HOSEA 4:2 - Jinghpaw Hanson Version Bible

² Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

Jinghpaw Common Language Bible 2009

² Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

HOSEA 4:2 ပူးပေါင်းရင်းမြစ်များ

NINGPAWT NINGHPANG 4:8

Dai hpang Ka-in gaw shi a kanau Abela hte shaga nga ai; lang mi na shan gaw pa hkan e nga ma ai shaloi, Ka-in gaw kanau wa Abela hpang de rawt nna, shi hpe sat kau wu ai.

ESAIA 24:5

Mung masha ni gaw tara hpe tawt lai nna, hkang da ai ga hpe galai kau ai hte, prat dingsa na ga shaka hpe shaprai kau ai majaw, lamu ga gaw awu asin hkrum nga ai.

ESAIA 48:1

Yaku a dap nta na ni e, Israela ngu ai amying mying ai ni, Yuda hka hpawk kaw na pru ai ni; Yehowa a amying hta dagam nna, Israela Karai Kasang a mying gang timung, tengman ai hte dinghpring ai hku n hkan ai ni;

YEREMIA 51:5

Kaning rai nme law, Israela hte Yuda mung gaw, Israela a Chyoi pra ai Wa a man e shut hpyit ai mara hte hpring nga timung, shan a Karai Kasang, Zaw nawng zaw wa up ai Yehowa, shan hpe kau da ai n rai.

YEREMIA 6:7

Hka hpawk mahka e hka lwi pru ai zawn, dai mare gaw n hkru n hkra ai hpe shalwi dat nga ai; de a kata de kashun kashe hte jahten shabyak ai nsen na lu ai; machyi makaw hte hkala nba hpe ngai tutnawng mu nngai.

SHARUNG SHAYAWT 4:13

Dai gaw myihtoi ni a yubak hte hkinjawng ni shut hpyit ai a majaw byin wa sai. Shanhte gaw dai mare ka-ang e, dinghpring ai ni a sai ru kau masai.

EZEKELA 7:23

Hpri sumri hpe galaw u; mungdan gaw masha sat ai yubak hte hpring nga nna, mare gaw kashun kashe hte chyat nga ai.

HOSEA 10:13

Nanhte gaw tara n lang ai galau hkai nna, n hpru n mai ai hpe dan la manit dai; masu magaw nsi naisi nanhte sha manit dai: kaning rai nme law, nang gaw tinang hkan ai lam hte, law la ai share ninghkrin ni hta, kam hpa nga ndai.

HOSEA 10:4

Shanhte gaw ga kaman tsun nna, ga shaka tawn da yang, masu ai hku dagam ma ai: dai re ai majaw, hkauna lawk e tu ai mana hpun zawn, dawdan ai lam alawan du na ra ai.

HOSEA 12:14

Yehowa gaw Israela hpe, myihtoi a lata hte Egutu mung na woi wa nna, myihtoi a lata hte bau sin hkrum nga ai.

HOSEA 5:2

Htak mat ai ni gaw, sat kau ai amu hte, tinang a yubak shalaw dat mu ai: ngai chyawm gaw, nlang hte hpe daru sharin na nngai.

HOSEA 6:8

Gilead mare gaw, n shawp ai amu galaw ai ni a mare rai nga ai; sai galu ai lagaw hkang hkrai rai nga ai.

HOSEA 6:9

Damya hpung ni gaw, masha hpe gyam ai zawn, hkinjawng hpung ni gaw, Shehkem de sa wa ai lam hta, masha hpe sat kau ma ai: gaja wa, shanhte gaw sawse lawklek ai amu galaw ma ai.

HOSEA 7:1

Ngai gaw Israela hpe shamai ya mayu yang, Ehprim a n shawp ai hte, Samari n hkru ai lam dan pru nga ai; kaning rai nme law, shanhte gaw masu matsa lam hkan nna, lagu lagut wa kata de shang ai hte, damya hpung ni, shinggan de hpya lu hpya sha ma ai.

HOSEA 7:3

Shanhte gaw tinang a n kaja ai amu hte, hkawhkam wa hpe, tinang a masu ai ga hte, du ni hpe, shapyaw nga ma ai.

HOSEA 7:4

Shanhte yawng num shaw la shaw ai ni rai nga ma ai: shanhte gaw muk kabaw ai wa kahtet shangun ai wan htung hte bung nga ma ai: shi gaw shadung gumchya nna, muk wawm ai du hkra, dai wan hpe shagrung ra ai, n rai.

MIHKA 3:2

nanhte gaw kaja ai hpe n dawng nna, n kaja ai hpe ra myit dai: mung masha ni a hpyi hpe nanhte gaw kau nna, nrut nra ni hta kap ai shan hpe machyin kau myit dai;

MIHKA 3:9

Tara ding ai lam matsat kau nna, tengman ai lam yawng hpe shanut kau ai, Yaku a dap na du ai hte, Israela dap na agyi salang ni e, ndai lam madat mara mu.

MIHKA 6:10

Tara n lang ai wa a nta hta n tara ai sutgan hte, matsat shabat re ai dang bye kaji, naw nga a ni?

MIHKA 7:2

Dinghpring ai wa gaw, ga ntsa na htum mat sai; mung masha ni hta myit malang ai wa langai mi n nga sai; shanhte nlang asai jahkaw kau na gyam yu ma ai: langai hte langai tinang hpunau wa hpe, sumgawn hte hkan tam ma ai.

ZEHPANI 3:1

“Gumle gumlau myit rawng nna, awu asin re ai hte, adip arip hkan galaw ai mare gaw, dingnye lu u ga.

ZEHKARIA 5:3

Shaloi shi gaw, “Da ndai gaw mungdan ting hta bra nga ai dagam dala lam rai nga ai: kaning rai nme law, lagu lagut yawng, dai laika man mi a ga hte maren, jahtum kau ai hkrum na ra ai; masu lam dagam ai ni langai hte langai laika man mi a ga hte maren, jahtum kau ai hkrum na mara ai.

ZEHKARIA 7:9

‘Malang ai hku tara dara mu; langai hte langai tinang a hpunau wa hpe n-gaw nwai ai hte matsan dum ai myit madun mu;

MAHTE 23:35

Shing rai, dinghpring ai wa Abela a asai kaw nna, dai nawku Htingnu hte tawn hkungri a lapran e nanhte sat kau ai Barahkia kasha Zakari a asai du hkra, ga ntsa e ru kau ai, dinghpring ai asai yawng mayawng gaw, nanhte a ntsa e galu na ra ai.

KASA 7:52

Nanhte a nji nwa ni n zingri yu ai myihtoi, kadai wa nga a ta? Dai Dingman ai Wa paw pru na lam htawn tsun ai ni hpe, shanhte sat kau ma ai; ya nanhte mung dai wa hpe ap kau ai ni, sat kau ai ni, rai nga myit dai;

TARA JAHPRANG 5:11

Na a Karai Kasang Yehowa a mying ningsang hpe kaman lila hkum gang hkum tsun et; kaning rai nme law, shi a mying ningsang kaman lila gang ai wa hpe, Yehowa mara n shagun ai, nga na wu ai n rai.

TARA JAHPRANG 5:18

Masha num mung hkum shaw et.

TARA JAHPRANG 5:19

Masha arai mung hkum lagu et.

1 HTESALONI 2:15

Yuda ni chyawm gaw dai Madu Yesu hpe sat kau ai hte, myihtoi ni hpe mung, anhte hpe mung, zingri zingrat di mi ai rai nna, Karai Kasang a tsawra ai hku n tam ma ai hte, masha yawng mayawng hte nhtan shai nga ma ai:

SHINGRAN 17:6

Bai, dai numsha gaw chyoi pra ai ni a asai hte mung, Yesu a sakse ni a asai hte mung, nang nga ai hpe, ngai mu nngai. Shi hpe mu yang mau kaba hte ngai mau mahka mat nngai.