HOSEA 2:18 - Jinghpaw Hanson Version Bible

¹⁸ Dai shani e nang ngai hpe, Ishi, nga nna shaga na rin dai; htawm hpang e, Bali, nga nna ngai hpe shaga lu na n rai,” nga nna Yehowa tsun ai.

Jinghpaw Common Language Bible 2009

¹⁸ Dai aten hta, ngai gaw nam na matse labye dusat ni, ntsa malen u ni hte ga shaka tawn da na nngai; dai ni gaw nye a amyu masha ni hpe zingri na mara ai n rai. Dai mungdan na majan laknak yawng hpe mung, nhtu, ndan yawng hpe mung yeng seng kau na nngai; nye a amyu masha ni hpe ngwi pyaw sim sa ai hte shim lum ai hku nga shangun na nngai.

HOSEA 2:18 ပူးပေါင်းရင်းမြစ်များ

YOBA 5:22

Hten byak ai hte hku hku ai hpe nang mani kau nna, lamu ga na matse labye ni hpe, hkrit shara n nga ai.

YOBA 5:23

Pa ga na nlung ni gaw, nang hte ga shaka tawn da nna, prang ga na matse labye ni mung, nang hte jinghku hku na mara ai.

SHAKAWN KUNGDAWN 148:10

Gumrawt hkawm ai baw hte, pyen ai u ni; Ga ntsa hkawhkam ni hte amyu baw shagu,

SHAKAWN KUNGDAWN 23:2

Tsit lali ai udat shara e shi ngai hpe hpum shangun nna, Ngwi ai hka kau de woi sa wa nngai.

SHAKAWN KUNGDAWN 46:9

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

ESAIA 2:11

Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 2:17

Dai shaloi gumrawng gumtawng dum ai wa gaw shagrit kau ai, myit kaba ai wa gaw shanem kau ai hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 2:4

Shi gaw amyu ni a lapran e tara dara nna, amyu baw ga daga hpe jeyang na ra ai: shanhte gaw tinang a nhtu ni hpe najawn, tinang a ri ni hpe nhkyau dup kau na mara ai: amyu mi gaw amyu mi hpe nhtu n shaw ai hte, htawm hpang e hpyen majan sharin sana n rai.

ESAIA 26:1

Dai shani e, ndai mahkawn mangoi ga, Yuda mung hta e mahkawn mangoi na ra ai: Anhte gaw ngang ai mare lu ga ai; shi gaw bunghku hte langchyi a malai, hkye hkrang la ai chyeju san da wu ai.

ESAIA 32:18

Nye a amyu masha ni gaw ngwipyaw ai buga, shim ai dum nta, asim sha re ai dabang e, shanu nga na mara ai.

ESAIA 54:5

Kaning rai nme law, nang hpe Hpan da ai wa gaw, na a madu wa rai nga ai; shi a amying gaw, Zaw nawng zaw wa up ai Yehowa rai nga ai: nang hpe Hkye hkrang la ai wa gaw Israela a Chyoi pra ai wa rai nga ai; mungkan ting a Karai Kasang shi hpe ngu na maru ai.

ESAIA 65:25

Chyahkyawn hte sagu kasha rau sha lu nna, hkanghkyi gaw dumsu zawn yi hku sha na ra ai; lapu a shahpa gaw, ga nhpu tai na ra ai: nye a chyoi pra ai bum ting hta e, shada da hkala nba ai hte jahten shabyak kau ai gaw, n nga na sai,” nga nna Yehowa tsun ai.

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

YEREMIA 30:10

Dai re ai majaw, nye a shangun ma Yaku e, hkum hkrit et; Israela amyu e, masin hkum kahpra et, nga nna Yehowa tsun ai: kaning rai nme law, yu u, ngai nang hpe sumtsan mung de na, na a aru arat hpe bawng dung ai shara kaw na, hkye hkrang la na nngai; Yaku gaw bai wa nna, kadai mung shi hpe n jahkrit ai, ngwipyaw ai hte ban sa nga na ra ai.

YEREMIA 33:16

Ndai aprat e Yuda mung hkye hkrang la ai hkrum nna, Yerusalem mare gaw asim sha nga lu na ra ai; da ndai gaw, Anhte a dinghpring Madu Yehowa, nga nna ndai mare hpe shamying ai amying rai nga ai.

EZEKELA 34:25

“Bai, ngai gaw shanhte hte ngwipyaw ga shaka tawn da nna, shanhte a mungdan hta na matse labye hpe shamyit kau na nngai; shing rai shanhte gaw nam mali hkan e a pyaw sha shanu nga nna, maling dinggram hkan e yup nga lu na mara ai.

EZEKELA 39:1

Nang gaw, “masha kasha e, myihtoi htoi let Goga hpe htawn tsun u, ‘Madu Yehowa ning nga ai: Yu u, Rosha, Meshek, Tubala du Goga e, ngai nang hpe hkap daw na nngai:

ZEHKARIA 14:4

Dai shani hta, shi a lagaw, Yerusalem a sinpraw maga na Tsanlun bum ntsa e tsap nna, Tsanlun bum gaw, sinpraw maga kaw nna sinna maga du hkra, ka-ang brang ga wa ai hte, grai kaba ai kadit tai na ra ai: dai bum a chyen mi gaw, dingdung maga de, chyen mi gaw, dingda maga de, sit wa na ra ai.

ZEHKARIA 14:9

Shaloi Yehowa gaw mungkan ting a Hkawhkam tai na ra ai: dai shani e, Yehowa gaw langai sha rai nga nna, shi a amying langai sha, tai na ra ai.

ZEHKARIA 2:11

“Dai shani e, maigan amyu ni law law wa, Yehowa hte matut manoi nna, nye a amyu tai na mara ai: ngai gaw na a ka-ang e shanu nga nna, Zaw nawng zaw wa up ai Yehowa gaw, ngai hpe nang hpang de shangun dat ai, nang chye lu na ndai.

ZEHKARIA 3:10

Dai shani e nanhte langai hte langai, tinang a tsabyi ru hte lakum hpun npu e, htingbu htingbyen ni hpe shaga na myit dai,” nga nna Zaw nawng zaw wa up ai Yehowa tsun ai.

ZEHKARIA 9:10

Ngai gaw Ehprim a hpyen leng ni hte, Yerusalem a gumra ni hpe, jahtum kau na nngai; hpyen ndan mung, agrawp kau ai hkrum na ra ai; shi gaw maigan amyu ni hpe ngwipyaw lam tsun dan nna, nammukdara kaw nna, nammukdara du hkra, Uhprat hka nu kaw nna, lamu ga htum hkra, up nga na ra ai.