HOSEA 14:2 - Jinghpaw Hanson Version Bible

² Tawngban ga tsun nna, Yehowa hpang de nhtang wa let, Anhte a shut hpyit ai nlang raw dat kau ya mi; kaja ai hpe hkap la ya mi; shing rai anhte gaw n-gup ga ngu ai usu nang hpe nawng ya na ga ai.

Jinghpaw Common Language Bible 2009

² Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

HOSEA 14:2 ပူးပေါင်းရင်းမြစ်များ

2 SAMUELA 12:13

Shaloi Dawi gaw, “Yehowa hpe ngai shut se ai,” ngu nna Nahtan a man e yin la wu ai. Nahtan mung, “Nang galaw ai yubak Yehowa raw kau nu ai: nang hkum si na n rai.

2 SAMUELA 24:10

Ya Dawi gaw, mung masha ni hpe hti ngut ai hpang myit malai lu nna, Ngai galaw ai amu nachying shut sai; rai timung, Yehowa e, na mayam wa a mara hpe raw dat kau ya e; ngai wa nachying ngawk ai amu galaw kau se ai, ngu nna Yehowa hpe hpyi nem wu ai.

YOBA 7:21

Nang hpa majaw nye yubak hpe n raw, nye mara hpe n dat rai ta? Gade n na yang ga nhpu hta ngai kaleng taw nna, nang ngai hpe tam gawn yu timung, ngai n nga na nngai, nga ai.

SHAKAWN KUNGDAWN 119:108

Yehowa e, nye a n-gup a dingsa hkungga hpe hkap la u, Na a tara dara ai lam ngai hpe sharin ya e.

SHAKAWN KUNGDAWN 50:14

Karai Kasang hpe shakawn kungdawn hkungga jaw u, Tsaw htum ai Wa hpe na a ga ndat rap raw u.

SHAKAWN KUNGDAWN 51:16

Shagu hkungga nang tsaw nga ndai n rai; Dai n rai taw, ngai jaw na de ai: Wan nat ai hkungga hpe mung nang n ra ndai.

SHAKAWN KUNGDAWN 51:17

Karai Kasang tsaw nga ai shagu hkungga gaw, Gawng run mat ai wenyi hpe rai nga ai. Karai Kasang e, gawng run nna htum mat ai myit hpe, Nang gang kau nga na ndai n rai.

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

YEREMIA 3:12

Sa su, dingdung maga de myi man yawng let, ndai ga jahtau tsun u: Htak mat ai Israela e, bai wa rit, nga nna Yehowa tsun ai; ngai nanhte hpe masin pawt na n rai; ngai myit galu nga nngai; tutnawng pawt nga na n rai, nga nna Yehowa tsun ai.

HOSEA 12:7

Dai re ai majaw, na a Karai Kasang hpang de nhtang wa nu: matsan dum ai hte tara ding ai lam hkan nang nna, na a Karai Kasang hpe tutnawng myit mada nga u.”

HOSEA 5:5

Israela a gumrawng gumtawng ai gaw, tinang a man e dawdan ai sakse tai wa ai; dai re ai majaw, Israela hte Ehprim gaw, tinang a n hkru n hkra ai hta ahtu kataw na mara ai; Yuda amyu mung, shan hte rau ahtu kataw na ra ai.

HOSEA 6:6

Kaning rai nme law, hkungga jaw ai lam n rai, chyeju dum ai lam, wan nat hkungga hta Karai Kasang hpe chye chyang ai lam, ngai tsaw nga nngai.

YOELA 2:17

Yehowa a amu gun hpai ai hkinjawng ni gaw, nta jan hte tawn hkungri lapran e hkrap ngu hkrap ngoi let, Yehowa e, na a amyu hpe matsan dum e law maigan amyu ni anhte a ntsa e up nga nna, na a sali wunli masha ni aroi arip hkrum hkra, shanhte a lata hta anhte hpe hkum ap kau et: Shanhte a Karai Kasang kanang nga a hka? Nga nna masha amyu ni hta, hpa majaw tsun shajang na ma ta? nga nna tsun mu ga.

YONA 2:9

Be be lila masu ai lam hpe awlaw ai ni gaw, Tinang nang a chyeju lam, kau da shajang ma ai.

ZEHKARIA 3:4

Shaloi lamu kasa gaw, “Agang chyalang re ai hpun palawng raw kau mu,” ngu nna shi a man e tsap nga ai ni hpe tsun mu ai. Bai shi gaw Yoshua hpe mung, “Yu u, na a mara hpe ngai raw kau ni ai rai nna, tsawm htap ai hpun palawng nang hpe jahpun na nngai,” ngu wu ai.

MAHTE 7:11

Dai rai nna, nanhte pyi n hkru nga myit dai mi, tinang a kasha ni hpe kaja ai kumhpa chye jaw myit yang gaw, dai hta grau n-ga, sumsing lamu na nanhte a Kawa gaw, shi hpe hpyi ai ni hpe kaja ai kumhpa jaw na n rai hka!

LUKA 11:13

Dai rai nna, nanhte n hkru nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw, shi e hpyi ai ni hpe dai Chyoi pra ai Wenyi jaw na n rai hka!” ngu nna tsun mu ai.

LUKA 18:13

Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu!

ROMA 11:27

Shanhte a yubak yeng seng kau ai shani e, Dai gaw shanhte hte nye a ga shaka rai nga ai,” nga nna ka da nga ai.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

HEBRE 10:4

kaning rai nme law, usu asai hte bainam asai gaw yubak mara hpe galoi mung yeng seng kau ya lu ai n rai,

HEBRE 13:15

Dai rai nna, Karai Kasang a mying ningsang kajai tsun hkai nga ai n-gup n-gau a asi ngu ai shakawn kungdawn hkungga hpe anhte Yesu a gawp e, Karai Kasang kaw tutnawng e nawng ya nga ga.

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

1 YAWHAN 1:7

Shi gaw dai nhtoi hta rawng nga ai hte maren, anhte mung dai nhtoi hta hkawm nga yang gaw, anhte langai hte langai kanawn mazum ai ni rai nga ga ai hte, shi a Kasha Yesu a asai gaw, anhte hta na yubak nlang hte hpe jasan jaseng kau ya mi ai.

1 YAWHAN 3:5

Shi gaw yubak hpe la kau na matu dan pru nga ai hpe, nanhte chye myit dai: shi hta e mung yubak n rawng nga ai.