HOSEA 4:7 - Jinghpaw Hanson Version Bible

⁷ Shanhte law htam wa ai hte maren, ngai hpe yubak galaw masai: ngai shanhte a arawng sadang hpe, kaya kahpa hte shayu kau na nngai.

Jinghpaw Common Language Bible 2009

⁷ “Nanhte hkinjawng ni grau law htam wa magang, nanhte ngai hpe yubak galaw shut magang rai nga myit dai, dai rai nna ngai gaw nanhte a shagrau sha-a lam hpe jahpoi asawng hkrum ai de kayin kau dat ya na nngai.

HOSEA 4:7 ပူးပေါင်းရင်းမြစ်များ

EZRA 9:7

Anhte a ji wa ni a aprat kaw nna, dai ni du hkra, anhte mara nachying wa kap saga ai: anhte tawt lai kau ai amu majaw, dai ni hkrum nga ai zawn, anhte mung, anhte a hkawhkam ni hte hkinjawng ni gaw, ri nhtu, bawng rim wa ai, hpya lu hpya sha ai hte myi man sum ai hkrum sha na matu, maigan mungdan hkawhkam ni a lata hta ap kau ai hkrum ma ai.

HOSEA 10:1

“Israela gaw asi si ai, ring ai tsabyi ru rai nga ai: asi law ai made, shi gaw tawn hkungri ni hpe shalaw wu ai; shanhte a mungdan mai kaja ai hte maren, shanhte gaw tsawm ai shadaw sumla ni hpe sharawt ma ai.

HOSEA 10:6

Dai hpe pyi, Asuri mung de la sa nhtawm, hkawhkam Yarib hpe kumhpa sak jaw na mara ai: Ehprim gaw arawng sum nna, Israela gaw tinang hpaji daw ai majaw, kaya dum na ra ai.

HOSEA 13:14

Shing rai ngai gaw shanhte hpe katsan ga de na mawai la na rai ni? si hkrung si htan kaw na, gare la na rai ni? Si hkrung si htan e, na a ana zinli, kanang nga a ta? Katsan ga e, nang shapraw ai tsin-yam tsindam, kanang nga a ta? myit malai na lam, ngai n mu nngai.”

HOSEA 13:6

Shanhte a udat shara law ai majaw, hkru kat ma ai: hkru kat ma yang, shanhte myit kaba nna, ngai hpe, malap kau ma ai.

HOSEA 4:10

Shanhte gaw Yehowa hpe shinggan kau ai majaw, shanhte sha timung, hkru kat lu ai, n rai; liknga lam shachyut timung, law htam wa na, n rai.

HOSEA 5:1

“Hkinjawng ni e, ndai lam na la mu; Israela dap e, madat mara nga mu; hkawhkam wa htingnu na ni e, matsing mu: nanhte gaw dawdan ai hkrum na myit dai; kaning rai nme law, nanhte gaw, Mizpa shara e mahkam, Tabora bum ntsa e hpyan tawn ai sumgawn, tai manit dai.

HOSEA 6:9

Damya hpung ni gaw, masha hpe gyam ai zawn, hkinjawng hpung ni gaw, Shehkem de sa wa ai lam hta, masha hpe sat kau ma ai: gaja wa, shanhte gaw sawse lawklek ai amu galaw ma ai.

HOSEA 9:11

Ehprim a arawng sadang gaw, u zawn pyen mat na ra ai; shangai chyinghkai n nga, gawngli ai mung n pra, kasha shaprat ai kata na ra ai.

HABAKU 2:16

Nang gaw arawng sadang n rai, kaya kahpa hkrum ndai: nang nan lu nna, singgu krin rai nga u: Yehowa a hkra lata na gawm gaw, nang kaw galen du nna,

MALAHKI 2:9

Dai rai nna, nanhte gaw nye a lam n hkan ai hte, tara dara yang, myi man tau ai majaw, amyu masha ni mahkra a man e, ngai nanhte hpe nhpu nru di nna, shayuk kau na nngai.

TARA JAHPRANG 32:15

Yeshurun chyawm ga hpum sau nna lahkat wu ai: Hpum sau ai hte shing-yan bawng nna di di tawng tawng nang rai nga ndai; Dai rai ti, hpan wa Karai hpe shi kau da nna, Shi e hkrang la ai Lunghkrung hpe n sawn wu ai.

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.