HOSEA 4:8 - Jinghpaw Hanson Version Bible

⁸ Nye amyu masha ni a yubak gaw, shanhte a galaw lu galaw sha shara rai nga ai: dai ni a shut hpyit ai hta, shanhte myit manoi nga ma ai.

Jinghpaw Common Language Bible 2009

⁸ Nanhte gaw nye amyu masha ni a yubak ni hta na sut su rawt jat wa nga myit dai, dai rai nna nanhte gaw shanhte hpe yubak grau grau galaw mat wa na ra nga myit dai.

HOSEA 4:8 ပူးပေါင်းရင်းမြစ်များ

2 HKAWHKAM 12:16

Dai hta n-ga, amu galaw ai ni hpe karan jaw na matu, gumhpraw sim da ai ni gaw, kangka rai nga ma ai majaw, shanhte hpe jahpan n hpyi mu ai.

SHAKAWN KUNGDAWN 24:4

San seng ai lata hte chyoi pra ai myit rawng nna, Tinang myit masin kaman lila hpe n nawn n sawn ai hte, Hkalem ai hku n dagam ai wa, rai lu ai.

SHAKAWN KUNGDAWN 25:1

Yehowa e, nye a myit masin hpe ngai nang kaw sharawt nga nngai.

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

EZEKELA 14:7

Kaning rai nme law, ngai hte hka nhtawm, tinang a hpara ni hpe, tinang a kraw lawang e dè da nna, tinang a shut hpyit ai ahtu kataw shara hpe, tinang a man e tawn da ninglen, nye a myit hpe san yu na matu, myihtoi wa hpang de sa du ai Israela masha kadai hpe mung, Israela mung hta sa manam nga ai kadai hpe mung, ngai Yehowa nan shi hpe htan na nngai:

HOSEA 10:13

Nanhte gaw tara n lang ai galau hkai nna, n hpru n mai ai hpe dan la manit dai; masu magaw nsi naisi nanhte sha manit dai: kaning rai nme law, nang gaw tinang hkan ai lam hte, law la ai share ninghkrin ni hta, kam hpa nga ndai.

HOSEA 12:8

“Shi gaw Hkanan masha rai nga ai; n man ai joi shi lang nga ai: maw sha map sha ai amu, shi sharawng nga ai.

HOSEA 14:1

“Israela e, nang gaw na a yubak hte ahtu kataw hkrum ai majaw, na a Karai Kasang Yehowa hpang de nhtang wa u.

JAW JAU 6:22

Arun a hkringhtawng dagraw ai kasha mung kumhpa dai jaw lu na rai nga ai: dai gaw Yehowa a matu hkum ting yawng nawng ya ai a htani htana ga matsun rai na rai malit dai.

JAW JAU 6:26

dai gaw chyoi pra htum ai rai nga ai. Htingrai hkungga nawng ai hkinjawng wa gaw, dai hkungga shan sha lu na rai nga ai; shan dai hpe, shawa sum a wang kata na chyoi pra ai shara e sha na rai wu ai.

MIHKA 3:11

Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

MALAHKI 1:10

Nye a tawn hkungri ntsa e, awan kaman sha n shachyi kau myit ga, nye a nta na chyinghka ni hpe la da mayu ai wa, kadai? Nanhte hpe ngai n ra nngai; nanhte a lata na shagu hkungga hpe ngai n hkap la na nngai, nga nna Zaw nawng zaw wa up ai Yehowa tsun ai.

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.

TITU 1:11

shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.

1 SAMUELA 2:29

Nye nta e ngai hkang da ai hkungga hte nye shadung kumhpa hpe, hpa rai htawng kau myit ta? nye a amyu Israela masha ni jaw jau ai kumhpa yawng mayawng hta na, kaja htum ai arai ni hpe hkru hkru kat kat sha shangun nna, na nsha ni hpe nye ntsa e hpa rai shagrau n ta?