HOSEA 2:13 - Jinghpaw Hanson Version Bible

¹³ Dai hta n-ga, ngai gaw, shi a kabu gara ai lam mahkra hte, shi a poi shani, shata praw shani, laban nhtoi ni hte, madat da ai shawa hpawng nlang hte hpe, jahtum kau na nngai.

Jinghpaw Common Language Bible 2009

¹³ Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.

HOSEA 2:13 ပူးပေါင်းရင်းမြစ်များ

2 HKAWHKAM 1:2

Ya Ahazia gaw, Samari mare hta e nga ai, shi a ntsa gawk na hkuwawt hku kaw nna di hkrat ai majaw machyi nga ai; shaloi shi gaw kasa shaga la nna shanhte hpe, “Ngai ndai machyi ai kaw na mai wa lu na kun? Ekron mare e nga ai Balazebu hpara hpe sa san yu ma su,” ngu dat mu ai.

2 HKAWHKAM 10:28

Shing rai Yehu gaw Israela mungdan hta na Bala hpe shamyit kau wu ai.

2 HKAWHKAM 21:3

Shi a kawa Hezekia run kau ai tsaw ai kawng ni a shara ni hpe shi bai de da nna, Israela hkawhkam Ahab hte maren, Bala hkungri ni galaw tawn nna, Ashera sumla galaw ai hte, sumsing lamu na shagan ni yawng hte hpe nawku nna, daw jau wu ai.

YOBA 8:13

Karai Wa hpe malap kau ai ni nlang, dai hku hkan nang nna, n shawp ai wa a myit mada ai lam, hten mat na ra ai.

SHAKAWN KUNGDAWN 106:13

Gade n na yang shanhte gaw shi a amu hpe malap kau ya mu ai, Shi hpaji daw ai lam hpe, n myit yu ma ai.

SHAKAWN KUNGDAWN 106:21

Egutu mung hta e, amu kaba galaw ai, Ham a shara e, mauhpa bungli shapraw ai,

SHAKAWN KUNGDAWN 78:11

Shanhte gaw shi a magam amu hte, Shanhte hpe madun dan ai mauhpa bungli hpe, malap mali kau mu ai.

PRU MAT 32:34

ya, naw sa wa su, ngai nang hpe tsun ai shara de ndai amyu hpe woi sa wa su; yu u, nye a Lamu kasa na a shawng e sa wa na ra ai: rai timung, ngai kawan katsan yu sa ai nhtoi hta shanhte a yubak shanhte a ntsa e jaw na ngai du na ring ngai,” ngu dat wu ai.

ESAIA 17:10

Kaning rai nme law, nang hpe hkye hkrang la ai Karai Kasang hpe nang malap kau nna, nang hpe n-gun jaw ai lunghkrung hpe n dum ndai; dai majaw manam pyaw ai nampan nang hkai nna, sumtsan mung na bawng hte shatsawm wu ai:

ESAIA 65:7

gaja wa, nanhte a shut hpyit ai hte hpawn, bum ntsa e lawban nat nna, kawng ni a ntsa e ngai hpe shatan nhkan ai, nji nwa ni a shut hpyit ai hpe mung, ngai nanhte a lahpyen hta tai na nngai: shing rai ngai gaw, shanhte a arawn alai hte maren, shanhte a lahpyen hta shawng hteng ya na nngai,” nga nna Yehowa tsun ai.

YEREMIA 11:13

Yuda mung e, na a mare ni law nga ai made, na a hpara ni mung, law nga ma ai; Yerusalem mare lam ni law nga ai made, nanhte gaw, kaya kahpa ngu ai Bala hpe manam pyaw ai baw nat nawng na matu, hkungri ni hpe gaw da manu ai.

YEREMIA 18:15

Nye a amyu masha ni mahtang, ngai hpe malap kau ma ai; hpa n re ai hpara ni a man e manam pyaw ai baw nat nawng ma ai: moi kaw nna hkan ai nmaw lam hta shanhte kataw wa nna, n lajang yu ai lam masun ni hta yit mat ma ai:

YEREMIA 2:32

Mahkawn gaw, tinang mawn sumli ai gali lakai hpe, num ningnan gaw tinang a shingkyit hpe, malap kau lu a ni? nye a amyu masha ni chyawm gaw, n dang hti hkra law ai nhtoi tup, ngai hpe malap mali kau ma ni ai.

YEREMIA 23:2

Dai majaw Israela Karai Kasang Yehowa gaw, nye a amyu masha ni hpe bau ai sagu rem ni hpe lakap nna ning nga ai: Nanhte gaw nye a sagu hpung hpe n kawan yu ai, shabra kau nna shaden kau mu ai majaw, nanhte a n hkru ai amu hte maren, ngai nanhte hpe kawan yu na nngai, nga nna Yehowa tsun ai.

YEREMIA 7:34

Dai shaloi e ngai gaw, Yuda mare ni hte Yerusalem mare lam ni hta na, kabu gara ai nsen, mani pyaw ai nsen, la ningnan a nsen, num ningnan a nsen, jasim kau na nngai; kaning rai nme law, mung ting katsi katsang tai mat na ra ai,” nga ai.

YEREMIA 7:9

“Nanhte gaw masha rai lagu ai, masha sat ai, num shaw la shaw ai, n teng n man ai hku dagam ai, Bala man e manam pyaw ai baw nat nawng nna, tinang n chye ai hpara hpang de hkan nang let,

SHARUNG SHAYAWT 1:4

Kadai mung poi de n sa ai majaw, Ziun a lam ni yawn nga ai; De a chyinghka ni yawng shingran katsi nga ai; hkinjawng ni madai nga ma ai; Mahkawn ni yawn nga nna, shi hkum nan myit ru nga ai.

SHARUNG SHAYAWT 5:14

Salang ni gaw, mare chyinghka e n dung ma ai; Shabrang ni gaw, sumpyi n dum ma ai.

EZEKELA 16:12

Na a ladi hta shanghkawng, na a na hta lakan ngai bang nna, na a baw ntsa e tsawm htap ai janmau shagup nngai.

EZEKELA 16:17

Bai nang gaw, nye a aja gumhpraw hte galaw nna, ngai nang hpe jaw ai, tsawm htap ai gali lakai hpe, nang la nna, la sumla galaw nhtawm, shanhte hte shut hpyit nga n hka:

EZEKELA 22:12

Sai jahkaw kau na matu, na a masha ni sake manawn sha ma ai; amyat sha na hte lu su na matu, gumhpraw hkoi ya ma ai; htingbu wa arai hpe lawhpa ai myit hte kashun la ndai: ngai hpe mung malap kau ndai,” nga nna Madu Yehowa tsun ai.

EZEKELA 23:35

“Dai rai nna, Nang ngai hpe malap kau nna, na a shingdu de ngai hpe dat kau ai majaw, na n se n sa ai hte na shawa num amu a mara hpe hkam sha u,” nga nna Madu Yehowa tsun ai.

HOSEA 11:2

Myihtoi ni gaw shanhte hpe je shaga, shanhte je lam dam mat wa ma ai: shanhte gaw Balim hpara ni hpe hkungga nawng ya nna, tawk ai sumla ni hpe manam pyaw ai baw nat nawng ya ma ai.

HOSEA 13:1

“Ehprim gaw ga tsun yang, masha ni hkrit gari nga ma ai; shi gaw Israela hta grau htum ai wa rai nga ai: rai timung, shi gaw Bala hpara hte shut yang, shi si wa sai.

HOSEA 13:6

Shanhte a udat shara law ai majaw, hkru kat ma ai: hkru kat ma yang, shanhte myit kaba nna, ngai hpe, malap kau ma ai.

HOSEA 2:5

shing n rai yang, shi a hpun palawng ngai raw kau nna, shi shangai ai shani zawn, singgu krin shatai na we ai; zaibru jang zawn ngai shi hpe shakrin kau nna, hkun hkraw ai ga zawn, jahti da nhtawm, hpang kara ai hte sat kau na we ai.

HOSEA 2:7

shanhte a kanu gaw, shawa num rai nga ai; shanhte hpe gawngli ai kanu gaw, kaya kahpa amu galaw nu ai: shi gaw, ‘Nye a muk, nye a ntsin, sagu mun, lachyit ri, sau hte luhpa ngai hpe jaw ai, nye a sumtsaw sumra ni hpang de, ngai hkan nang na nngai,’ nga nna tsun sai.

HOSEA 4:13

Shanhte gaw bum pungding ntsa e mung, kawng ni a ntsa e mung, shingnip tsawm ai wamyi hpun, libna hpun hte magyeng hpun npu e mung, hkungga nawng ya nna, manam pyaw ai baw nat nawng ma ai: dai re ai majaw, nanhte a shayi sha ni shawa num tai nna, nanhte a nnam ni la shaw ai amu galaw ma ai.

HOSEA 4:6

Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

HOSEA 8:14

Kaning rai nme law, Israela gaw tinang a Hpan Madu hpe malap kau nna, nawku Htingnu ni dè da nga ai; Yuda gaw bunghku kum ai mare ni shalaw ma ai; rai timung, ngai gaw mare ni hpe nat kau nna, de a hpyen dap ni hkru mat na ra ai.

HOSEA 9:7

Ari jaw na aten du sai; matai htang na shani du sai; Israela amyu chye lu na ra ai: na a law la ai shut hpyit ai hte, ladu lai ai n dawng n yawt myit majaw, myihtoi wa gaw angawk ai wa, wenyi shung ai wa mana bu ai wa, tai nga ai.

AMO LAIKA (AMOS) 8:10

Nanhte a pyaw poi ni hpe yawn hkyen ai hte, nanhte a mahkawn mangoi ga hpe sharung shayawt ai hte, ngai galai kau na nngai; masha yawng lachyit nba kyit nna, abaw yawng krin nga na lam, ngai shabyin na nngai; kasha shingtai si ai majaw hkrap ai zawn ngai hkrap shangun nna, de a jahtum ai gaw n hpru n mai ai nhtoi zawn tai na ra ai.

TARA JAHPRANG 32:18

Nang hpe sharat ai lunghkrung hpe n dum nit dai, Nang hpe shangai ai Karai Wa hpe malap nu ai.

TARA JAHPRANG 6:12

Egutu mung hte mayam nta na nang hpe shaw woi wa ai Yehowa hpe nang n malap kau n ga, sadi nga u.

TARA AGYI 10:6

Bai, Israela kashu kasha ni gaw, Yehowa man e n shawp ai amu galaw nna, Bala hpara ni hte Ashtarot hpara shayi, Suri mung na hpara ni, Sidon mare na hpara ni, Moba mung na hpara ni, Amon kashu kasha ni a hpara ni hte Hpilisti masha ni a hpara ni hpe jaw jau nna, Yehowa hpe n jaw n jau ai kau da mu ai.

TARA AGYI 3:7

Ya Israela kashu kasha ni gaw, Yehowa man e n shawp ai amu galaw let, shanhte a Karai Kasang Yehowa hpe malap kau nna Bala hpara ni hte Asherot hpe jaw jau ma ai.

1 SAMUELA 12:9

Shanhte chyawm gaw tinang a Karai Kasang Yehowa hpe malap kau mu ai; shaloi Karai Kasang gaw, Hazora hpyen laba du, Sisera lata de mung, Hpilisti masha ni a lata de mung, Moba hkawhkam a late de mung, shanhte hpe dut kau wu ai rai nna, dai masha hpyen ni ahpya sha ai hkrum ma ai.