HOSEA 6:3 - Jinghpaw Hanson Version Bible

³ Anhte chye na lu ga; Yehowa hpe chye lu hkra hkan tam ga: jahpawt manap teng teng du ai zawn, shi du pru na ra ai; shi anhte hpang de, marang shaya hte, lamu ga hpe madit ai marang shadoi zawn, du na ra ai.”

Jinghpaw Common Language Bible 2009

³ Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

HOSEA 6:3 ပူးပေါင်းရင်းမြစ်များ

2 SAMUELA 23:4

Marang hpawng ai hpang na ahtoi mahpaw hta, Ga na tsit lali ai tsingdu hpe shaprut ai, Lamu n mung ai jahpawt manap na Jan praw a tu kabrim ai ahtoi hte bung nga ai.

YOBA 29:23

Marang hpe la ai zawn shanhte ngai hpe la nna, marang shadoi hpe marit ai zawn, n-gup mahka nga ma ai.

SHAKAWN KUNGDAWN 19:4

Mung shagu hta dai hte a ngoi ai gaw, Mungkan ting hta dai hte a mungga, pri rai sai: Shi gaw dai hte hta jan a matu sum lajang da nu ai.

SHAKAWN KUNGDAWN 19:6

Lamu maga mi de nna shi pru wa nhtawm, Bai maga mi de htum hkra kayin hkawm dep wu ai: Hpa mung shi a kang kahtet ai hta na lawt lu ai n rai.

SHAKAWN KUNGDAWN 63:8

Nye a myit masin nang hpe hkan kanan nga nna, Na a hkra lata ngai hpe shadaw ya nga ai.

SHAKAWN KUNGDAWN 65:9

Aga hpe nang kawan yu nna, madit ya nga ndai; Nang dai hpe law law jasau wu ai; Karai Kasang a hka nu ntsin hte hpring nga ai; Shanhte a nai mam hpe nang shatut ya mu ai; Rai sa, nang shing rai lajang nga ndai.

SHAKAWN KUNGDAWN 72:6

Udat shara e, marang htu ai zawn, Aga hta marang n yit yang na zawn, shi yu wa ru ga.

GA SHAGAWP 4:18

Dinghpring ai ni a lam chyawm gaw, jahpawt nhtoi hte bung nga ai; Dai gaw nhtoi leng hkra ahtoi ahkung wa nga ai.

ESAIA 2:3

Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.

ESAIA 32:15

matsaw ntsang de na wenyi gaw anhte a ntsa e ru bun nna, nam mali gaw nsi naisi hpring ai yi hkauna, nsi naisi hpring ai yi hkauna gaw maling zawn nawn ai shani du hkra, Ohpela kawng hte langchyi ni gaw, prat dingsa lungpu tai mat nna, lawze nhprang ni dai hta pyaw nga nna, dai gaw yamnga ni a udat shara tai wa na ra ai.

ESAIA 44:3

kaning rai nme law, hpang kara ai wa ntsa e ngai ntsin ru bun nna, hkraw hkun ai ga hpe hka shalim na we ai: na a amyu a ntsa e nye a wenyi hpe, na a aru arat a ntsa e nye a shaman ai hpe, ngai ru bun na we ai:

ESAIA 5:6

Ngai dai hpe shakrin kau na we ai; kadai mung lakung ni hpe n krum kau ai hte, aga hpe htu kapun na n rai: ju hpun amyu myu tu pru na ra ai; de a ntsa e marang n htu u ga, ngai sumwi ni hpe hkang da na we ai.

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

YEREMIA 24:7

Ngai Yehowa rai nga ai hpe, shanhte chye lu na myit, ngai shanhte hpe jaw na nngai: shanhte gaw tinang myit masin mahkra hte, ngai hpang de kayin wa ai majaw, shanhte gaw nye a amyu, ngai gaw shanhte a Karai Kasang, tai na nngai.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

HOSEA 10:12

“Tinang a matu dinghpring ai nli gat mu, chyeju nsi naisi shu la mu; jahkam da ai yi hkauna ni hpe galau mu: Yehowa sa nna, nanhte a ntsa e dinghpring ai marang jahtu ai du hkra, shi hpe tam na aten ya rai nga ai.

HOSEA 14:5

Ngai gaw Israela ntsa e mari zawn tai na nngai: shi gaw hkalaw pan zawn pu nna Lebanon zawn ru jung na ra ai.

HOSEA 14:6

Shi a lakung lakying ni gung dam wa nna, shi gaw tsanlun hpun zawn tsawm htap na ra ai: shi a abat gaw Lebanon maling zawn, manam na ra ai.

HOSEA 2:20

Dai shani e ngai shanhte a matu, pa ga na matse labye ni, ntsa malen pyen ai u ni, ga e gumrawt hkawm ai baw hte, ga shaka tawn da nna, dai mungdan hta na, ndan ri nhtu, hpyen majan jasim kau ai hte, shanhte hpe apyaw alaw yup shangun na mawe ai.

MIHKA 4:2

Maigan amyu law law wa, Sa marit, Yehowa a bum, Yaku a Karai Kasang a Nta de lung wa saga: shi gaw shi a lam anhte hpe sharin ya nna, anhte gaw shi a lam hku hkan sa na ra ga ai, nga nna hkawm let tsun shajang na mara ai. Kaning rai nme law, Ziun bum na jep ai tara, Yerusalem mare na Yehowa a mungga, pru na ra ai:

MIHKA 5:2

Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

MIHKA 5:7

Naw ngam nga ai Yaku a masha ni gaw, masha amyu baw ni law law a ka-ang e, Yehowa kaw na hkrat ai mari hte, masha matu n hkring, shinggyim masha myit n hkan ai, tsingdu ntsa e htu ai marang zawn, tai na mara ai.

ZEHKARIA 10:1

Marang shadoi htu ai aten e, marang htu u ga, Yehowa hpe hpyi mu; Yehowa gaw myihprap gala shangun nna, marang nhpawng jahtu ya ai hte, langai hte langai a matu, pa ga e hkai nmai shatut wu ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

LUKA 1:78

Shi a amyu hpe hkye hkrang la ai lam chye lu shangun na matu mung, Nsin, hte si ai shingnip kata e dung nga ai ni hpe htoi ya nna,

YAWHAN 17:3

Htani htana asak ngu ai chyawm gaw, langai sha rai nga ai hte tengman re ai nang Karai Kasang hpe mung, nang shangun dat ai wa Yesu Hkristu hpe mung, shanhte chye chyang lu ai hpe, ngu ai, rai nga ai.

YAWHAN 7:17

Dai wa a myit hkan mayu ai wa rai yang gaw, sharin shaga ai ga ndai, Karai Kasang kaw na re ai, shing n rai, nye a myit hte tsun nga ai ga re ai, chye ginhka lu na wu ai.

KASA 17:11

Dai mare masha ni gaw Htesaloni masha ni hta myit grau su ma ai rai nna, dai mungga hta myit shawn loi ai hte, dai lam ni teng ai n teng ai chye lu hkra, Chyum laika hpe shani shagu a yu nga ma ai.

TARA JAHPRANG 32:2

Tsit lali ai tsingdu hta htu bun ai marang hte, Namlap hta htu hkrat ai marang ninghte zawn, Ngai sharin ai ga htu kahte nna, Nye a ga gaw mari zawn hkrat na ra ai.

HEBRE 3:14

kaning rai nme law, anhte a myit maju jung ai a npawt nhpang hta, jahtum nhtoi du hkra ngang ngang manat nga ga yang gaw, Hkristu hte jawm hpawng ai ni anhte rai nga ga ai.

2 PETRU 1:19

Dai rai nna, grau grin wa nga ai myihtoi ga mung, anhte lu sagaw ai; nanhte a myit masin hta e nhtoi leng wa nna, nhtoi gintawng pru wa ai ten du hkra, nsin sin ai shara de htoi tu nga ai pyengdin hpe zawn, dai myihtoi ga hpe nanhte a hkan nang nga na, mai kaja nga ai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”