HOSEA 2:14 - Jinghpaw Hanson Version Bible

¹⁴ Da ndai gaw nye a sumtsaw sumra ni ngai hpe jaw ai kumhpa rai nga ai, nga nna shi lakap tsun ai tsabyi ru ni hte lakum hpun ni hpe, ngai shamyit kau nna, nam mali shatai kau ai hte, pa ga na ashu ashan ni, dai hpe sha kau na mara ai.

Jinghpaw Common Language Bible 2009

¹⁴ Dai re ai majaw, ngai shi hpe nam mali kata de bai woi shalen shang mat wa nna dai yang e, tsaw ra ai ga tsun let shi hpe bai pyaw shangun na nngai.

HOSEA 2:14 ပူးပေါင်းရင်းမြစ်များ

NINGPAWT NINGHPANG 34:3

Dai wa a myit gaw Yaku a shayi sha Dina hta a noi nga ai rai nna, dai mahkawn hpe tsawra ai hte nja nhpra ga a tsun nga ai.

YOBA 36:16

Rai sa, shi nang hpe mung, ru tsang ai hte gyip ai shara kaw nna, dam lada re ai de lau la mayu ai hte, na a sha ku ntsa e tawn da ai shahpa gaw, dwi sau ai hkrai rai na ra ai.

Shawlumon A Mahkawn Ga 1:4

Ngai hpe dun la e; nang hpang de anhte hprawng na ga ai: Hkawhkam wa gaw, shi yup gawk de ngai hpe jashawn timung, Na a majaw anhte kabu gara nna pyaw wa na ga ai; Na a sumtsaw sumra hpe tsabyi jahku hta grau shakawn na ga ai: gaja wa teng teng shanhte nang hpe tsawra nga ma ai.

ESAIA 30:18

Rai timung, nanhte hpe chyeju myit madun na matu, Yehowa ala nga ai; nanhte hpe matsan dum na matu shi galu kaba nga ai: kaning rai nme law, Yehowa gaw tara ding ai Karai Kasang rai nga ai; shi hpe ala nga ai ni yawng, a lu ma ai.

ESAIA 5:5

Ya nye a tsabyi sun hta ngai galaw na lam ngai nanhte hpe tsun dan made ga: de a nhpan hpe ngai run kau nna, masha ni dai hpe sha kau na mara ai: de a bunghku hpe ngai hpya kau nna, dai gaw kabye kau ai hkrum na ra ai.

YEREMIA 16:14

Dai re ai majaw, yu u, Yehowa ning nga ai: Israela kashu kasha ni hpe, Egutu mung na shapraw woi wa ai Yehowa hkrung nga ai hte maren, nga nna n dagam ai sha, Israela kashu kasha ni hpe dingdung mung hte, shanhte hpe shaden kau ai mungdan ni yawng kaw nna, bai woi wa ai Yehowa hkrung nga ai hte maren, nga nna dagam ai aten du na ra ai: shanhte a kaji kawa ni hpe ngai jaw da ai mung de, ngai shanhte hpe bai woi wa na nngai.

YEREMIA 2:2

Yehowa ning nga ai; “Na a ram prat e hkam la ai chyeju hpe mung, nang mahtan da ai tsawra myit hpe mung, nli n mai gat ai hkun hkraw ai shara hta e, nang ngai kaw hkan nang nga ai hpe mung, ngai dum nngai.

YEREMIA 45:4

Yehowa ning nga ai, Shi hpe ning ngu htawn tsun u: Yu u, ngai galaw da ai hpe, ngai run kau na nngai; ngai hkai da ai ngu ai, ndai mung ting hpe, ngai baw kau na nngai.

EZEKELA 20:10

“Shing rai ngai gaw Egutu mung na shanhte hpe shaw la nna, nam mali de woi wa nngai.

EZEKELA 20:33

“Madu Yehowa ning nga ai, Ngai hkrung nga ai hte maren, gaja wa, n-gun ja ai lata, shada da ai lahpum, ru bun ai pawt kahtet ai hte ngai nanhte a ntsa e up na nngai:

HOSEA 2:3

Nanhte a nhpu nnau ni hpe, Ami, nanhte a nna njan ni hpe, Ruhama, ngu nna shaga mu.

MIHKA 1:7

Shi a tawk la ai sumla ni yawng agrawp kau ai hkrum nna, shawa num jahpu hte lu la ai arai ni, hkru mat na ra ai; shi a hpara sumla ni yawng hpe, ngai shaza kau na nngai: kaning rai nme law, dai ni hpe shawa num jahpu hte mahkawng da ai rai nna, shawa num jahpu bai tai na ra ai.

MIHKA 4:10

Rai sa, Ziun shayi sha e, shinggyim machyi ai num zawn, kawa machyi hkrum nna, kasha shangai na n-gun dat u; kaning rai nme law, ya pyi ndai mare na nang pru nna, pa ga hta hkring nga nhtawm, Babelon mare du hkra sa wa na rin dai: dai mare hta nang mawai la ai hkrum na ndai; ndai yang e Yehowa gaw hpyen ni a lata na, nang hpe hkye hkrang la na ra ai.

YAWHAN 12:32

Ngai chyawm gaw ga kaw nna sharawt tawn da ai hkrum jang, ngai masha yawng hpe, ngai hpang de gang la na we ai,” ngu nna htan mu ai.

YAWHAN 6:44

ngai hpe shangun dat ai nye Wa e lau la ai wa n rai yang gaw, kadai mung ngai hpang de du sa lu na n rai; du sa ai wa hpe mung, hpang jahtum na nhtoi hta ngai sharawt la na we ai.

SHINGRAN 12:14

Dai num gaw lapu kaw na lawt lu nna, nam mali na shi a shara de pyen wa lu nhtawm, dai yang e prat mi, prat lahkawng hte prat ka-ang hkup bau lanu ai hkrum lu hkra, dai landa kaba a singkaw lahkawng maga, shi hpe jaw dat wu ai.

SHINGRAN 12:6

Dai numsha gaw, nam mali de hprawng mat wa ai; dai yang e nhtoi hkying mi ni tsa e kru shi ya tup shi hpe bau mu ga, Karai Kasang gaw shi a matu nga shara lajang da ya wu ai.

TARA AGYI 19:3

Shaloi madu wa gaw shi hpe sa nem la na nga, shangun ma langai mi hte lawze lahkawng woi nna, rawt sa wa ai: shi du jang lashi num dai gaw kawa nta de shi hpe woi shawn wa ai rai nna, kawa gaw kahkri wa hpe mu jang, kabu gara ai hte hkap hkalum la wu ai.