HOSEA 4:6 - Jinghpaw Hanson Version Bible

⁶ Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

Jinghpaw Common Language Bible 2009

⁶ Nye a amyu masha ni gaw ngai hpe n chye yin la nga ma ai majaw dingnye hkrum nga masai. Nanhte hkinjawng ni mung ngai hpe yin la na matu ningdang kau myit dai, nye a sharin achyin ai hpe n madat nga myit dai, dai rai nna ngai gaw nanhte hpe ningdang ai hte nanhte a shadang sha ni hpe mung nye a hkinjawng ni hpe zawn yin la na nngai n rai.

HOSEA 4:6 ပူးပေါင်းရင်းမြစ်များ

2 HKAWHKAM LABAU 15:3

Ya nhtoi na na wa Israela amyu hta tengman ai Karai Kasang n nga ai:

YOBA 36:12

Madat mara ai myit n rawng yang, shanhte ri nhtu hte htum mat nna, chye chyang ai nyan n rawng ai, nsa hti mat na mara ai.

SHAKAWN KUNGDAWN 119:139

Ngai hpe hpyen ai ni na a mungga hpe malap kau ma ai majaw, Nye a nja nhpra ai myit ngai hpe shaza kau nngai.

SHAKAWN KUNGDAWN 119:153

Na a tara hpe ngai n malap kau nngai majaw, Nye a nni nkri yu nna, ngai hpe mawai la e.

SHAKAWN KUNGDAWN 119:61

Tara n lang ai ni a sumri ngai hpe kawan nga timung, Na a tara hpe ngai n malap kau nngai.

SHAKAWN KUNGDAWN 18:27

Ru tsang hkrum ai amyu hpe nang hkye la nna, Gumrawng ai myi man hpe shagrit kau ndai.

GA SHAGAWP 10:21

Dinghpring ai ni a n-gup gaw, masha law law hpe bau nga ai: Myit n su ai ni chyawm gaw, nyan kata ai majaw si ma ai.

GA SHAGAWP 19:2

Myit masin gaw, chye chyang ai n rawng yang, n mai nga ai; Nau kaprap ai wa gaw shut na ra ai.

ESAIA 1:3

Dumsu gaw tinang madu hpe chye nga ai; lawze mung tinang madu a wakang hpe dum ma ai: Israela amyu chyawm gaw, ngai hpe n chye ma ai, hpa mung n dum ma ai.

ESAIA 17:10

Kaning rai nme law, nang hpe hkye hkrang la ai Karai Kasang hpe nang malap kau nna, nang hpe n-gun jaw ai lunghkrung hpe n dum ndai; dai majaw manam pyaw ai nampan nang hkai nna, sumtsan mung na bawng hte shatsawm wu ai:

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

ESAIA 28:7

Rai timung shanhte pyi tsabyi majaw shut masai; chyaru majaw ndi nda hkawm masai; hkinjawng wa hte myihtoi wa gaw chyaru majaw shut masai; shanhte tsabyi jahku hta galu nna, chyaru majaw ndi nda hkawm ma ai; shanhte teng ai shingran n mu, tengman ai hku tara n dara ma ai.

ESAIA 29:12

laika n chye hti ai wa hpe, “Ataw, dai hti yu u,” ngu yang, shi gaw, “Ngai laika n chye nngai,” nga ai.

ESAIA 3:12

Nye a amyu masha ni hpe chyawm gaw, ma kaji ni shanhte hpe adip arip di nna, num ni shanhte a ntsa e up ma ai. Nye a amyu e, nanhte hpe lam madun ai ni, nanhte hpe lam shadam nna, nanhte sa wa ai lam hpe, jahten kau ma ai.

ESAIA 45:20

Masha amyu ni hta na lawt pru lu ai ni e, rau sa zuphpawng ga; sit sa marit: tinang tawk ai hpuntawng hpara sumla hpe hpai nna, hpa n karum lu ai hpara hpe akyu hpyi ai ni gaw, hpa mung n chye ma ai.

ESAIA 5:13

Dai rai nna, nye a amyu masha ni gaw chye chyang ai myit n lu ai majaw, bawng rim mat wa ai hkrum nna, arawng lu ai ni kawsi kyet ai, yu maya ni gaw hpang kara let ai, hkrum ma ai.

YEREMIA 2:8

Hkinjawng ni gaw, Yehowa kanang rai nga a ta? nga nna n san ma ai; tara agyi ni ngai hpe n chye ma ai; agyi salang ni gaw ngai hpe shut hpyit ma ai; myihtoi ni gaw Bala hpe hpa let htoi nna, akyu n rawng ai lam hkan nang ma ai.”

YEREMIA 4:22

Gaja wa, nye a amyu masha ni myit n su ma ai; shanhte ngai hpe n chye ma ai; n shawp ai kasha tai nna, nyan n rawng ma ai; n kaja ai amu hta let nga ma ai; kaja ai amu n chye galaw ma ai.

YEREMIA 5:21

myi tu ninglen n mu, na tu ninglen n na ai, nyan kata ai, angawk angak re ai amyu e, ndai ga madat mu: Yehowa ning nga ai:

EZEKELA 44:23

Chyoi pra ai hte n chyoi n pra ai hpe chye ginhka lu nna, n san n seng ai hte san seng ai hpe lata la lu hkra, shanhte gaw nye a amyu masha ni hpe sharin achyin ya na mara ai.

HOSEA 13:6

Shanhte a udat shara law ai majaw, hkru kat ma ai: hkru kat ma yang, shanhte myit kaba nna, ngai hpe, malap kau ma ai.

HOSEA 2:13

Dai hta n-ga, ngai gaw, shi a kabu gara ai lam mahkra hte, shi a poi shani, shata praw shani, laban nhtoi ni hte, madat da ai shawa hpawng nlang hte hpe, jahtum kau na nngai.

HOSEA 4:1

Israela kashu kasha ni e, Yehowa a ga madat mara nga mu: kaning rai nme law, dai mungdan hta kangka ai, matsan dum ai hte Karai Kasang hpe chye chyang ai myit n nga ai majaw, Yehowa gaw mung masha ni hte tara dangrang hkat na amu rawng nga ai.

HOSEA 4:12

Nye a amyu masha ni gaw, tinang a hpuntawng hte bawng yu ma ai; shanhte a dawhkrawng gaw, hpaji daw ya ai: liknga lam hta kayut ai majaw, shanhte lam dam nna, shawa num tai let, tinang a Karai Kasang npu na, pru mat wa ma ai.

HOSEA 4:14

Nanhte a shayi sha ni shawa num, nanhte a nnam ni la shaw ai num tai yang, ngai shanhte hpe ari jaw na, n rai: kaning rai nme law, la ni pyi shawa num hkan tam nna, n se ai num ni hte rau hkungga nawng ya ma ai: nyan n rawng ai amyu gaw, htum mat ai hkrum na ra ai.

HOSEA 5:4

Shanhte a kraw kata e shawa num myit rawng nna, shanhte Yehowa hpe n chye ma ai majaw, tinang a Karai Kasang hpang de nhtang wa na, shanhte a arawn alai hkum da nga ai.

HOSEA 6:6

Kaning rai nme law, hkungga jaw ai lam n rai, chyeju dum ai lam, wan nat hkungga hta Karai Kasang hpe chye chyang ai lam, ngai tsaw nga nngai.

HOSEA 7:11

Ehprim gaw myit n rawng ai. angawk ai hkrudu hte bung nga ai: shanhte gaw Egutu hpe shaga, Asuri mung de sa wa ma ai.

HOSEA 7:9

Tsasam masha ni gaw shi a n-gun sha kau timung, shi dai lam n chye nga ai: shi a baw hta kara ahpraw kayau kaya tu pru timung, shi dai lam n chye nga ai.

HOSEA 8:1

Pahtau dum u; hpyen wa gaw langda zawn Yehowa nta de du ra ai: kaning rai nme law, shanhte gaw nye a ga shaka hpe lai kau nna, nye a tara hpe tawt lai kau manu ai.

HOSEA 8:12

Ngai gaw nye a tara mun sen shi a matu ka da timung, dai hpe hpa n re ai zawn nawn nga ai.

HOSEA 8:14

Kaning rai nme law, Israela gaw tinang a Hpan Madu hpe malap kau nna, nawku Htingnu ni dè da nga ai; Yuda gaw bunghku kum ai mare ni shalaw ma ai; rai timung, ngai gaw mare ni hpe nat kau nna, de a hpyen dap ni hkru mat na ra ai.

HOSEA 9:17

Nye a Karai Kasang a ga hpe n madat ai majaw, shi shanhte hpe kau da nna, shanhte gaw maigan amyu ni hta, brak hkawm ai ni tai na mara ai.”

MAHTE 1:6

Yese gaw Dawi hkawhkam hpe shaprat wu ai; Dawi gaw Uria a madu jan ngu na hta, Shawlumon hpe shaprat wu ai;

MAHTE 15:14

Shanhte gaw nga nga mu ga: myi kyaw ninglen lam madun ai ni rai nga ma ai: myi kyaw ai wa gaw, myi kyaw wa hpe lam madun a taw gaw, shan lahkawng gaw nhkun kata de hkrat na mara ai,” ngu mu ai.

MAHTE 15:8

Masha ga matsun hku sha sharin shaga nga ma ai majaw, Shanhte kaman lila ngai hpe nawku da mi ai,”

1 SAMUELA 2:12

Eli a kasha ni chyawm gaw n shawp n kap ai masha rai ma ai; shanhte Yehowa hpe n chye ma ai.