HOSEA 7:1 - Jinghpaw Hanson Version Bible

¹ Ngai gaw Israela hpe shamai ya mayu yang, Ehprim a n shawp ai hte, Samari n hkru ai lam dan pru nga ai; kaning rai nme law, shanhte gaw masu matsa lam hkan nna, lagu lagut wa kata de shang ai hte, damya hpung ni, shinggan de hpya lu hpya sha ma ai.

Jinghpaw Common Language Bible 2009

¹ “Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

HOSEA 7:1 ပူးပေါင်းရင်းမြစ်များ

ESAIA 28:1

Tsabyi jahku nang nna, sau hpum ai kadit mahka e nga ai, Ehprim a chyaru ya ni a gumrawng ai janmau hte, nyui mat magang ai arawng sadang a nampan gaw, dingnye nga u ga.

ESAIA 59:12

Kaning rai nme law, anhte tara tawt ai lam, na a man e law htam wa nna, anhte galaw ai yubak gaw sakse tai nga ai; anhte a tara tawt lai ai lam ni anhte hta kap nga nna, tinang shut hpyit ai hpe tinang nan chye nga ga ai:

ESAIA 59:13

Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

ESAIA 59:14

Tengman ai tara gaw, kanut mat wa sai; dinghpring ai gaw, tsan tsan e tsap nga ai; tengman ai gaw mare lam hkan e kadawng mat sai; malang ai myit gaw shang lu ai n rai.

YEREMIA 51:9

Anhte gaw Babelon mare hpe shamai mayu timung, shi n mai hkraw ai: shi hpe kau da nna, anhte langai hte langai tinang a buga de nhtang wa ga; shi hkrum ai ari ahpri gaw, sumsing lamu de du nna, sumwi hpe dep nga ai.

EZEKELA 16:46

Na a kana gaw, tinang a shayi sha ni hte rau, na a pai maga de shanu nga ai, Samari mare rai nga ai; na a kanau gaw, tinang a shayi sha ni hte rau, na a hkra maga de shanu nga ai Sodom mare rai nga ai.

EZEKELA 23:4

Kana a amying gaw Ohola, shi a kanau gaw, Oholiba rai nga ai: shan gaw nye a num tai nna, shayi shadang sha shaprat ma ai. Ohola chyawm gaw, Samari mare, Oholiba gaw, Yerusalem mare rai nga ai.”

EZEKELA 24:13

Nang hta kap ai agang chyalang hta n se n sa ai mung lawm nga ai; ngai nang hpe kashin timung, nang n tsai hkraw ndai majaw, nye pawt kahtet ai na a ntsa e garai n dik dingsa, na a agang chyalang tsai mat lu na n rai.

HOSEA 10:5

Samari masha ni gaw, Bet-awen a dumsu kasha a majaw, hkrit gari na mara ai: kaning rai nme law, de a hpung shinghkang hkoi mat ai majaw, mung masha ni hte, dai hta sharawng awng nga ai sumla hkinjawng ni gaw, yawn hkyen hkrum na mara ai.

HOSEA 11:8

“Ehprim e, ngai nang hpe kaning rai kau da lu na rai ta? Israela e, nang hpe kaning rai ap kau lu na rai ta? Adma mare zawn, nang hpe kaning di shatai kau lu na rai ta? Zeboim mare zawn, kaning di tawn da na rai ta? Nye kraw kata e nye a myit galai nga nna, nye a n-gaw nwai ai myit katu nga ai.

HOSEA 12:1

“Ehprim gaw, masu matsa ga hte, Israela dap gaw, hkalem hkalau ai hte, ngai hpe wang tawn nga ai; Yuda chyawm gaw, Karai Wa hte naw up nga lu nna, Chyoi Pra ai Wa hte, kangka rai nga ai.

HOSEA 12:2

Ehprim gaw nbung hpe sha nna, sinpraw nbung hpe hkan shachyut nga ai: shi gaw masu matsa ai ga hte hten byak ai lam ni hpe, shani shagu shalaw dat nga ai; shanhte gaw Asuri hkawhkam wa hte ga shaka tawn da nna, Egutu mung de asau la sa ma ai.

HOSEA 4:17

Ehprim gaw hpara sumla ni hta matut manoi nga ai; shi nga nga u ga.

HOSEA 4:2

Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

HOSEA 5:1

“Hkinjawng ni e, ndai lam na la mu; Israela dap e, madat mara nga mu; hkawhkam wa htingnu na ni e, matsing mu: nanhte gaw dawdan ai hkrum na myit dai; kaning rai nme law, nanhte gaw, Mizpa shara e mahkam, Tabora bum ntsa e hpyan tawn ai sumgawn, tai manit dai.

HOSEA 6:4

“Ehprim e, ngai nang hpe kaning di na rai ta? Yuda e, ngai nang hpe kaning di na rai ta? Nan a chyeju dum ai myit gaw, jahpawt manap sumwi hte, jau jau e hkoi mat ai mari zawn, rai nga ai.

HOSEA 7:13

Shanhte ngai kaw na pru mat wa ai majaw, dingnye lu mu ga; ngai hpe shut hpyit ai majaw, hten byak hkrum mu ga: ngai shanhte hpe shaw la mayu timung, shanhte nye a lam masu ga tsun nga ma ai.

HOSEA 8:5

Samari e, na a dumsu kasha hpe shi kau da nu ai; nye a pawt sindawng ai myit, nawku ai ni hpe kahtet nga ai: shanhte gaw gaten du hkra, san seng ai myit n rawng na ma hka?

HOSEA 8:9

Kaning rai nme law, shanhte gaw shi hkrai rai nga ai lawze nhprang zawn, Asuri mung de lung wa masai: Ehprim gaw sumtsaw sumra ni hpe kumhpa jaw nga ai.

AMO LAIKA (AMOS) 3:10

Kaning rai nme law, tinang a htingnu ni hta kashun kashe hte, hpya lu hpya sha ai sut, mahkawng da ai ni gaw, malang ai hku n chye galaw ma ai, nga nna Yehowa tsun ai.

AMO LAIKA (AMOS) 3:9

Samari mung na bum ni a ntsa e zuphpawng nna, de a kabring kabrawng kaba ai hte, de a ka-ang e nga ai adip arip hkrum ai ni hpe mada yu mu, ngu nna Ashdod a htingnu ni hte, Egutu mung na htingnu ni hta, ashi shabra nga mu.

AMO LAIKA (AMOS) 8:14

Samari a shut hpyit ai lam hkan nna, Dan e, na a hpara hkrung nga ai hte maren, nga nna mung, Berasheba a htung hking grin nga ai hte maren, nga nna mung, tsun dagam ai ni gaw kadawng mat nna, galoi mung bai rawt lu na n rai, nga nna Madu Yehowa tsun ai.

MIHKA 6:16

Kaning rai nme law, Omri a matsun maroi ga hte, Ahab a nta na ni galaw ai amu mahkra hpe, nang hkan galaw nna, shanhte a hpaji daw ai lam hta, nanhte hkan nang nga myit dai; dai rai nna, ngai nang hpe shingran katsi ai shara shatai nna, mare masha ni gaw asawng asang shara tai na mara ai: nye amyu masha ni hkrum ai shatan nhkan, nanhte a ntsa e mara na ra ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! u kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu timung, nanhte n hkraw myit dai.

LUKA 19:42

“Mare nang e, ngwipyaw ai lam hpe dai ni na nhtoi e nang chye lu wu taw gaw law! ya chyawm gaw dai lam ni hpe na a man e makoi da nga ai.