HOSEA 2:5 - Jinghpaw Hanson Version Bible

⁵ shing n rai yang, shi a hpun palawng ngai raw kau nna, shi shangai ai shani zawn, singgu krin shatai na we ai; zaibru jang zawn ngai shi hpe shakrin kau nna, hkun hkraw ai ga zawn, jahti da nhtawm, hpang kara ai hte sat kau na we ai.

HOSEA 2:5 ပူးပေါင်းရင်းမြစ်များ

ESAIA 1:21

Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

ESAIA 50:1

Yehowa ning nga ai: Na nnu hpe jahka kau na matu, jahka kau laika kanang nga a ta? Ngai hka kap nna kadai hka madu kaw nanhte hpe dut kau n ta? Nanhte gaw, tinang mara majaw, dut kau ai hkrum nna, nanhte tara tawt lai ai majaw, nanhte a kanu gaw jahka kau ai hkrum sai.

YEREMIA 11:13

Yuda mung e, na a mare ni law nga ai made, na a hpara ni mung, law nga ma ai; Yerusalem mare lam ni law nga ai made, nanhte gaw, kaya kahpa ngu ai Bala hpe manam pyaw ai baw nat nawng na matu, hkungri ni hpe gaw da manu ai.

YEREMIA 13:22

Bai nang gaw, Hpa majaw ngai dai lam hkrum ai i? nga nna na a kraw e dum yang, na a ladu lai ai shut hpyit majaw, na a labu raw kau hkrum nna, na a lahtin ahpye a lam hkrum nga ai.

YEREMIA 2:20

“Nang mahtang moi kaw nna na a kandang hpe daw kau nna, nang hpe gyit ai sumri gang dut kau nhtawm, Ngai gaw mayam amu n galaw na nngai, nga nna tsun ndai: kaning rai nme law, tsaw ai kawng shagu a ntsa e mung, tsit lali ai hpun shagu a npu e mung, nang gum nna shawa num tai nga ndai.

YEREMIA 6:8

Yerusalem e, sharin achyin ai hkam la u: shing n rai, nye a myit masin nang hte tsan wa nna, nang hta kadai n shanu hkra, nang hpe marawng marang di kau na de ai.”

EZEKELA 16:35

“Dai re ai majaw shawa num e, Yehowa a ga madat mara u:

EZEKELA 16:39

Dai hta kaga ngai gaw shanhte a lata de nang hpe ap kau nna, shanhte gaw na a wahpang hpe run kau ai hte, na a tsaw ai shara ni hpe agrawp kau na mara ai; na a hpun palawng hpe raw kau nna, na a tsawm ai gali lakai ni hpe hpyu la nhtawm, nang hpe singgu krin kau da na mara ai.

EZEKELA 16:4

Nang shangai wa ai shani e, na shadai hpe kadai n daw, nang hpe kashin shatsawm na wa n nga, jum hte nang hpe n arut, sanen hte n kayawp ma ai;

HOSEA 1:2

Yehowa gaw Hosea hpe ga tsun hpang yang, “Nang sa su; shawa num hte hpawn, shi shaprat ai liknga ma ni hpe woi la u; kaning rai nme law, dai mungdan gaw Yehowa kaw na yit mat wa nna, grai shut hpyit nga ai,” ngu nna shi hpe tsun wu ai.

HOSEA 2:2

“Dai hta kaga, Yuda kashu kasha ni hte Israela kashu kasha ni gaw, rau zuphpawng nna, tinang a matu baw langai sha san da nhtawm, dai mung de na lung wa na mara ai; kaning rai nme law, Yezrela nhtoi gaw, galu kaba ai nhtoi rai na ra ai.

HOSEA 2:8

Dai rai nna, yu u, Ngai gaw na a lam hpe, ju hpun hte nhpan kum da nna, pru wa na hku n mu lu hkra, grup yin e bunghku gaw da na nngai.

HOSEA 3:1

Bai Yehowa gaw, “Israela kashu kasha ni hpara shaje hkan tam nna, tsabyi si dik ra nga timung, ngai Yehowa nan shanhte hpe tsawra nga ai hte maren, nang sa nna, sumtsaw sumra lu ai la shaw ai num hpe naw tsawra u,” nga nna ngai hpe tsun ai.

HOSEA 4:5

Nang gaw shani chyingtung e ahtu kataw na rin dai; myihtoi wa mung, shana aten e nang hte rau ahtu kataw na ra ai: ngai gaw na nnu hpe shamyit kau na nngai.

HOSEA 8:9

Kaning rai nme law, shanhte gaw shi hkrai rai nga ai lawze nhprang zawn, Asuri mung de lung wa masai: Ehprim gaw sumtsaw sumra ni hpe kumhpa jaw nga ai.

HOSEA 9:10

“Ngai gaw, zaibru jang e tu ai tsabyi si zawn, Israela hpe mu hkrup nngai; shawng si ai lakum hpun hta shawng myin ai lakum si zawn, nanhte a nji nwa ni hpe, ngai mu mada nngai: rai timung shanhte gaw, Bala-peora hpang de sa nna, tinang hkum hpe kaya kahpa lam hta ap kau nhtawm, tinang ra ai hpara hte maren, matsat shabat hkum tai wa masai.

AMO LAIKA (AMOS) 8:13

Dai shani e tsawm htap ai hkawnsek ni hte, n-gun ja ai shabrang ni gaw, hpang gara ai hte ba mat na mara ai.

TARA AGYI 16:23

Shaloi Hpilisti du ni gaw, “Anhte a Hpara anhte a hpyen wa Samson hpe anhte a lata de ap ya ma ni ai,” nga nna shanhte a Hpara Dagon hpe hkungga kaba jaw na hte padang poi galaw na matu zuphpawng nga ma ai.