HOSEA 13:9 - Jinghpaw Hanson Version Bible

⁹ “Israela e, nang hpe karum ai wa, ngai hte nan, nang nhtan shai nga ai gaw, nang hpe jahten shabyak ai lam rai nga ai.

Jinghpaw Common Language Bible 2009

⁹ “Israela amyu masha ni e, ngai nanhte hpe jahten shabyak kau na made ai! Shaloi nanhte hpe kadai wa karum la lu na rai ma ta?

HOSEA 13:9 ပူးပေါင်းရင်းမြစ်များ

2 HKAWHKAM LABAU 28:23

Kaning rai nme law, shi gaw, “Suri hkawhkam ni a Hpara ni gaw shanhte hpe karum ai majaw, ngai hpe mung karum mi ga, ngai shanhte hpe hkungga nawng ya na nngai,” nga nna Damasku mare a Hpara ni hpe shagu hkungga nawng ya timung, dai gaw shi a matu mung, Israela mung ting a matu mung, hten byak wa na lam rai nga ai.

SHAKAWN KUNGDAWN 146:5

Yaku a Karai Wa, karum ai wa rai nna, Shi a Karai Kasang Yehowa hpe, myit mada nga ai wa gaw, a nga ai.

SHAKAWN KUNGDAWN 33:20

Anhte a myit masin Yehowa hpe a la nga ai; Shi gaw anhte hpe karum ai wa hte anhte a n-gang rai nga ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai, Ru tsang ai aten e karum na jin nga chyalu rai nga ai.

GA SHAGAWP 6:32

Masha jan shaw ai wa chyam gaw nyan n rawng nga ai; Shi a asak jasum kau mayu ai majaw, dai lam galaw nga ai.

GA SHAGAWP 8:36

Ngai hpe shut hpyit ai wa chyawm gaw, tinang a asak wenyi hpe shut kau nu ai; Ngai hpe n dawng ai ni yawng, si ai hpe tsawra nga ma ai.

ESAIA 3:11

Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

ESAIA 3:9

Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

YEREMIA 2:17

Nang hpe woi wa ai, na a Karai Kasang Yehowa hpe kau da ndai majaw, nang nan shing re ai ari hkrum nga ndai, n rai ni?

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

YEREMIA 4:18

Nang hkan nga ai lam hte arawn alai majaw, ndai nang hkrum sha nu ai: dai gaw na a n hkru n hkra ai lam rai nga ai: dai gaw hka jap ai hte myit masin hta chyung nga ai, nga nna Yehowa tsun ai.

YEREMIA 5:25

Nanhte a shut hpyit ai gaw ndai lam ni hpe shabai kau nna, nanhte a yubak gaw, nanhte a ngamu ngamai lam, pat kau manu ai.

HOSEA 13:4

“Rai timung, ngai Yehowa gaw, Egutu mung na nang hpe shapraw la ai Karai Kasang rai nga nngai; ngai hta shaje Karai Kasang hpe, nang n chye nu ai: ngai hta kaga, hkye hkrang la ai wa n nga ai.

HOSEA 14:1

“Israela e, nang gaw na a yubak hte ahtu kataw hkrum ai majaw, na a Karai Kasang Yehowa hpang de nhtang wa u.

HOSEA 7:14

Shanhte gaw tinang yup ku ntsa e hpyi jahtau timung, tinang myit masin hte ngai hpe n shaga ma ai: nai mam hte tsabyi jahku lu la na matu, shanhte zuphpawng nna, ngai hpe gumlau ma ai.

HOSEA 7:15

Shanhte a lata hpe ngai sharin ya nna, n-gun shaja timung, shanhte gaw nye a lam hkalem ai hku maw ma ai.

MALAHKI 1:12

Nanhte mahtang, Yehowa a sha ku awu asin rai nga nna, mara da ai lusha kumhpa gaw, hpa lam n la ai, nga nna tsun myit dai majaw, dai amying hpe awu asin di kau manu ai.

MALAHKI 1:13

Bai nanhte gaw, “Ataw, dai gaw gawng shate ai hkrai rai nga ai,” nga nna tsun let jahpoi myit dai, nga nna Zaw nawng zaw wa up ai Yehowa tsun ai: kashun kashe la ai hkungga, lagaw hten ai hte myi hten ai hkungga, nanhte dun sa nna, dai zawn re ai baw nanhte nawng ya myit hka: dai hpe nanhte a lata na ngai hkap la na, rai ni? nga nna Yehowa tsun ai.

MALAHKI 1:9

Ya chyawm gaw, Karai Kasang anhte hpe chyeju madun u ga, shi a man e akyu hpyi mu: ndai amu gaw, nanhte a lata na amu rai nga ai: shi nanhte a myi man tau lu na rai ni? nga nna Zaw nawng zaw wa up ai Yehowa tsun ai.

TARA JAHPRANG 33:26

Yeshurun e, Karai Kasang hte bung ai kadai n nga ai; Nang hpe karum na nga, sumsing lamu hta yawn, Shi a hpung shingkang hte sumwi hta jawn nga ai.

TARA JAHPRANG 33:29

Israela e, nang a nga ndai: Yehowa hkye hkrang la ai amyu e, nang hte kadai bung a ta? Shi gaw nang hpe makawp maga ai ninggang, Na a shingkang shapraw ai nhtu rai nga ai. Na a hpyen ni nang kaw nawm nna, Shanhte a tsaw ai shara ni hpe nang kabye lu na rin dai,” nga nna tsun shaman ya wu ai.