HOSEA 2:4 - Jinghpaw Hanson Version Bible

⁴ Nanhte a kanu hte dangrang hkat mu, dangrang hkat mu; shi gaw nye a madu jan n rai, ngai mung shi a madu wa n rai; shi gaw shi a shawa num myi man hpe kau da nna, la shaw ai amu hpe koi kau u ga:

Jinghpaw Common Language Bible 2009

^4-5 Ngai gaw shi a ma ni hpe matsan dum ai myit madun na nngai n rai; shanhte gaw kaya n chye ai shawa num a ma ni rai ma ai. Shi hkum nan, “Ngai gaw nye a sumtsaw ni hpang de sa wa na nngai_ shanhte gaw ngai hpe malu masha, ntsin, sagu mun hte lachyit nba, tsanlun sau hte sabyi ntsin jaw ma ai,” nga nna tsun wu ai.

HOSEA 2:4 ပူးပေါင်းရင်းမြစ်များ

2 HKAWHKAM 9:22

Ya Yoram gaw Yehu hpe mu wu yang, shi gaw, “Yehu e, ngwipyaw nga nni?” ngu nna san wu ai. Yehu mahtang, “Na nnu Yezebela hkan ai n se n sa ai lam hte, shi shung sha ai lam ni nde wa law nga ai hte yang, ngwipyaw lam kaning rai nga lu na a ta?” ngu nna hkap htan wu ai.

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

ESAIA 50:1

Yehowa ning nga ai: Na nnu hpe jahka kau na matu, jahka kau laika kanang nga a ta? Ngai hka kap nna kadai hka madu kaw nanhte hpe dut kau n ta? Nanhte gaw, tinang mara majaw, dut kau ai hkrum nna, nanhte tara tawt lai ai majaw, nanhte a kanu gaw jahka kau ai hkrum sai.

ESAIA 57:3

Ataw, hpyi num a kasha ni, num shaw ai wa hte shawa num a matu mara ni e sit sa marit;

YEREMIA 13:14

shaloi kahpu kanau shada mung, kawa hte kasha ni hpe mung, shada ahkawk hkat shangun na nngai: ngai matsan dum na n rai, lahpawt lama na n rai, karum la na n rai; shanhte yawng hpe shamyit kau na nngai, ngu u, nga nna Yehowa tsun ai.

YEREMIA 16:5

Bai, Yehowa ning nga ai: Sharung shayawt ai nta hta hkum shang et; si ai ni a matu yawn hkyen ai myit madun nna, hkrap ngu hkrap ngoi na, hkum sa et; nye a ngwipyaw ngu ai, n-gaw nwai hte matsan dum ai hpe ndai amyu masha ni kaw na ngai dawm la kau se ai.

EZEKELA 23:25

Ngai gaw ladu lai hkra nang hpe ari jaw nna, shanhte gaw myit kahtet ai hte nang hpe shari na mara ai; na a ladi hte ana hpe shanhte kahtam di kau nna, naw ngam nga ai ni gaw nhtu hte si na mara ai; na shayi shadang sha ni hpe shanhte rim la nna, naw ngam nga ai ni gaw, wan hkru kau ai hkrum na mara ai.

EZEKELA 8:18

Dai re ai majaw, ngai pawt bu let ari jaw na nngai; nye a myi lahpawt dum na n rai, ngai matsan n dum na nngai; shanhte aja awa jahtau timung, ngai n madat na nngai,” nga ai.

EZEKELA 9:10

“Dai rai nna ngai mung, yu lahpawt dum na n rai; shanhte galaw ai hte maren ngai matsan mung dum na n rai; shanhte a baw ntsa de shapraw na nngai,” nga nna ngai hpe tsun ai.

HOSEA 1:2

Yehowa gaw Hosea hpe ga tsun hpang yang, “Nang sa su; shawa num hte hpawn, shi shaprat ai liknga ma ni hpe woi la u; kaning rai nme law, dai mungdan gaw Yehowa kaw na yit mat wa nna, grai shut hpyit nga ai,” ngu nna shi hpe tsun wu ai.

HOSEA 1:6

Bai, shi gaw, na-um nasin rai nna, shayi sha shangai wu ai: shaloi Yehowa gaw, “Shi a amying hpe, Lo-ruhama, shamying u: kaning rai nme law, Israela amyu a yubak hpe raw dat kau hkra, ngai htawm hpang e shanhte hpe hpa matsan dum na, n rai.

HOSEA 5:7

Shanhte gaw tsasam kasha shaprat manu ai majaw, Yehowa hpe myit magaw ai hku di kau manu ai: ya chyawm gaw, shata praw shani gaw, shanhte hte shanhte a yi hkauna ni hpe, shamyit kau na ra ai.

ZEHKARIA 1:12

Shaloi Yehowa a lamu kasa gaw, “Zaw nawng zaw wa up ai Yehowa e, ndai sanit shi ning tup, nang sindawng kahtet ai Yerusalem hte Yuda mung na mare ni hpe, gaten du hkra matsan n dum nga na rai ta?” ngu nna san wu ai.

YAWHAN 8:41

Nanhte gaw nanhte a kawa a lailen hku hkan galaw myit dai,” ngu nna tsun mu ai. Shanhte gaw, “Anhte n-gyi amyu n rai ga ai. Karai Kasang ngu ai anhte a Wa langai sha rai mali ai,” ngu nna, shi hpe tsun mu ai.

ROMA 11:22

Dai re ai majaw, Karai Kasang a chyeju hte masin ja ai hpe myit yu mu. Kataw nga ai ni a ntsa e masin ja nga ai rai nna, Karai Kasang a chyeju hta e nang naw nga nga n yang gaw, shi a chyeju na ntsa e rai nga ai, dai n rai taw gaw, nang mung krum kau ai hkrum na rin dai.

ROMA 9:18

Dai rai nna, kadai hpe mung, chyeju galaw mayu yang galaw nga ai, kadai hpe mung myit shaja mayu yang, shaja ya nga ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.