HOSEA 6:7 - Jinghpaw Hanson Version Bible

⁷ Rai timung, shanhte gaw Adam zawn, ga shaka hpe tawt lai kau manu ai: dai yang e shanhte gaw, myit magaw ai hku, ngai hpe di kau ma ni ai.

Jinghpaw Common Language Bible 2009

⁷ “Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

HOSEA 6:7 ပူးပေါင်းရင်းမြစ်များ

HOSEA 8:1

Pahtau dum u; hpyen wa gaw langda zawn Yehowa nta de du ra ai: kaning rai nme law, shanhte gaw nye a ga shaka hpe lai kau nna, nye a tara hpe tawt lai kau manu ai.

HOSEA 5:7

Shanhte gaw tsasam kasha shaprat manu ai majaw, Yehowa hpe myit magaw ai hku di kau manu ai: ya chyawm gaw, shata praw shani gaw, shanhte hte shanhte a yi hkauna ni hpe, shamyit kau na ra ai.

YEREMIA 9:6

Na a shanu shara gaw hkalem hkalau ka-ang e rai nga ai; hkalem hkalau a majaw, shanhte ngai hpe n chye mayu ma ai,” nga nna Yehowa tsun ai.

YOBA 31:33

Ngai gaw Adam zawn nye mara hpe makoi da nna, nye kraw e, ngai tawt lai ai hpe magap da nngai, n rai.

NINGPAWT NINGHPANG 3:11

Shaloi Yehowa Karai Kasang gaw, “Nang singgu chyakrin rai nga ai gaw nang hpe kadai shadum a ta? Ngai, hkum sha, ngu nna jet da ai hpun hta na nang sha kau nu ni?” Ngu wu ai.

2 HKAWHKAM 17:15

Yehowa gaw shanthe a kaji kawa ni hte tawn da ai matsun maroi ga hte ga shaka hpe mung, shanhte hpe hkam ya ai sakse ga hpe mung, shanhte kau da ai hte, sawse lawklek ai lam hkan let myit kaba wa nna Yehowa hkum da ai grup yin e nga ai maigan amyu ni a arawn alai hpe, hkan shachyut nga ma ai.

NINGPAWT NINGHPANG 3:6

Hpun dai gaw sha na matu mai kaja ai mung, myi a matu yu chyoi nga ai mung, hpaji lu la na matu sharawng awng ai hpun rai nga ai mung, dai numsha gaw mu wu jang, dai hpun hta na asi di sha wu ai: madu wa hpe mung shi agaw jaw wu ai rai nna, shi mung sha wu ai.

HEBRE 8:9

Shanhte a kaji kawoi ni hpe lata hta dun la nna, Egutu mung na woi wa ai shaloi na, Shanhte hte tawn da ai ga shaka hte maren, n rai: Kaning rai nme law, nye a ga shaka hta shanhte maju n jung ma ai. Ngai mung shanhte hpe n yu n gawn mawe ai nga nna, dai Madu tsun nga ai.

YEREMIA 31:32

shanhte a kaji kawa ni hpe lata hte dun la nna, Egutu mung na woi wa ai shaloi na, shanhte hte tawn da ai ga shaka hte maren, n rai: kaning rai nme law, ngai shanhte a Madu rai nga timung, shanhte gaw, ndai, nye a ga shaka hpe run kau ma ai, nga nna Yehowa tsun ai.

YEREMIA 5:11

Israela dap rai timung, Yuda dap rai timung, ngai hpe myit magaw ai hku grai galaw ma ai,” nga nna Yehowa tsun ai.

YEREMIA 3:7

Ndai amu mahkra hpe shi galaw ai hpang, shi ngai hpang de nhtang wa na ra ai, nga nna ngai tsun timung, shi n wa hkraw ai: myit magaw ai, shi a kana Yuda gaw, dai amu hpe mu nga ai.

ESAIA 48:8

Gaja wa, nang n na yu ndai; gaja wa, nang n chye ndai; gaja wa, moi kaw nna na a na hpaw ai n rai: kaning rai nme law, nang gaw gumle gumlau amu grai galaw nna, kanu a hkritung kaw nna pyi, tara tawt lai ai, ngu ai mying mying ai hpe ngai chye nngai.

ESAIA 24:16

Dinghpring ai wa gaw hpung shingkang rawng u ga, nga ai mahkawn ga, lamu ga htum ai maga de na anhte na lu ga ai. Ngai chyawm gaw, Matsan nngai, matsan nngai; ngai hta dingnye nga u ga; myit magaw ai ni gaw, myit magaw ai lam galaw ma ai; gaja wa, myit magaw ai wa gaw myit magaw ai lam grai galaw sai.

ESAIA 24:5

Mung masha ni gaw tara hpe tawt lai nna, hkang da ai ga hpe galai kau ai hte, prat dingsa na ga shaka hpe shaprai kau ai majaw, lamu ga gaw awu asin hkrum nga ai.

ROMA 5:14

Shing nga rai timung, Adam a tawt lai ai lam hte maren yubak n galaw ai ni a ntsa e pyi, Adam kaw nna Mawshe a aprat du hkra si hkrung si htan up hkang nga sai: Adam chyawm gaw, du na ra ai wa a kumla rai nga ai.

YEREMIA 34:18

Nanhte gaw dumsu kasha hpe ka-ang brang ga nna, lapran hku lai wa let, nye a man e yin la ai ga shaka hte maren, n hkan, nye a ga shaka tawt lai kau ai ni ngu ai, Yuda agyi salang ni Yerusalem agyi salang ni, hpyen du ni, hkinjawng ni hte, ka-ang brang ga ai dumsu kasha lapran hku lai wa ai, mung masha ni mahkra hpe, hpyen ni a lata hta mung, shanhte a asak hpe tam ai ni a lata hta mung, ngai ap kau nna, shanhte a si mang ni gaw, ntsa malem u ni hte ga ntsa matse labye ni a shahpa tai na ra ai.

TARA JAHPRANG 31:20

Kaning rai nme law, shanhte a kaji kawa ni hpe ngai dagam da ai hte maren, nga chyu hte lagat jahku lwi ai mung de shanhte hpe ngai shaw tawn nna, shanhte hkru hkru kat kat sha lu ai hte hpum sau ai shani e, Hpara shaje ni hpang de shanhte dam mat wa nna daw jau na mara ai; shanhte ngai hpe jahpoi nna nye a ga shaka run kau na mara ai.