HOSEA 14:3 - Jinghpaw Hanson Version Bible

³ Asuri hkawhkam anhte hpe hkye hkrang la lu ai n rai; anhte gumra jawn na ga ai n rai: tinang a lata hte galaw ai arai hpe, ‘Nanhte gaw, anhte a hpara ni rai nga myit dai,’ nga nna htawm hpang de n tsun na saga ai: kaning rai nme law, chyahkrai nmai ni, nang hta chyu sha, matsan dum ai lu la na mara ai, ngu nna sa tsun mu.”

Jinghpaw Common Language Bible 2009

³ Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

HOSEA 14:3 ပူးပေါင်းရင်းမြစ်များ

2 HKAWHKAM LABAU 16:7

Dai aten e myihtoi Hanani gaw Yuda hkawhkam Asa hpang de du nna, Nang gaw na a Karai Kasang Yehowa hta n hpa ndai hte, Suri hkawhkam hta hpa ndai majaw, Suri hkawhkam a hpyen luksuk ni gaw na a lata na lawt wa masai.

SHAKAWN KUNGDAWN 10:14

Gaja wa nang mu mada nga ndai: na a lata hta matsing da na, N shawp ai hte shatsang ai hpe, nang a yu nga ndai; Nji nmu ai wa nang hta shamyet shanat nga ai; Jahkrai nmai ni a karum ai wa, nang tai nit dai.

SHAKAWN KUNGDAWN 146:3

Hpa hta mung n karum lu ai, du ni hte, Shinggyim masha hpe, hkum hpa nga myit.

SHAKAWN KUNGDAWN 146:9

Yehowa gaw bu hkawm ai ni hpe bau sin ya mu ai, Jahkrai nmai ni hte gaida gaina ni hpe shadaw ya mu ai. Tara n lang ai ni a lam hpe, shi shanut kau ya mu ai.

SHAKAWN KUNGDAWN 33:17

Nlaw na matu gumra lali rai nga ai. Kadai hpe mung de a n-gun kaba hte, shalawt lu na n rai.

SHAKAWN KUNGDAWN 68:5

Karai Kasang gaw shi a chyoi pra ai shara hta e, Jahkrai ma ni a kawa, gaida jan ni a jeyang ai wa, rai nga ai.

ESAIA 1:29

Kaning rai nme law, nanhte ra yu ai wamyi hpun ni a majaw, shanhte kaya dum nna, nanhte lata la ai sun ni a majaw, myi man sum mat na marin dai.

ESAIA 2:20

Dai shani e masha ni gaw tinang nawku na matu galaw da ai aja hpara sumla ni hte, gumhpraw hpara sumla ni hpe, sharu ni hte patsip ni hpang de kabai kau na mara ai:

ESAIA 27:9

Dai rai nna Yaku amyu gaw yubak raw dat kau ai hkrum nna, Asherum sumla ni hte jan sumla ni htawm hpang e n nga lu hkra, shi gaw tawn hkungri ni a nlung ni mahkra hpe namhtun lung zawn agrawp kau ai gaw, shi a yubak raw dat kau ai akyu rai na ra ai.

ESAIA 30:16

Nanhte mahtang, ‘N rai law, anhte gumra hte hprawng na ga ai,’ nga nna tsun myit dai majaw, gaja wa hprawng na myit dai; ‘Anhte laram ai gumra jawn na ga ai,’ nga myit dai majaw, nanhte hpe hkan shachyut ai ni, lawan na mara ai.

ESAIA 30:2

Hpara-u a n-gun atsam hte tinang a n-gun shaja nna, Egutu shingnip hta shingbyi nga na nga, shanhte ngai hpe n san yu ai, Egutu mung de yu wa ma ai.

ESAIA 31:1

Israela a Chyoi pra ai wa hpe n mada ai hte, Yehowa hpe n tam ai sha, hpyen karum la na matu, Egutu mung de yu wa nna, law la ai gumra ni hte hpyen leng ni hpe mung, n-gun grai ja ai gumra jawn ai ni hpe mung, shamyet shanat nga ai ni gaw, dingnye lu ma ai.

ESAIA 31:3

Egutu masha ni gaw Karai Wa n rai, masha hkrai rai nga ma ai; shanhte a gumra ni mung, wenyi n rai, shan hkrai rai nga ai; Yehowa gaw lata ladawn jang, karum ai wa mung ahtu kadawng nna, karum la ai wa mung di hkrat na ra ai: shanhte yawng rau htum mat na mara ai.

ESAIA 36:8

Dai re ai majaw, nye a madu Asuri hkawhkam wa hpe ga sadi tawn da mu; nang gaw gumra jawn ai masha chye tam yang, ngai nang hpe gumra hkying lahkawng jaw na de ai.

YEREMIA 49:11

Na a chyahkrai nmai ni hpe kau da mu, ngai shanhte hpe jahkrung da na nngai; na a gaida gaina ni gaw ngai hta shamyet shanat nga mu ga.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

EZEKELA 37:23

tinang a hpara sumla ni, matsat shabat arai ni, shut hpyit ai htung hking hte tinang hkum hpe awu asin di kau na n rai; shanhte tawt lai ai yubak yawng hta na ngai shanhte hpe hkye hkrang la nna, jasan jaseng na nngai: shing rai shanhte gaw nye a amyu, ngai gaw shanhte a Karai Kasang tai na nngai.

HOSEA 12:1

“Ehprim gaw, masu matsa ga hte, Israela dap gaw, hkalem hkalau ai hte, ngai hpe wang tawn nga ai; Yuda chyawm gaw, Karai Wa hte naw up nga lu nna, Chyoi Pra ai Wa hte, kangka rai nga ai.

HOSEA 13:2

Ya shanhte gaw yubak je je galaw nna, tinang nyan hkan let, tinang a gumhpraw hte jaw ai hpara sumla galaw ma ai: yawng hte gaw lasama amu hkrai rai nga timung, shanhte gaw dai sumla ni hpe ga tsun nna, hkungga nawng ya ai wa gaw, dumsu kasha ni hpe pup nga a hka!

HOSEA 14:8

Ehprim gaw, ‘Hpara sumla ni htawm hpang de, ngai hte hpa seng a ta?’ nga nna tsun na ra ai. Ngai shi a ga madat nna, shi hpe yu na nngai: ngai gaw tsit lali ai marau hpun zawn rai nga nngai; na a si, ngai kaw na pru na ra ai.

HOSEA 2:17

Dai yang e shi a tsabyi sun ni hpe ngai shi hpe bai jaw nna, Ahkora kadit gaw myit mada chyinghka tai na ra ai: shing rai shi gaw, hkawnsek prat e, Egutu mung na pru wa ai shani e zawn, ngai hpe bai htan na ra ai.

HOSEA 4:12

Nye a amyu masha ni gaw, tinang a hpuntawng hte bawng yu ma ai; shanhte a dawhkrawng gaw, hpaji daw ya ai: liknga lam hta kayut ai majaw, shanhte lam dam nna, shawa num tai let, tinang a Karai Kasang npu na, pru mat wa ma ai.

HOSEA 5:13

Ya Ehprim gaw tinang a ana ahkya hpe, Yuda gaw tinang a nma hpe mu jang, Ehprim gaw Asuri mung de sa nna, Yuda gaw hkawhkam Yarib hpe shaga wu ai: shi chyawm gaw, nan hpe shamai ya lu ai, n rai, nan a nma hpe kapa ya lu ai, n rai.

HOSEA 7:11

Ehprim gaw myit n rawng ai. angawk ai hkrudu hte bung nga ai: shanhte gaw Egutu hpe shaga, Asuri mung de sa wa ma ai.

HOSEA 8:6

Kaning rai nme law, dai gaw Israela masha ni shapraw ai sha rai nga ai: lasama wa dai hpe galaw nna, dai gaw Karai Kasang n rai; gaja wa, Samari a dumsu kasha gaw, kahtum gadaw agrawp kau ai hkrum na ra ai.

HOSEA 8:9

Kaning rai nme law, shanhte gaw shi hkrai rai nga ai lawze nhprang zawn, Asuri mung de lung wa masai: Ehprim gaw sumtsaw sumra ni hpe kumhpa jaw nga ai.

YONA 2:10

Ngai chyawm gaw chyeju dum ai nsen hte, nang hpe hkungga jaw na nngai: Ngai ndat da ai ga sadi ngai shanga na nngai; Hkye hkrang la ai lam Yehowa kaw na rai nga ai,” nga ai.

ZEHKARIA 13:2

“Zaw nawng zaw wa up ai Yehowa ning nga ai: Dai shani e ngai gaw, Hpara sumla ni a amying hpe dai mungdan hta na jahtum kau nna, htawm hpang de dai ni hpe, kadai dum na n rai; dai hta n-ga, myihtoi ni hpe mung, n san n seng ai wenyi ni hpe mung, ndai mungdan kaw na ngai shapraw kau na nngai.

YAWHAN 14:18

Nanhte hpe jahkrai zawn ngai kau da na n rai: nanhte hpang de ngai bai sa na ring ngai.

TARA JAHPRANG 17:16

Rai timung, dai hkawhkam wa gaw gumra rem mai ai n rai; gumra law law lu la hkra nga, mung masha ni hpe Egutu mung de nhtang shangun lu na n rai: kaning rai nme law, “Dai lam de nanhte galoi mung nhtang lu na myit dai n rai,” nga nna Yehowa nanhte hpe tsun sai.