HOSEA 4:16 - Jinghpaw Hanson Version Bible

¹⁶ Israela amyu gaw, n bik ai upra zawn, myit ja ai madun nga ai: ya Yehowa gaw shanhte hpe sagu kasha zawn, dam lada ai shara e rem na ra ai.

Jinghpaw Common Language Bible 2009

¹⁶ Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

HOSEA 4:16 ပူးပေါင်းရင်းမြစ်များ

SHAKAWN KUNGDAWN 78:8

Htawm hpang e du ai amyu ni a kashu kasha ni, Dai tara hpe chye na lu nna, Shanhte gaw tinang a kashu kasha ni hpe bai gawn dan nna, Dai lam ni kashu kasha ni hpe sharin ya mu ga, Shi anhte a ji woi ni hpe hkang da mu ai.

ESAIA 22:18

gumdin tarin nna dam lada ai mung de kabai kau na ra ai: na madu a nta ntsa e kaya kahpa shapraw ai wa e, dai mung hta nang si na ndai; dai yang e na a arawng sadang leng ni chyai na ra ai.

ESAIA 30:23

Bai, Yehowa gaw, na a yi hkauna hta nang gat ai nli a matu, marang jahtu nna, lamu ga a nsi naisi hta na muk law wa na ra ai; dai gaw dwi sau ai hte n taw n tsang rai nga ai: dai shani e na a yamnga ni gaw, dam lada ai udat shara hta sha nga na mara ai.

ESAIA 5:17

Dai shaloi e sagu kasha ni gaw, tinang a udat shara e zawn, dai hta sha lu nna, katsi katsang tai wa ai sahti kunmi ni madu yu ai shara ni hta, malet nhprang manam ni shang sha lu na mara ai.

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

YEREMIA 3:11

Bai Yehowa ngai hpe ning nga ai, Htak mat sai Israela gaw, myit magaw ai Yuda hta, grau nna dinghpring nga ai.

YEREMIA 3:6

Bai, hkawhkam Yoshia lakhtak e, Yehowa ngai hpe ning nga ai: Htak mat sai Israela amyu hpe nang mu nu ni? shi gaw, tsaw ai bum shagu a ntsa e mung, tsit lali ai hpun shagu a npu e mung, shawa num tai wa sai.

YEREMIA 3:8

Htak mat sai Israela gaw, la shaw ai hte shut ai amu galaw ai majaw ngai shi hpe kau da nna, jahka ai laika jaw timung, myit magaw ai, shi a kana Yuda gaw, n hkrit ai sha sa nna, shi mung shawa num tai nga ai hpe, ngai mu nngai.

YEREMIA 31:18

Ehprim mahtang, Nang ngai hpe gaja wa sharin nit dai; ngai gaw, garai n bik ai usu zawn, sharin ai hkrum ni ai; ngai hpe lau la e; shing rai yang, ngai nhtang wa na nngai: nang gaw nye a Karai Kasang Yehowa rai nga ndai.

YEREMIA 5:6

Dai re ai majaw, maling na hkanghkyi shanhte hpe sat kau na ra ai; shana e hkawm ai chyahkyawn, shanhte hpe kawa sha kau na ra ai; rawnggawk gaw shanhte a mare ni hpe sin nga nna, shinggan de pru ai ni yawng amya sha kau ai hkrum na mara ai; kaning rai nme law, shanhte a shut hpyit ai yubak law nga ai hte, shanhte grau nna htak mat wa ma ai.

YEREMIA 7:24

shanhte gaw n madat ai hte na mung n na la ai sha, tinang a hpaji daw ai hte myit ja ai hku hkan nang let, myi man n yawng ai, shingdu dat kau ma ai.

YEREMIA 8:5

Dai rai yang, ndai amyu ngu ai, Yerusalem masha ni gaw, hpa majaw htani htana htak mat wa ma ta? shanhte gaw hkalem hkalau ai hta len nga ma ai; bai n htang wa hkraw ma ai.

HOSEA 10:11

Ehprim gaw ni nna, mam kabye ra ai upra rai nga timung, ngai gaw shi a du bau ntsa e, kandang mara na nngai: Ehprim a du hta jawn ai wa ngai shalun na nngai; Yuda gaw hkaibang galau nna, Yaku gaw masit na ra ai.”

HOSEA 11:6

Tinang a hpaji daw ai lam majaw, nhtu tsin-yam gaw, shanhte a mare ni a ntsa e du nna, mare htinggrang ni hpe agrawp kau ai hte shamyit kau na ra ai.

HOSEA 11:7

Nye a amyu masha ni gaw, ngai kaw na htak mat mayu ai myit rawng nga ma ai: Tsaw htum ai wa hpang de shanhte hpe shaga timung, shi hpe shagrau sha-a mayu ai wa langai mi n nga ai.”

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

ZEHKARIA 7:11

shanhte madat mara ma ai n rai; n na la hkra, shanhte gaw tinang a lahpa hpe ari kaye nna, ana hpe pat kau shajang ma ai.

1 SAMUELA 15:11

shi myit yit mat wa nna nye a hpang n hkan ai hte ngai hkang da ai ga n shatup nu ai,” ngu wu ai.