 7:2 ပူးပေါင်းရင်းမြစ်များ

YOBA 34:21

Karai Wa nan masha hkawm ai lam hpe hkan mada yu nna, shi a lagaw hkang mahkra hpe hkan mu nga ai.

SHAKAWN KUNGDAWN 10:11

“Karai Wa malap mali kau nga ai; Shi myi man makoi da nga wu ai, Galoi mung mu mada nga na n rai,” nga nna shi a kraw e a tsun nga ai.

SHAKAWN KUNGDAWN 25:7

Prat ram nga yang galaw ai yubak hte, Nye a shut hpyit ai hpe hkum matsing da ya et. Yehowa e, na a kaja htum ai myit majaw, Na a chyeju hte maren ngai hpe dum e.

SHAKAWN KUNGDAWN 50:22

Karai Kasang hpe malap mali kau ai ni e, ndai lam myit yu mu: Shing n rai yang, mawai la ai wa n nga nna, Ngai nanhte hpe amya je kau na made ai.

SHAKAWN KUNGDAWN 9:16

Yehowa shi hkum dan nga ai: tara dara ai amu galaw nu ai; Tara n lang ai ni gaw, tinang a lata a amu hta hkam nga ma ai. [Higayun, Selah.]

SHAKAWN KUNGDAWN 90:8

Nang gaw anhte a yubak hpe na a man e, tawn da ndai; Ndum shami re ai mara hpe pyi, na myi man a nhtoi hta shadan da nu ai.

ESAIA 1:3

Dumsu gaw tinang madu hpe chye nga ai; lawze mung tinang madu a wakang hpe dum ma ai: Israela amyu chyawm gaw, ngai hpe n chye ma ai, hpa mung n dum ma ai.

ESAIA 26:16

Yehowa e shanhte nni nkri hkrum yang, nang hta myit manoi nga masai; nang shanhte hpe shari yang, shanhte hpyi madai masai.

ESAIA 44:19

Ataw, ngai gaw chyen mi hpe wan ju ni ai: de a wan n-ga ntsa e muk kabaw ni ai; ngai shan kangau nna, sha hkru ni ai; ya ngam ai chyen mi hpe mahtang, matsat shabat shatai na rai ni? ngai gaw hpuntawng man e gum dagup na rai ni? nga nna myit dum ai hte, aru yu lu nna hpaji rawng ai nyan, gaja wa, kadai n rawng a hka.

ESAIA 5:12

Shanhte a poi hta tingse, pahke, shupsheng, sumpyi hte tsabyi machyan lawm nga ai: Yehowa a magam bungli hpe chyawm gaw, shanhte hpa n nawn ai hte, shi a lata shachyen ai amu hpe hpa n dum ma ai.

YEREMIA 14:10

Yehowa gaw ndai amyu masha ni hpe ning nga tsun ai: Shanhte nwan hkawm na sharawng ma ai; tinang a lagaw hpe n hkang ma ai; dai majaw Yehowa shanhte hpe n ra nga ai; ya shi gaw shanhte a shut hpyit ai hpe dum nna, shanhte a yubak majaw ari ahpri jaw na ra ai.

YEREMIA 16:17

Shanhte sa wa ai lam shagu hpe, ngai azi yu nga nngai: shanhte, ngai n mu ai hku, sa wa ma ai, n rai; shanhte shut hpyit ai nye a man e makoi da lu ai, n rai.

YEREMIA 17:1

Yuda amyu a yubak gaw, hpri kanyit hte hpailung masen e ka da nga ai: dai gaw shanhte a kraw lawang na lungpa hta mung, shanhte a tawn hkungri ni a nrung hta mung, tawk ka da nga ai:

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

YEREMIA 32:19

hpaji daw ai hta mauhpa, amu shachyen ai hta kaba ai wa, nang rai nga ndai; langai hte langai tinang hkan ai lam, tinang galaw ai arawn alai hte maren, nhtang jaw na matu, na a myi gaw shinggyim masha ni hkawm sa ai lam mahkra hpe azi yu nga ai;

YEREMIA 4:18

Nang hkan nga ai lam hte arawn alai majaw, ndai nang hkrum sha nu ai: dai gaw na a n hkru n hkra ai lam rai nga ai: dai gaw hka jap ai hte myit masin hta chyung nga ai, nga nna Yehowa tsun ai.

YEREMIA 44:21

Nanhte hte nanhte a nji nwa ni, nanhte a hkawhkam ni, du salang ni hte mung masha ni gaw, Yuda mare ni hte Yerusalem mare lam ni hta, nat nawng ai manam pyaw ai baw hpe, Yehowa malap mali kau nna, n matsing da na a ni?

EZEKELA 21:29

“Dai rai nna Madu Yehowa ning nga ai, Nanhte tawt lai ai amu dan leng nga nna, nanhte galaw ai amu mahkra hta yubak hkrai dawng pru ai hte, masha ni nanhte a mara hpe dum nga ma ai majaw, nanhte gaw gaja wa rim la ai hkrum na marin dai.

HOSEA 12:2

Ehprim gaw nbung hpe sha nna, sinpraw nbung hpe hkan shachyut nga ai: shi gaw masu matsa ai ga hte hten byak ai lam ni hpe, shani shagu shalaw dat nga ai; shanhte gaw Asuri hkawhkam wa hte ga shaka tawn da nna, Egutu mung de asau la sa ma ai.

HOSEA 4:9

Shing rai yu maya masha ni hta byin ai zawn, hkinjawng ni hta mung byin na ra ai: shanhte a arawn alai hpe ngai sawk yu nna, shanhte galaw ai hte maren matai htang na nngai.

HOSEA 6:2

Ni ni lai yang, shi anhte hpe shalan shabran ya nna, masum ya rai yang anhte hpe bai sharawt ai hte, shi a man e, anhte hkrung nga na ga ai.

HOSEA 8:13

Ngai hte seng ai shagu hkungga gaw, nawng ya ai ni sat nna, de a shan hpe sha ma ai; Yehowa chyawm gaw dai ni hta sharawng lu ai, n rai: ya shi gaw, shanhte a shut hpyit ai hpe dum nna, shanhte a yubak majaw ari jaw na ra ai; shanhte gaw Egutu mung de nhtang wa na mara ai.

HOSEA 9:15

Shanhte a n hkru n hkra ai a npawt yawng, Gilgala mare hta rai nga ai; dai yang e ngai shanhte hpe n dawng n yawt nngai: shanhte a n hkru n hkra ai a amu majaw, ngai shanhte hpe nye a nta na shachyut kau na nngai: htawm hpang e shanhte hpe tsawra na, n rai: shanhte a du ni yawng, gumlau ni rai nga ma ai.

HOSEA 9:9

Gibea mare a aprat e zawn, shanhte gaw tinang hkum hpe grai awu asin di kau manu ai: shi gaw shanhte a shut hpyit ai hpe dum nna, shanhte a yubak majaw, ari jaw na ra ai.”

AMO LAIKA (AMOS) 8:7

Yehowa gaw, Yaku a gumrawng gumtawng ai hpe dum let, Gaja wa, shanhte amu bungli hpe ngai galoi mung malap mali kau na n rai, ngu nna dagam da nu ai.

YONA 1:2

Rawt u, kaba la ai Ninewe mare de sa nna, shama ai ga hte jahtau tsun u: kaning rai nme law, shanhte a n hkru ai amu, nye a man de hkrang lung wa ra ai, ngu wu ai.

BU HKAWM 32:23

Dai hku n galaw myit yang chyawm gaw, nanhte Yehowa hpe shut myit dai rai nna, gaja wa teng teng nanhte a mara gaw nanhte hpe hkan dep na ra ai.

LUKA 12:2

N pru n dan lu hkra magap da ai arai gaw n nga ai; n chye n chyang lu hkra makoi magap da ai arai mung, n nga ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

TARA JAHPRANG 32:29

Shanhte hpaji byeng-ya lu la nna, ndai lam chye na lu mu ga law, Hpang jahtum e hpa byin hpa tai na, aru yu mu ga le!

HEBRE 4:13

Shi a man e n dan n leng ai hpan da ai arai langai mi mung n nga ai; yawng mayawng gaw shi myi a man e dan leng nga ai hte asan brang lang rai nga ai rai nna, anhte shi a man e jahpan dan lu na ga ai.