HOSEA 5:7 - Jinghpaw Hanson Version Bible

⁷ Shanhte gaw tsasam kasha shaprat manu ai majaw, Yehowa hpe myit magaw ai hku di kau manu ai: ya chyawm gaw, shata praw shani gaw, shanhte hte shanhte a yi hkauna ni hpe, shamyit kau na ra ai.

Jinghpaw Common Language Bible 2009

⁷ Shanhte gaw dai Madu hta sadi n dung nga manu ai; shi gaw shanhte a ma ni hpe n madu nga ai. Dai rai nna, ya chyawm gaw shanhte hte shanhte a lamu ga ni kade n na yang jahten kau hkrum na mara ai.

HOSEA 5:7 ပူးပေါင်းရင်းမြစ်များ

SHAKAWN KUNGDAWN 144:11

Masha tsasam ni a lata hta na, ngai hpe shaw la nna mawai la e; Shanhte a n-gup kaman ga tsun nga nna, Shanhte a hkra lata hkalem sha ai lata rai nga ai.

SHAKAWN KUNGDAWN 144:7

Tsaw htum ai shara kaw nna na a lata ladawn dat u; Hka kaba hte masha tsasam ni a lata na, Ngai hpe shaw la nna, mawai la e.

ESAIA 1:14

Nanhte a shata praw shani ni hte ladaw da ai poi ni hpe, ngai n dawng nngai: dai gaw ngai hpe sharu shayak ai sha rai nga ai; hkam sharang ai hte hki ba la nngai.

ESAIA 48:8

Gaja wa, nang n na yu ndai; gaja wa, nang n chye ndai; gaja wa, moi kaw nna na a na hpaw ai n rai: kaning rai nme law, nang gaw gumle gumlau amu grai galaw nna, kanu a hkritung kaw nna pyi, tara tawt lai ai, ngu ai mying mying ai hpe ngai chye nngai.

ESAIA 59:13

Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

YEREMIA 3:20

Israela dap e, madu jan gaw madu wa hta sadi n dung ai hte maren, gaja wa nanhte gaw ngai hta sadi n dung myit dai, nga nna Yehowa tsun ai.

YEREMIA 5:11

Israela dap rai timung, Yuda dap rai timung, ngai hpe myit magaw ai hku grai galaw ma ai,” nga nna Yehowa tsun ai.

EZEKELA 12:28

“Dai re ai majaw Madu Yehowa ning nga ai, ‘Nye a ga langai mi muk, naw hkring nga lu na n rai; ngai tsun ai ga gaw dik na ra ai,’ ngu nna shanhte hpe tsun mu, nga ai.

HOSEA 2:11

Dai rai nna, mam dan ai aten e, nye a nai mam hpe, tsabyi si shup ai aten e, nye a tsabyi jahku hpe, ngai dawm la nna, shi hkum hpe jahpun mai ai, nye a sagu mun hte lachyit ri hpe, gare la kau na nngai.

HOSEA 2:4

Nanhte a kanu hte dangrang hkat mu, dangrang hkat mu; shi gaw nye a madu jan n rai, ngai mung shi a madu wa n rai; shi gaw shi a shawa num myi man hpe kau da nna, la shaw ai amu hpe koi kau u ga:

HOSEA 6:7

Rai timung, shanhte gaw Adam zawn, ga shaka hpe tawt lai kau manu ai: dai yang e shanhte gaw, myit magaw ai hku, ngai hpe di kau ma ni ai.

HOSEA 7:13

Shanhte ngai kaw na pru mat wa ai majaw, dingnye lu mu ga; ngai hpe shut hpyit ai majaw, hten byak hkrum mu ga: ngai shanhte hpe shaw la mayu timung, shanhte nye a lam masu ga tsun nga ma ai.

ZEHKARIA 11:8

Shata mi hta dai sagu rem masum hpe ngai shamyit kau nngai: kaning rai nme law, shanhte a majaw nye a myit nri nga nna, shanhte mung ngai hpe matsat ma ai.