HOSEA 5:5 - Jinghpaw Hanson Version Bible

⁵ Israela a gumrawng gumtawng ai gaw, tinang a man e dawdan ai sakse tai wa ai; dai re ai majaw, Israela hte Ehprim gaw, tinang a n hkru n hkra ai hta ahtu kataw na mara ai; Yuda amyu mung, shan hte rau ahtu kataw na ra ai.

Jinghpaw Common Language Bible 2009

⁵ Israela amyu masha ni a myit tsaw myit dap ai gaw shanhte hpe yawn madai shangun nga ai. Shanhte a yubak ni gaw shanhte hpe ahtu kataw shangun nga ai, Yuda amyu masha ni gaw shanhte hte rau kadawng mat nga ai.

HOSEA 5:5 ပူးပေါင်းရင်းမြစ်များ

GA SHAGAWP 11:21

N hkru ai ni shada matut timung, mara lawt lu na, n rai; Dinghpring ai ni a aru arat chyawm gaw lawt lu na mara ai.

GA SHAGAWP 11:5

Hkum tsup ai wa a dinghpring ai myit shi hpe woi awn na ra ai; Tara n lang ai wa chyawm gaw tinang n hkru ai hta kadawng mat na ra ai.

GA SHAGAWP 14:32

Tara n lang ai wa gaw tinang a n hkru ai hta kadawng mat nga ai; Dinghpring ai wa chyawm gaw, si wa yang, pyi, shingbyi shara mu nga ai.

GA SHAGAWP 24:16

Kaning rai nme law, dinghpring ai wa gaw sanit lang kataw timung, bai rawt lu na ra ai; Tara n lang ai ni chyawm gaw, tsin-yam tsindam hte htum mat na mara ai.

GA SHAGAWP 30:13

Grai wa gumrawng gumtawng nna, Myit tsaw myit dap ai hte grang nga ai masha amyu;

ESAIA 3:8

Kaning rai nme law, Yehowa a hpung rawng ai myi hpe kamau shangun na matu, shanhte a tsun ai ga hte arawn alai shi hte nhtan shai nga ai majaw, Yerusalem mare gaw hten run mat sai; Yuda mung gaw kadawng mat sai.

ESAIA 3:9

Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

ESAIA 44:9

Hpara sumla tawk ai ni yawng, kaman lila rai nga ma ai; shanhte sharawng awng ai rai ni gaw, akyu shapraw lu ai n rai; shanhte kaya kahpa hkrum sha mu ga, tinang a lam sakse hkam ai ni gaw mu mung n mu, chye mung n chye ma ai.

ESAIA 59:12

Kaning rai nme law, anhte tara tawt ai lam, na a man e law htam wa nna, anhte galaw ai yubak gaw sakse tai nga ai; anhte a tara tawt lai ai lam ni anhte hta kap nga nna, tinang shut hpyit ai hpe tinang nan chye nga ga ai:

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

HOSEA 14:1

“Israela e, nang gaw na a yubak hte ahtu kataw hkrum ai majaw, na a Karai Kasang Yehowa hpang de nhtang wa u.

HOSEA 14:2

Tawngban ga tsun nna, Yehowa hpang de nhtang wa let, Anhte a shut hpyit ai nlang raw dat kau ya mi; kaja ai hpe hkap la ya mi; shing rai anhte gaw n-gup ga ngu ai usu nang hpe nawng ya na ga ai.

HOSEA 4:5

Nang gaw shani chyingtung e ahtu kataw na rin dai; myihtoi wa mung, shana aten e nang hte rau ahtu kataw na ra ai: ngai gaw na nnu hpe shamyit kau na nngai.

HOSEA 5:14

Kaning rai nme law, ngai gaw Ehprim hta hkanghkyi zawn, Yuda nta hta hkanghkyi uram zawn, rai na nngai; ngai nan amya kawa kau da na nngai; makrang hpai kau yang, kadai mung mawai la lu na, n rai.

HOSEA 7:10

Israela a gumrawng gumtawng ai gaw, tinang a man e dawdan ai sakse tai timung, shanhte gaw dai daram hkrum ninglen, tinang a Karai Kasang Yehowa hpang de n wa ai hte, shi hpe n tam ma ai.

HOSEA 8:14

Kaning rai nme law, Israela gaw tinang a Hpan Madu hpe malap kau nna, nawku Htingnu ni dè da nga ai; Yuda gaw bunghku kum ai mare ni shalaw ma ai; rai timung, ngai gaw mare ni hpe nat kau nna, de a hpyen dap ni hkru mat na ra ai.

AMO LAIKA (AMOS) 5:2

Israela hkawnsek kataw nga sai, htawm hpang de rawt lu na n rai: shi gaw shi a ga hta kabai jahkrat kau ai hkrum nga ai; shi hpe bai sharawt ai wa n nga ai.

MAHTE 23:31

Shing nga timung myihtoi ni hpe sat kau ai ni a kashu kasha ni nanhte rai nga myit dai gaw, nanhte nan sakse hkam nga myit dai.

LUKA 19:22

Shaloi madu gaw, N hkaw n shawp ai mayam e, na a n-gup na ga hku hkan nna ngai nang hpe jeyang na de ai: ngai gaw kahti kari re ai wa rai nga nngai hte, n tawn n da ai arai ngai magawn la nna, n gat n hkai ai kaw na dan la ga nngai, nang chye ndai rai yang gaw,