HOSEA 2:16 - Jinghpaw Hanson Version Bible

¹⁶ “Shing rai, yu u, ngai shi hpe shalen nna, nam mali hku woi wa let, ngwipyaw ga shi hpe tsun na nngai.

Jinghpaw Common Language Bible 2009

¹⁶ Shaloi shi gaw ngai hpe shi a madu wa ngu nna bai shaga na ra ai; shi gaw ngai hpe shi a Bala ngu nna galoi mung shaga na ra ai n rai.

HOSEA 2:16 ပူးပေါင်းရင်းမြစ်များ

NINGPAWT NINGHPANG 34:3

Dai wa a myit gaw Yaku a shayi sha Dina hta a noi nga ai rai nna, dai mahkawn hpe tsawra ai hte nja nhpra ga a tsun nga ai.

ESAIA 40:2

Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.

ESAIA 54:5

Kaning rai nme law, nang hpe Hpan da ai wa gaw, na a madu wa rai nga ai; shi a amying gaw, Zaw nawng zaw wa up ai Yehowa rai nga ai: nang hpe Hkye hkrang la ai wa gaw Israela a Chyoi pra ai wa rai nga ai; mungkan ting a Karai Kasang shi hpe ngu na maru ai.

YEREMIA 3:14

Htak mat ai ma ni e, bai wa marit, nga nna Yehowa tsun ai: ngai gaw nanhte a madu nan rai nga nngai; ngai gaw mare mi hta na langai mi, htinggaw mi hta na lahkawng, lata la nna, Ziun mare de woi wa na nngai.

EZEKELA 20:35

amyu baw ni a nam mali de ngai nanhte hpe woi shawn nhtawm, dai yang e myi man chyaw nanhte hpe dawdan na nngai.

HOSEA 2:7

shanhte a kanu gaw, shawa num rai nga ai; shanhte hpe gawngli ai kanu gaw, kaya kahpa amu galaw nu ai: shi gaw, ‘Nye a muk, nye a ntsin, sagu mun, lachyit ri, sau hte luhpa ngai hpe jaw ai, nye a sumtsaw sumra ni hpang de, ngai hkan nang na nngai,’ nga nna tsun sai.

YAWHAN 3:29

Num nnan lu ai wa gaw, la nnan rai nga ai; la nnan a makau e tsap nga nna, shi a ga na la ai jinghku wa gaw, la nnan a nsen majaw ja ja kabu nga ai: shing re ai kabu gara lam gaw, ngai hta dik wa sali ai.

2 KORINHTU 11:2

Kaning rai nme law, Karai Kasang a nja nhpra ai hte maren, ngai nanhte a lam nja nhpra rai nga nngai; nanhte hpe hkawnsek hpe zawn Hkristu kaw jaw ya nna, madu langai sha hte ngai nanhte hpe hkungran ya made ai.

SHINGRAN 19:7

Anhte kabu gara nga ai hte sharawng awng nga ga, shi a hpung shingkang hpe shagrau nga ga: kaning rai nme law, dai Sagu Kasha a hkungran ai poi du ra ai hte, shi a num ningnan jan gaw shi hkum hpe mawn sumli ngut sai rai nna,

TARA AGYI 19:3

Shaloi madu wa gaw shi hpe sa nem la na nga, shangun ma langai mi hte lawze lahkawng woi nna, rawt sa wa ai: shi du jang lashi num dai gaw kawa nta de shi hpe woi shawn wa ai rai nna, kawa gaw kahkri wa hpe mu jang, kabu gara ai hte hkap hkalum la wu ai.

RUHTA 2:13

Ruhta mung, “Madu e, na a man e ngai myi man pa ni ga law; ngai wa, na a shangun ma numsha ni hte pyi n bung nngai wa; nang madu ga ngwi ga pyaw hte ngai hpe shalan nna, na a mayam jan hpe kabu shangun ni ai,” ngu nna tsun wu ai.