HOSEA 3:4 - Jinghpaw Hanson Version Bible

⁴ Kaning rai nme law, Israela kashu kasha ni gaw, nhtoi na na wa hkawhkam n lu, du mung n pru, shagu hkungga n nawng ya, masat dingsat shadaw kata, hpa hkai lawng hte terahpim sumla n lu ai, nga nga na mara ai.

Jinghpaw Common Language Bible 2009

⁴ Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

HOSEA 3:4 ပူးပေါင်းရင်းမြစ်များ

NINGPAWT NINGHPANG 31:19

Ya Laban gaw sagu mun rep na nga kaga de sa mat ai laman e, Rahkela gaw kawa a hpara sumla ni lagu mat wa ya wu ai.

NINGPAWT NINGHPANG 31:34

Rahkela chyawm gaw dai hpara sumla ni hpe la nna gawla-uk hking tingsan kata e bang da nhtawm de a ntsa e dung nga wu ai. Laban gaw sum ting sawk yu wu timung, dai ni hpe n mu wu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

2 SAMUELA 6:14

Dawi mung sumpan hpa hkai lawng hpun nna, Yehowa man e ka manau nga ai.

2 HKAWHKAM 23:24

Dai hta n-ga Yehowa nta hta hkinjawng Hilkia mu hkrup ai tara laika hta ka da nga ai ga matsun hpe shatup shadik da na matu, Yoshia gaw, Yuda mung hte Yerusalem mare hta e nga nga ai nat shung ai ni hte gumhpan hpan ai ni hpe, nat sumla ni hte hpara sumla ni rau hpawn matsat shabat lam amyu myu hpe yeng seng kau mu ai.

2 HKAWHKAM LABAU 15:2

shi gaw Asa hpe tau la na pru let, Asa e, Yuda hte Ben-yamin masha nlang hte e, nye a ga madat mara mu: nanhte gaw Yehowa hpang maga nga ai hte yang, shi gaw nanhte hte rau nga na ra ai; nanhte shi hpe tam yang mu na mu ai; shi hpe kau da yang, shi nanhte hpe mung kau da na myit dai.

PRU MAT 28:4

Da ndai gaw shanhte galaw na hpun palawng rai nga ai: sinda magap, hpa hkai lawng, ntsa palawng, maka ka ai palawng, bunghkaw hte shingkyit rai na rai nga ai; na nhpu Arun nye a man e hkinjawng amu gun hpai nga na matu, shi hte shi a shadang sha ni hpe chyoi pra ai hpun palawng, shanhte galaw ya na rai nga ai.

PRU MAT 28:6

“Dai hpa hkai lawng hpe, aja hte sawm tsit ai, hkyeng mang ai, hkyeng tsawm ai hte kaboi ngut sai mani ai lachyit ri a ka chye ai masha da ai hku, galaw na rai mu ai.

SHARUNG SHAYAWT 2:9

Shi a chyinghka ni gaw ga hta lupwa nna, shi gaw de a htinggrang ni hpe agrawp kau nu ai: Shi a hkawhkam hte du salang ni gaw, tara n chye ai amyu hta lawm mat ma ai; Gaja wa shi a myihtoi ni gaw, Yehowa kaw na shingran n hkam la lu ma ai.

EZEKELA 19:14

De a lakung lakying na dawhkrawng langai mi hta na wan pru nna, de a asi hpe hkru kau wu ai; hkawhkam sumdoi tai na matu, ngang ai dawhkrawng langai mi ya n nga sai law. Dai gaw sharung shayawt ai ga rai nga nna, sharung shayawt na matu tai na ra ai.”

EZEKELA 20:32

anhte gaw maigan amyu ni hte, kaga mung na masha ni zawn, hpun nlung hpara ni hpe daw jau na ga ai, nga nna, nanhte myit maw ai hku byin lu na n rai.”

EZEKELA 21:21

N-gun dat u; hkra maga de kahtam u; hpyen hkyen u, pai maga de kayin u: na myi man yawng mayawng de kahtam u.

EZEKELA 21:31

Madu Yehowa ning nga ai, Htan bam hpe malaw kau u, janmau hpe raw kau u; ya gaw shawng na hte n bung ai; nem ai hpe shatsaw u, tsaw ai hpe shanem u.

Daniela 11:31

Shi a hpyen luksuk ni sin nga nna, bunghku kum ai chyoi pra ai nta hpe awu asin di kau ai hte, tutnawng nawng ya ai wan nat hkungga hpe hkum kau nna, jahten shabyak chye ai matsat shabat kumla hpe shadun da na mara ai.

Daniela 12:11

Tutnawng nawng ya ai wan nat hkungga hpe dawm kau nna, jahten shabyak chye ai matsat shabat kumla shadun ai aten kaw nna, nhtoi hkying mi ni tsa jahku shi na na ra ai.

Daniela 9:27

Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

HOSEA 13:10

Na a hkawhkam wa gaw, mare shagu hta nang hpe hkye hkrang la lu hkra, ya kanang rai nga a ta? Anhte hpe hkawhkam hte du jaw mi, nga nna nang hpyi ai tara agyi ni gaw, kanang rai nga ma ta?

HOSEA 13:11

Ngai pawt bu ai hte, nang hpe hkawhkam jaw ni ai; nye a n-yun bu ai hte, shi hpe dawm la se ai.

HOSEA 2:11

Dai rai nna, mam dan ai aten e, nye a nai mam hpe, tsabyi si shup ai aten e, nye a tsabyi jahku hpe, ngai dawm la nna, shi hkum hpe jahpun mai ai, nye a sagu mun hte lachyit ri hpe, gare la kau na nngai.

JAW JAU 8:7

Arun hpe palawng jahpun nna shingkyit kyit ya wu ai; palawng galu hte hpa hkai lawng mung hpun ya nhtawm hpa hkai lawng a reng ai shingkyit hte dai hpe kyit ya wu ai.

ZEHKARIA 10:2

Terahpim sumla ni chyawm gaw, ga kaman tsun nna, shaba wawt ai ni, masu ai shingran mu ma ai; shanhte gaw n teng ai yup mang htai dan nna, shanhte a shalan shabran ai ga, kaman lila rai nga ai: dai re ai majaw, mung masha ni gaw, sagu zawn lam dam nna, sagu rem wa n nga ai majaw, ruyak ai hkrum ma ai.

ZEHKARIA 13:2

“Zaw nawng zaw wa up ai Yehowa ning nga ai: Dai shani e ngai gaw, Hpara sumla ni a amying hpe dai mungdan hta na jahtum kau nna, htawm hpang de dai ni hpe, kadai dum na n rai; dai hta n-ga, myihtoi ni hpe mung, n san n seng ai wenyi ni hpe mung, ndai mungdan kaw na ngai shapraw kau na nngai.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

YAWHAN 19:15

Dai re ai majaw shanhte gaw, “La kau u, la kau u, wudang hta jen da kau u!” nga nna jahtau ma ai. Bai Pilat gaw, “Nanhte a Hkawhkam wa hpe wudang hta ngai jen da na rai ni?” ngu nna shanhte hpe san wu ai. Shaloi hkinjawng agyi ni gaw, “Kehta hkawhkam hta kaga, anhte hkawhkam n lu ga ai,” ngu nna htan mu ai.

HEBRE 10:26

Kaning rai nme law, tengman ai a chye chyang ai lam hpe hkam la ngut sayang, yubak hpe dingsa sa galaw ga yang gaw, yubak a matu mara hkungga nawng ya na lam, naw nga sa na n rai:

TARA AGYI 17:5

Dai Mihka ngu ai wa mung, Hpara jawng lu ai rai nna, hkinjawng palawng hte terahpim sumla galaw nna, shi a kasha langai mi hpe hkinjawng aya dang tawn da wu ai.

TARA AGYI 18:14

Shaloi, Lisha mare kin-yu sa yu ai marai manga hte gaw, “Ndai nta ni hta hkinjawng palawng hte, terahpim, tawk ai sumla, jaw ai sumla ni rawng ai, chye da mu ni? kaning di na yaw yu mu,” ngu nna hpunau ni hpe tsun mu ai.

TARA AGYI 8:27

Gidon gaw arai dai ni hte, Hpa hkai palawng galaw nna, shi nga ai Ohpra mare e tawn da wu ai: hpa hkai palawng de a majaw Israela amyu ting lam dam mat wa ai rai nna, dai gaw Gidon hte shi a amyu matu ni a shut nhpang tai malu ai.

1 SAMUELA 14:3

hkinjawng palawng hpun nna, Shilo mare e Yehowa hkinjawng amu gun ai Eli, Hpineha kaw na hkrat ai, Ihkabo a kahpu Ahitub a kasha Ahiya mung lawm nga ai. Yonahtan hkawm mat wa ai gaw kadai mung n chye ma ai.

1 SAMUELA 15:23

n madat ai myit chyawm gaw, hpyi shung shung sha ai zawn, je hpre ai myit gaw, mandan lakle hte sumla nawku ai zawn, mara kaba nga ai. Nang Yehowa a ga kabai kau ndai majaw, Yehowa mung nang hpe hkawhkam aya hta na jahkrat nna, kabai kau nit dai,” ngu wu ai.

1 SAMUELA 2:18

Dai ma Samuela chyawm gaw, hpa hkai palawng hpun nna, Yehowa man e amu gun hpai nga ai.

1 SAMUELA 21:9

Hkinjawng wa gaw, “Ela hkaraw e nang sat kau ai Hpilisti masha Goliat a nhtu gaw, sumpan hte kayawp nna hpa hkai palawng a shinggan e nga nga ai: ra yang gaw lu lang u: nhtu kaga gaw n nga ai,” ngu wu ai. Dawi gaw, “Dai hte bung ai gaw n nga sai; la ya mi,” ngu wu ai.

1 SAMUELA 22:18

Bai hkawhkam wa gaw, “Nang mahtang hkinjawng ni hpe sat u,” ngu nna Doeg hpe tsun dat wu ai. Dai majaw Edom masha Doeg rawt nna, sumpan hpa hkai lawng hpun ai hkinjawng matsat shi manga hte hpe, dai shani jan hta sha sat kau mu ai.

1 SAMUELA 23:6

Ya Ahimelek a kasha Abiahta gaw Dawi hpang de Kila mare de hprawng yang, shi a lata hta hpa hkai palawng mung lang sa wa ai.

1 SAMUELA 23:9

Shawlu myit magaw ai hku maw nga ai gaw, Dawi chye wu ai rai nna, hkinjawng Abiahta hpe, “Hpahkai lawng la wa rit,” ngu wu ai.

1 SAMUELA 30:7

Shaloi Dawi gaw, Ahimelek a kasha hkinjawng Abiahta hpe, “Dai hpa hkai lawng ngai kaw la wa rit,” ngu wu ai. Abiahta mung, dat hpa hkai lawng hpe Dawi hpang de la wa nu ai.