HOSEA 7:11 - Jinghpaw Hanson Version Bible

¹¹ Ehprim gaw myit n rawng ai. angawk ai hkrudu hte bung nga ai: shanhte gaw Egutu hpe shaga, Asuri mung de sa wa ma ai.

Jinghpaw Common Language Bible 2009

¹¹ Israela gaw angawk ai hkrudu langai zawn shara mi kaw nna shara mi de htawt hkawm nga ma ai. Shi a amyu masha ni gaw shawng nnan karum hkam la lu na matu Egutu kaw karum hpyi ma ai; dai hpang shanhte gaw Asuri hpang de kagat sa nga ma hka!

HOSEA 7:11 ပူးပေါင်းရင်းမြစ်များ

2 HKAWHKAM 15:19

Dai aprat e Asuri hkawhkam Pula gaw Israela mungdan hpe sa gasat wu ai rai nna, Menahem gaw dai mungdan hta grin wa lu hkra, Pula hpe gumhpraw talenta hkying mi sak jaw wu ai.

2 HKAWHKAM 16:7

Shing rai Ahaza gaw Asuri hkawhkam Tiglat-pilese hpang de kasa shangun dat nna, “Ngai gaw na a mayam, na a nsha rai nga nngai: lung rit, ngai hpe majan galaw ai Suri hkawhkam hte Israela hkawhkam a lata na ngai hpe mawai la e,” ngu nna hpyi wu ai.

GA SHAGAWP 15:32

Sharin achyin ai ga shinggan kau ai wa gaw, tinang a asak hpe n kaw n law di kau wu ai; Madat mara ai wa chyawm gaw, nyan lu la nga ai.

GA SHAGAWP 17:16

Angawk ai wa gaw, hpaji n ra nga ai rai nna, Hpa majaw shi a lata hta hpaji jahpu ap ya na rai ta?

GA SHAGAWP 6:32

Masha jan shaw ai wa chyam gaw nyan n rawng nga ai; Shi a asak jasum kau mayu ai majaw, dai lam galaw nga ai.

YEREMIA 2:18

Ya chyawm, nang gaw Sihora hka lu na matu, Egutu lam de hpa majaw sa n ta? Uhprat hka lu na matu, Asuri lam de hpa majaw sa n ta?

YEREMIA 2:36

Na a lam hpe galai na, hpa majaw jawp nga n ta? Nang gaw Asuri mung hpe kaya ai zawn, Egutu mung hpe mung, kaya na rin dai.

HOSEA 11:11

Shanhte gaw, u zawn Egutu mung na hkrudu zawn Asuri mung na, hkrit gari let du nna, ngai shanhte hpe tinang nang a buga hta shanu nga shangun na nngai,” nga nna Yehowa tsun ai.

HOSEA 12:1

“Ehprim gaw, masu matsa ga hte, Israela dap gaw, hkalem hkalau ai hte, ngai hpe wang tawn nga ai; Yuda chyawm gaw, Karai Wa hte naw up nga lu nna, Chyoi Pra ai Wa hte, kangka rai nga ai.

HOSEA 12:2

Ehprim gaw nbung hpe sha nna, sinpraw nbung hpe hkan shachyut nga ai: shi gaw masu matsa ai ga hte hten byak ai lam ni hpe, shani shagu shalaw dat nga ai; shanhte gaw Asuri hkawhkam wa hte ga shaka tawn da nna, Egutu mung de asau la sa ma ai.

HOSEA 14:3

Asuri hkawhkam anhte hpe hkye hkrang la lu ai n rai; anhte gumra jawn na ga ai n rai: tinang a lata hte galaw ai arai hpe, ‘Nanhte gaw, anhte a hpara ni rai nga myit dai,’ nga nna htawm hpang de n tsun na saga ai: kaning rai nme law, chyahkrai nmai ni, nang hta chyu sha, matsan dum ai lu la na mara ai, ngu nna sa tsun mu.”

HOSEA 4:11

Liknga lam, tsabyi jahku hte chyaru, myit hpe shamak kau nga ai.

HOSEA 4:6

Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

HOSEA 5:13

Ya Ehprim gaw tinang a ana ahkya hpe, Yuda gaw tinang a nma hpe mu jang, Ehprim gaw Asuri mung de sa nna, Yuda gaw hkawhkam Yarib hpe shaga wu ai: shi chyawm gaw, nan hpe shamai ya lu ai, n rai, nan a nma hpe kapa ya lu ai, n rai.

HOSEA 5:4

Shanhte a kraw kata e shawa num myit rawng nna, shanhte Yehowa hpe n chye ma ai majaw, tinang a Karai Kasang hpang de nhtang wa na, shanhte a arawn alai hkum da nga ai.

HOSEA 8:13

Ngai hte seng ai shagu hkungga gaw, nawng ya ai ni sat nna, de a shan hpe sha ma ai; Yehowa chyawm gaw dai ni hta sharawng lu ai, n rai: ya shi gaw, shanhte a shut hpyit ai hpe dum nna, shanhte a yubak majaw ari jaw na ra ai; shanhte gaw Egutu mung de nhtang wa na mara ai.

HOSEA 9:3

Shanhte gaw Yehowa a mungdan hta shanu lu na, n rai; Ehprim gaw Egutu mung de nhtang wa nna, shanhte gaw Asuri mung hta e, n san n seng ai shahpa sha na mara ai.

HOSEA 9:6

Kaning rai nme law, yu mu, hten byak ai kata na, shanhte pru wa masai; rai timung, Egutu mung hta shanhte hpawng nga nna, Memhpi mare hta lup kau ai hkrum na mara ai: gumhpraw hte shatsawm ai arai ni hpe, tsamat tu lim kau na ra ai: shanhte a janghpang ni hta ju hpun tu na ra ai.

OBEDIA 1:7

Nang hte ga shaka da ai ni nlang, na a lamu ga jarit du hkra, nang hpe shaden kau manit dai: nang hte hku ai ni, nang hpe hkalem nna, dang kau manit dai; na a muk sha ai ni, na a npu e mahkam up da manu ai: shi gaw nyan kata nga ai.

MAHTE 10:16

Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.