HOSEA 7:13 - Jinghpaw Hanson Version Bible

¹³ Shanhte ngai kaw na pru mat wa ai majaw, dingnye lu mu ga; ngai hpe shut hpyit ai majaw, hten byak hkrum mu ga: ngai shanhte hpe shaw la mayu timung, shanhte nye a lam masu ga tsun nga ma ai.

Jinghpaw Common Language Bible 2009

¹³ “Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

HOSEA 7:13 ပူးပေါင်းရင်းမြစ်များ

NEHEMIA 1:10

Ya, da ndai ni gaw, na a galu kaba ai atsam, na a n-gun ja ai lata hte nang hkye mawai la ai, na a mayam ni hte na a amyu masha ni rai nga ma ai.

YOBA 22:17

Dai ni gaw Karai Wa hpe, anhte kaw na pru wa u; n-gun chyalai rawng ai wa anhte hpe hpa di lu na rai kun? nga nna tsun ma ai.

SHAKAWN KUNGDAWN 106:10

N dawng ai ni a lata na, shi shanhte hpe hkye hkrang la nna, Gumlau ni a lata na, shanhte hpe mawai la mu ai.

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 30:2

Hpara-u a n-gun atsam hte tinang a n-gun shaja nna, Egutu shingnip hta shingbyi nga na nga, shanhte ngai hpe n san yu ai, Egutu mung de yu wa ma ai.

ESAIA 31:1

Israela a Chyoi pra ai wa hpe n mada ai hte, Yehowa hpe n tam ai sha, hpyen karum la na matu, Egutu mung de yu wa nna, law la ai gumra ni hte hpyen leng ni hpe mung, n-gun grai ja ai gumra jawn ai ni hpe mung, shamyet shanat nga ai ni gaw, dingnye lu ma ai.

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

ESAIA 43:1

Ya chyawm gaw, Yaku amyu e, nang hpe hpan da ai wa, Israela dap e, nang hpe hpajang da ai wa Yehowa ning nga ai: “Hkum hkrit et, ngai nang hpe hkrang la ni ai; na a amying hte ngai nang hpe shaga nna, nang nye a rai nga ndai.

ESAIA 59:13

Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

ESAIA 63:8

Shi gaw, Gaja wa shanhte nye a amyu masha ni rai nga nna, gumle gumlau n chye ai, ngai sha ni, rai nga ma ai, nga nna shanhte hpe Mawai la ai Madu tai wa sai.

YEREMIA 14:10

Yehowa gaw ndai amyu masha ni hpe ning nga tsun ai: Shanhte nwan hkawm na sharawng ma ai; tinang a lagaw hpe n hkang ma ai; dai majaw Yehowa shanhte hpe n ra nga ai; ya shi gaw shanhte a shut hpyit ai hpe dum nna, shanhte a yubak majaw ari ahpri jaw na ra ai.

YEREMIA 42:20

Nanhte nan tinang a myit masin hpe hkalem kau myit dai: kaning rai nme law, Anhte a Karai Kasang Yehowa hpe, anhte a matu akyu hpyi nem ya mi, anhte a Karai Kasang Yehowa tsun matsun hte maren htawn tsun dan mi; anhte madat mara na ga ai, nga nna nanhte gaw nanhte a Karai Kasang Yehowa hpang de, ngai hpe shangun dat nna,

YEREMIA 51:9

Anhte gaw Babelon mare hpe shamai mayu timung, shi n mai hkraw ai: shi hpe kau da nna, anhte langai hte langai tinang a buga de nhtang wa ga; shi hkrum ai ari ahpri gaw, sumsing lamu de du nna, sumwi hpe dep nga ai.

YEREMIA 7:15

Nanhte a kahpu kanau, Ehprim amyu masha yawng hpe, ngai shaden kau ai hte maren, nanhte hpe mung, nye a myi man na, ngai shaden kau na nngai.”

SHARUNG SHAYAWT 5:16

Anhte gup ai janmau hkrat mat sai. Anhte shut hpyit ai majaw, dingnye lu ga ai.

EZEKELA 16:23

“Nang dingnye lu ndai, dingnye lu ndai, nga nna Madu Yehowa tsun timung, ndai shut hpyit ai amu mahkra hta n-ga,

EZEKELA 18:2

“Kaji kawa ni gaw hkri ai tsabyi si sha nna, kashu kasha ni a wa makrim ai, nga nna, Israela mung hpe lakap let, nanhte tsun ai ga malai gaw, hpa nga ai rai ta?

EZEKELA 18:25

“Rai timung nanhte gaw, ‘Madu jeyang ai lam ding ai n rai,’ nga nna tsun myit hka; Israela dap e, madat mara u; nye a lam ding nga ai, n rai ni? nanhte a lam mahtang n ding nga ai, n rai malit ni?

EZEKELA 34:6

Nye a sagu ni gaw bum lang shagu, tsaw ai kawng shagu ntsa e brak hkawm nga ma ai; gaja wa nye a sagu ni gaw ga ntsa ting hta bra wa nna, shanhte hpe hkan sawk tam ai wa n nga ai.”

HOSEA 11:2

Myihtoi ni gaw shanhte hpe je shaga, shanhte je lam dam mat wa ma ai: shanhte gaw Balim hpara ni hpe hkungga nawng ya nna, tawk ai sumla ni hpe manam pyaw ai baw nat nawng ya ma ai.

HOSEA 5:7

Shanhte gaw tsasam kasha shaprat manu ai majaw, Yehowa hpe myit magaw ai hku di kau manu ai: ya chyawm gaw, shata praw shani gaw, shanhte hte shanhte a yi hkauna ni hpe, shamyit kau na ra ai.

HOSEA 7:1

Ngai gaw Israela hpe shamai ya mayu yang, Ehprim a n shawp ai hte, Samari n hkru ai lam dan pru nga ai; kaning rai nme law, shanhte gaw masu matsa lam hkan nna, lagu lagut wa kata de shang ai hte, damya hpung ni, shinggan de hpya lu hpya sha ma ai.

HOSEA 7:3

Shanhte gaw tinang a n kaja ai amu hte, hkawhkam wa hpe, tinang a masu ai ga hte, du ni hpe, shapyaw nga ma ai.

HOSEA 9:12

Kasha ni hpe bau maka timung, langai mi n ngam hkra, ngai shanhte hpe dawm la kau na nngai: gaja wa, ngai shanhte hpe kau da yang, shanhte dingnye hkrum sha mu ga.

HOSEA 9:17

Nye a Karai Kasang a ga hpe n madat ai majaw, shi shanhte hpe kau da nna, shanhte gaw maigan amyu ni hta, brak hkawm ai ni tai na mara ai.”

YONA 1:10

Shing rai dai masha ni gaw nachying hkrit nga ma ai rai nna, “Ndai nang galaw ai gaw, hpa rai nga a ta?” ngu nna shi hpe tsun mu ai: kaning rai nme law, shi shanhte hpe tsun dan ai majaw, Yehowa man na shi hprawng mat ai, ndai masha ni chye nga ma ai.

YONA 1:3

Yona chyawm gaw, Yehowa a man na, Tarshi mare de hprawng mat na, rawt ai; dai rai nna shi gaw Yopa mare de yu wa nna, Tarshi de sa wa ai sanghpaw li mu wu ai: shaloi dai li jahpu shi ya nna, Yehowa a man na hprawng na matu, shanhte hte rau Tarshi de sa wa na, dai li kata de shang bang wa ai.

MIHKA 6:12

Kaning rai nme law, dai mare na sut su ai ni gaw kashun kashe majaw lu su ma ai; yu maya ni gaw masu ga tsun nna, shanhte a n-gup hta hkalem hkalau ai shinglet tu nga ai.

MIHKA 6:4

Ngai gaw Egutu mung na nang hpe shapraw la nna, mayam tai nga ai nta na hkrang la ni ai; Mawshe, Arun hte Miriam hpe, na a shawng e ngai shangun dat ni ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

TARA JAHPRANG 15:15

Egutu mung e nang mayam tai yu nit dai mung, na a Karai Kasang Yehowa nang hpe hkrang la nit dai mung, nang dum lu na rai ndai: dai re ai majaw ndai lam, dai ni ngai nang hpe hkang da de ai.

1 YAWHAN 1:10

Anhte yubak n galaw saga ai, nga nna tsun ga yang gaw, anhte shi hpe masu ai wa shadu nna, shi a mungga anhte hta n rawng ga ai.

SHINGRAN 8:13

Bai, ngai yu nga yang, langda langai mi lamu a ka-ang hpatwat e pyen yawn nga nna, Naw dum na ra ai lamu kasa masum a pahtau nsen majaw, dinghta ga e nga nga ai ni a matu, dingnye, dingnye, dingnye hkrai rai nga ai, nga nna nsen kaba hte jahtau nga ai gaw, ngai na nngai.