HOSEA 6:1 - Jinghpaw Hanson Version Bible

¹ “Sa marit, Yehowa hpang de bai wa ga; shi amya kau timung, bai shamai ya na mi ai; jahpye kau timung, nma kayawp ya na mi ai.

Jinghpaw Common Language Bible 2009

¹ Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

HOSEA 6:1 ပူးပေါင်းရင်းမြစ်များ

2 HKAWHKAM LABAU 30:6

Shing rai hkawhkam wa hte du salang ni ka dat ai laika sa sa ai ni gaw, Israela hte Yuda mung ting jawt hkawm ma ai: hkawhkam hkang dat ai hte maren ndai laika gaw, Israela kashu kasha ni e, Asuri hkawhkam a lata nna lawt lu ai hte, naw ngam nga ai ni nanhte hpang de, Abraham, Isak hte Israela Karai Kasang Yehowa kayin wa u ga, nanhte mung shi hpang de myit kayin wa mu law.

YOBA 16:9

N-yun bu let shi ngai hpe amya nna, ashep kau nga ai; shi nye a ntsa e wa utik nga ai: ngai hpe hpyen ai wa gaw, ngai hpe myi yu kabrim nga ai.

YOBA 22:23

N-gun chyalai rawng ai wa hpang de bai wa yang, grin nga na ndai; shut hpyit ai gaw na a sum hte tsan nga nna,

YOBA 34:29

Shi ngwipyaw shangun yang, kadai sharu lu na rai ta? Shi myi man makoi yang, amyu rai timung, marai langai sha mung, shi hpe kadai mu lu na rai ta?

YOBA 5:18

Shi gaw jahpye ya nna, ahkyen kayawp ya nga ai, shi hkala kau nna, shi a lata hte shamai ya nga ai.

SHAKAWN KUNGDAWN 30:7

Yehowa e, nang gaw na a n-gaw nnyeng hte nye a bum hpe shangang da nu ai; Na a myi man hpe makoi kau yang, ngai mak mak rai nga nngai.

SHAKAWN KUNGDAWN 6:2

Yehowa e, ngai htum wa ni ai majaw, matsan dum la e, Yehowa e, nye a nra hkrit gari nga li ai majaw, shamai ya e.

SHAKAWN KUNGDAWN 71:20

Tsin-yam tsindam kaba law law anhte hpe madun ai wa e, Nang anhte hpe bai shalan shabran la nna, Ga a sung htum ai kaw na bai sharawt la na ndai.

HPAJI NINGLI 3:3

sat kau ai aten hte, nma shamai ai aten mung nga ai; run kau ai aten hte, nta gap na aten mung nga ai;

ESAIA 17:7

Dai shani hta e, mung masha ni gaw, tinang a Hpan Madu hpe mada yu nna, shanhte a myi gaw Israela Chyoi pra ai Wa hpe hkungga lara na mara ai.

ESAIA 2:3

Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.

ESAIA 30:22

bai nanhte gaw, gumhpraw hte sup ai tawk la ai sumla ni hpe mung, ja sup ai jaw la ai sumla ni hpe mung, awu asin di kau nna, matsat shabat re ai rai zawn kabai kau let, Pru wa mu,” nga nna tsun na myit dai.

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

YEREMIA 3:22

Htak mat ai ma ni e, bai wa marit; nanhte a htak mat ai hpe ngai shamai shatsai na nngai. Yu u, anhte nang hpang de wa ga ai; nang gaw anhte a Karai Kasang Yehowa rai nga ndai.

YEREMIA 30:12

Yehowa ning nga ai: Nang hkrum ai hkala nba mai yak la ai; na a nma gaw machyi la nga ai;

YEREMIA 30:17

Kaning rai nme law, masha ni gaw, kau da hkrum ai wa, nga nna mung, kadai n kawan katsan yu ai Ziun, nga nna mung, nang hpe tsun aroi ai majaw, ngai nang hpe shamai shatsai nna, hkam kaja shangun na de ai, nga nna Yehowa tsun ai.

YEREMIA 33:5

Hkalde masha ni hpyen gasat na sa wa ma ai; pawt bu nna myit kahtet ai hte, ngai sat kau ai, ndai mare masha ni a mang ni hte, ndai nta ni hpe jahpring na ra ai; ndai masha ni a yubak majaw, ndai mare hta na nye a myi man ngai makoi da timung, Yu mu, ndai mare a matu ngai tsi shapraw nna, shanhte hpe shamai shatsai na nngai; ngwipyaw ai hte tengman ai lam, ngai shanhte hpe madun dan na nngai.

YEREMIA 50:4

Yehowa ning nga ai, Dai shani, dai aten e, Israela kashu kasha ni gaw, Yuda kashu kasha ni hte rau, wa na mara ai; shanhte gaw hkrap ngu hkrap ngoi let, bai wa nna, tinang a Karai Kasang Yehowa hpe tam na mara ai.

YEREMIA 50:5

Shanhte gaw, Sa marit, galoi n malap kau lu ai ga shaka Yehowa hte matut ga, nga nna Ziun de myi man yawng let, de a lam tam na mara ai.”

SHARUNG SHAYAWT 3:11

Shi ngai hpe lam yit shangun nhtawm, kahtum gadaw di nna, shaza kau ni ai.

HOSEA 11:10

Yehowa gaw hkanghkyi zawn shabam nna, shanhte gaw shi hpang de hkan nang na mara ai: shi shabam yang, kashu kasha ni gaw, sinna maga de na, hkrit gari ai hte du na mara ai.

HOSEA 12:6

Zaw nawng zaw wa up ai Yehowa gaw, Betela shara e shi hpe mu hkrup nna, dai yang e anhte hte ga tsun nga ai: shi a masat dingsat amying gaw Yehowa rai nga ai.

HOSEA 14:1

“Israela e, nang gaw na a yubak hte ahtu kataw hkrum ai majaw, na a Karai Kasang Yehowa hpang de nhtang wa u.

HOSEA 14:4

“Nye a pawt bu ai myit kawp mat sai majaw, shanhte a htak mat ai hpe ngai shamai shatsai ya nna, hpa n hpyi ai sha, shanhte hpe tsawra na nngai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

JAW JAU 14:48

Bai dai nta hpe engade nnan chya ngut ai hpang, hkinjawng wa shang yu yang, ana n maden wa yang gaw, ana mai ai re ai majaw, nta dai hpe san seng ai ngu na rai wu ai.

ZEHPANI 2:1

“Myi man htat ai amyu e, nanhte dawdan ai garai n hkrum, dai nhtoi gaw mahkaw zawn garai n poi mat ai hte, Yehowa a sindawng kahtet ai, nanhte a ntsa e garai n du nna,

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

1 SAMUELA 2:6

Katsan ga de jahkrat kau ai hte sharawt la ai wa rai nga ai.

1 SAMUELA 7:3

Shaloi Samuela gaw Israela amyu ting hpe, “Nanhte myit masin mahkra hte Yehowa hpang de kayin wa marin dai rai yang gaw, nanhte jau tawn ai maigan Hpara hte Ashtarot ni hpe kau tawn da nhtawm, Yehowa hpe myit manoi nna shi hpe chyu sha jaw jau mu: shaloi, Hpilisti masha ni a lata na shi nanhte hpe hkye la na ra ai,” ngu wu ai.