HOSEA 7:16 - Jinghpaw Hanson Version Bible

¹⁶ Ntsa e dung ai wa hpang de, shanhte nhtang wa ma ai, n rai: shanhte gaw n ding ai ndan hte bung ma ai; du ni a shinglet grang ai ga tsun ai majaw, shanhte gaw nhtu hte si na mara ai: dai gaw Egutu mung hta e, shanhte hkrum na asawng asang lam rai nga ai.

Jinghpaw Common Language Bible 2009

¹⁶ Shanhte gaw ngai kaw nna kayin mat wa nhtawm daru magam n-gun n rawng ai karai hpang de sha kayin mat wa ma ai. Shanhte gaw n ding ai ndan zawn kam hpa mai nga ai n rai. Shanhte a ningbaw ni myit tsaw myit dap ai hte ga shaga ma ai majaw, shanhte gaw du daw sai hkaw hte si mat na mara ai, Egutu masha ni gaw mani asawng na mara ai.”

HOSEA 7:16 ပူးပေါင်းရင်းမြစ်များ

SHAKAWN KUNGDAWN 12:3

Yehowa e, “Anhte a shinglet n-gun sharawng ya mi ai. Anhte a nten anhte hte rau rai nga ai: Anhte a ntsa na Madu kadai wa rai nga a ta?”

SHAKAWN KUNGDAWN 12:4

Nga nna, bawk ai nten nlang hte hte, Ga kaba tsun ai shinglet hpe, gadoi kau u.

SHAKAWN KUNGDAWN 12:5

“Ru tsang hkrum ai ni a ru tsang ai hte, Matsan mayan ni a sharung shayawt ai a majaw, Ya ngai rawt wa na nngai rai nna, Ba galawp ai wa hpe shingbyi shara hta tawn da na nngai,” nga nna Yehowa tsun ai.

SHAKAWN KUNGDAWN 17:10

Shanhte matsan dum ai lam pat kau nna, Gumrawng gumtawng ga a tsun nga ma ai.

SHAKAWN KUNGDAWN 52:2

Lau sha ai wa e, na a shinglet, Dai ai kara nhkyi zawn hten byak ai maw nga ai.

SHAKAWN KUNGDAWN 57:4

Nye a myit masin hkanghkyi ka-ang e rai nga ai, Wan hkru ai ka-ang e ngai kaleng nga nngai: Shinggyim masha ni a wa, ri pala hte, Shanhte a shinglet, dai ai nhtu rai nga malu ai.

SHAKAWN KUNGDAWN 73:9

Shanhte a n-gup lamu hte nhtan shai nna, Shanhte a shinglet aga hta len hkawm nga malu ai.

SHAKAWN KUNGDAWN 78:37

Shanhte a myit shi a man e n sadi nga malu ai rai nna, Shi a ga shaka hpe shanhte n hkan ma ai.

SHAKAWN KUNGDAWN 78:57

Kaji kawoi ni zawn shanhte kanut mat wa nna, htak mat ma ai; N ding ai ndan zawn, nhtang wa ma ai.

ESAIA 3:8

Kaning rai nme law, Yehowa a hpung rawng ai myi hpe kamau shangun na matu, shanhte a tsun ai ga hte arawn alai shi hte nhtan shai nga ai majaw, Yerusalem mare gaw hten run mat sai; Yuda mung gaw kadawng mat sai.

YEREMIA 18:18

Shaloi shanhte gaw, Sa marit; Yeremia hpe hpaji daw ga; hkinjawng wa hte tara, hpaji rawng ai wa hte hpaji daw ai ga, myihtoi wa hte myihtoi ga, htum mat na n rai; sa marit; shinglet hte shi hpe kayat gaw; shi a ga langai mi muk n madat ga, nga nna tsun ma ai.

YEREMIA 3:10

Dai daram yubak law nga timung, myit magaw ai, shi a kana Yuda gaw, myit masin mahkra hte n rai, sawt ai hte sha, ngai hpang de wa ai, nga nna Yehowa tsun ai.

YEREMIA 42:18

Kaning rai nme law, Israela Karai Kasang Zaw nawng zaw wa up ai Yehowa ning nga ai: Ngai gaw Yerusalem masha ni a ntsa e, nye a pawt sindawng ai hte myit kahtet ai hpe ru bun ai hte maren, nanhte Egutu mung de shang jang, nye a myit kahtet ai hpe ngai nanhte a ntsa e ru bun nna, nanhte gaw matsa mawa, mauhpa shara, dagam dala shara hte shatan nhkan shara tai na myit dai; nanhte htawm hpang de ndai shara hpe mu lu na n rai.

EZEKELA 23:32

Madu Yehowa ning nga ai, Nang gaw, nna a gawm hta na, lu na ndai; dai gaw dam nna sung nga ai; dai hta, nang n dang lu hkra, hpring nga ai rai nna, asawng asang hte mani kau ai, nang hkrum na ndai.

EZEKELA 36:20

Ya shanhte gaw maigan amyu ni hpang de du bra wa yang, ‘Ndai ni gaw Yehowa masha ni rai nga ma ai, shi a mungdan na pru wa masai,’ nga nna maigan masha ni shanhte a lam tsun ai majaw, nye a chyoi pra ai mying ningsang, shanhte a jaw e, awu asin hkrum nga ai.

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

HOSEA 11:5

“Shanhte gaw Egutu mung de nhtang wa lu na n rai: ngai hpang de n wa hkraw ai majaw, Asuri wa gaw, shanhte a hkawhkam tai na ra ai.

HOSEA 11:7

Nye a amyu masha ni gaw, ngai kaw na htak mat mayu ai myit rawng nga ma ai: Tsaw htum ai wa hpang de shanhte hpe shaga timung, shi hpe shagrau sha-a mayu ai wa langai mi n nga ai.”

HOSEA 6:4

“Ehprim e, ngai nang hpe kaning di na rai ta? Yuda e, ngai nang hpe kaning di na rai ta? Nan a chyeju dum ai myit gaw, jahpawt manap sumwi hte, jau jau e hkoi mat ai mari zawn, rai nga ai.

HOSEA 7:13

Shanhte ngai kaw na pru mat wa ai majaw, dingnye lu mu ga; ngai hpe shut hpyit ai majaw, hten byak hkrum mu ga: ngai shanhte hpe shaw la mayu timung, shanhte nye a lam masu ga tsun nga ma ai.

HOSEA 9:3

Shanhte gaw Yehowa a mungdan hta shanu lu na, n rai; Ehprim gaw Egutu mung de nhtang wa nna, shanhte gaw Asuri mung hta e, n san n seng ai shahpa sha na mara ai.

HOSEA 9:4

Shanhte gaw Yehowa a matu, tsabyi jahku dumhpung ru jaw lu na, n rai, dai hta shi awng sharawng lu na, n rai; shanhte a shagu hkungga gaw, sharung shayawt ai ni a shahpa hte bung na ra ai; sha ai ni yawng awu asin hkrum na mara ai: shanhte a shahpa hpe, tinang hkrai sha mu ga; dai gaw Yehowa a nta hta shawn lu na, n rai.

HOSEA 9:6

Kaning rai nme law, yu mu, hten byak ai kata na, shanhte pru wa masai; rai timung, Egutu mung hta shanhte hpawng nga nna, Memhpi mare hta lup kau ai hkrum na mara ai: gumhpraw hte shatsawm ai arai ni hpe, tsamat tu lim kau na ra ai: shanhte a janghpang ni hta ju hpun tu na ra ai.

MALAHKI 3:13

Nanhte gaw ngai hpe sha-ang let, sheng mareng ga tsun myit dai. Rai timung nanhte gaw, Anhte nang hpe hpa tsun ga ta? nga nna san myit dai.

MALAHKI 3:14

Nanhte gaw, Karai Kasang hpe daw jau na, be be kaman sha rai nga ai; shi a matsun maroi ga hkan Dai shaloi e nanhte gaw myit kayin nna, dinghpring ai wa hte, tara n lang ai wa hpe, Karai Kasang hpe daw jau ai wa hte n daw n jau ai wa hpe, chye ginhka lu na marin dai, nga nang nna, sharung shayawt hpun palawng bu hpun let, Zaw nawng zaw wa up ai Yehowa man e hkawm nga ai gaw, hpa akyu pru a ta?

MAHTE 12:36

Nanhte hpe ngai tsun made ga, masha ni tsun nga ai, tinang a kaman lila ga yawng hte a majaw, tara dara ai nhtoi hta e, jahpan dan na hkrum na mara ai.

LUKA 8:13

Nlung hta nga ai ni gaw, dai mungga hpe na jang, kabu gara ai myit hte hta la ai rai timung, ru n jung ma ai majaw, tawng marang mi sha kamsham nhtawm, gunglau hkrum ai nhtoi hta e bai htak mat wa ai ni rai ma ai.

YAKU 3:5

Dai hte maren, shinglet gaw daw shan kaji nga ai rai timung, gumrawng gumtawng kaba nga lu ai: yu mu, nte sha law ai wan gaw, ning san wa kaba ai maling hpe hkru kau lu a hka!

2 PETRU 2:8

kaning rai nme law, dai dinghpring ai wa gaw, shanhte hte rau a nga ga ai shaloi e, shanhte a tara n lang ai amu hpe mu lu, na lu na majaw, shi a dinghpring ai myit masin gaw shani shagu yu nai mat nga lu ai.

SHINGRAN 13:5

Ga kaba hte shatan nhkan tsun chye ai n-gup shi hpe jaw da sai rai nna, shata mali shi lahkawng tup amu galaw na ahkang shi hpe ap ya nu ai.