HOSEA 5:3 - Jinghpaw Hanson Version Bible

³ Ehprim hpe ngai chye nngai: Israela gaw, nye a man na makoi mat lu ai, n rai; Ehprim e, ya pyi nang shawa num tai nna, Israela gaw awu asin hkrum nga ai.

Jinghpaw Common Language Bible 2009

³ Israela gaw hpa hte bung nga ai hpe ngai chye nngai. Shi gaw nye a man kaw na makoi yen lu na n rai. Shi gaw sadi n dung mat nu ai, shi a amyu masha ni ngai hpe nawku na n htuk nga ai.”

HOSEA 5:3 ပူးပေါင်းရင်းမြစ်များ

ESAIA 7:16

kaning rai nme law, dai ma gaw n kaja ai hpe gang kau na, kaja ai hpe lata la na, garai n chye ai laman e, nang hkrit gari ai hkawhkam yan a mungdan gaw, gram mat na ra ai.

ESAIA 7:17

Ehprim amyu gaw Yuda amyu hte hka wa ai shani kaw nna, ya du hkra n byin yu ai shani nhtoi ni, Yehowa gaw na a ntsa e mung, na a amyu baw a ntsa e mung, na nwa a nta ntsa e mung, shapraw na ra ai: dai gaw Asuri hkawhkam nan rai nga ai.

ESAIA 7:5

Suri mung, Ehprim mung hte Remalia kasha, na a lam n hkru ai hpaji daw nna,

HOSEA 1:2

Yehowa gaw Hosea hpe ga tsun hpang yang, “Nang sa su; shawa num hte hpawn, shi shaprat ai liknga ma ni hpe woi la u; kaning rai nme law, dai mungdan gaw Yehowa kaw na yit mat wa nna, grai shut hpyit nga ai,” ngu nna shi hpe tsun wu ai.

HOSEA 12:1

“Ehprim gaw, masu matsa ga hte, Israela dap gaw, hkalem hkalau ai hte, ngai hpe wang tawn nga ai; Yuda chyawm gaw, Karai Wa hte naw up nga lu nna, Chyoi Pra ai Wa hte, kangka rai nga ai.

HOSEA 13:1

“Ehprim gaw ga tsun yang, masha ni hkrit gari nga ma ai; shi gaw Israela hta grau htum ai wa rai nga ai: rai timung, shi gaw Bala hpara hte shut yang, shi si wa sai.

HOSEA 13:5

Hkun hkraw ai shara ngu ai, nam mali e, ngai nang hpe chye ni ai.

HOSEA 5:11

Ehprim gaw masha ni a hkang ai ga hpe hkan hkraw ai majaw, shi gaw zingri zingrat hkrum nna, dawdan ai hte htum mat sai.

HOSEA 5:13

Ya Ehprim gaw tinang a ana ahkya hpe, Yuda gaw tinang a nma hpe mu jang, Ehprim gaw Asuri mung de sa nna, Yuda gaw hkawhkam Yarib hpe shaga wu ai: shi chyawm gaw, nan hpe shamai ya lu ai, n rai, nan a nma hpe kapa ya lu ai, n rai.

HOSEA 5:9

Daru sharin hkrum ai shani e, Ehprim gaw katsi katsang shara tai na ra ai: teng teng byin magang ra ai lam, Israela amyu ni hpe, ngai chye shangun nngai.

HOSEA 6:10

Israela nta kata e matsat shabat amu ngai mu nngai; Ehprim amyu gaw shawa num tai nna, Israela gaw awu asin di kau ai hkrum sai.

HOSEA 6:4

“Ehprim e, ngai nang hpe kaning di na rai ta? Yuda e, ngai nang hpe kaning di na rai ta? Nan a chyeju dum ai myit gaw, jahpawt manap sumwi hte, jau jau e hkoi mat ai mari zawn, rai nga ai.

HOSEA 8:11

Ehprim gaw yubak galaw na matu, tawn hkungri shalaw ai majaw, tawn hkungri ni shi a yubak lam tai wa sai.

AMO LAIKA (AMOS) 3:2

nga nna Egutu mung na woi shapraw ai amyu ting hpe lakap sha-ang nna, Yehowa tsun ai ga hpe madat mara la mu.

AMO LAIKA (AMOS) 5:12

Kaning rai nme law, nanhte a tawt lai ai yubak amyu myu hte, nanhte a mara gade kaba nga ai hpe, ngai chye nngai: nanhte gaw dinghpring ai ni hpe zingri zingrat nna, sake manawn sha let, matsan mayan ni hpe mare chyinghka lam e n tara ai hku dawdan myit dai.

TARA JAHPRANG 33:17

Shi hta shawng hkrat ai usu gaw arawng sadang rai nga ai; Shi a nrung hpawlam nrung rai nga lu ai: Dai hte, masha amyu ni hpe lamu ga htum hkra, shachyut daru kau na mu ai. Dai ni gaw Ehprim a mun sen ni rai nga ma ai, Shanhte gaw Manashe a hkying mun ni rai nga ma ai.

HEBRE 4:13

Shi a man e n dan n leng ai hpan da ai arai langai mi mung n nga ai; yawng mayawng gaw shi myi a man e dan leng nga ai hte asan brang lang rai nga ai rai nna, anhte shi a man e jahpan dan lu na ga ai.

SHINGRAN 3:15

Na a arawn alai ngai chye nga nngai; nang katsi ai mung n rai, kahtet ai mung n rai nga ndai Nang katsi ai, shing n rai kahtet ai, mai rai nga ndai.