HOSEA 13:8 - Jinghpaw Hanson Version Bible

⁸ Kasha mat ai tsap kanu zawn, ngai shanhte hpe hkap shadang nna, shanhte a myit masin a sap sanap ashep kau na nngai: ngai gaw dai yang e hkanghkyi yi zawn shanhte hpe kawa sha kau na nngai; matse labye ni shanhte hpe amya sha kau na mara ai.”

Jinghpaw Common Language Bible 2009

⁸ Ngai gaw nanhte hpe kasha shamat kau ai tsap kanu zawn htim gasat nna nanhte hpe gang je mahka kau na nngai. Hkanghkyi zawn htim ai shara hta nan mayu sha kau nhtawm matse labye dusat ni zawn nanhte hpe amya je kau na made ai.

HOSEA 13:8 ပူးပေါင်းရင်းမြစ်များ

2 SAMUELA 17:8

nang chye ai hte maren na nwa hte shi a masha ni gaw lapyin rawng ai share hkrai rai ma ai; dai hta ya grau nna, nam e kasha magra ai tsap kanu zawn n-yun bu ai myit rawng nga ma ai; na nwa mung share rai nna, masha ni hte rau n yup ga ai.

SHAKAWN KUNGDAWN 50:22

Karai Kasang hpe malap mali kau ai ni e, ndai lam myit yu mu: Shing n rai yang, mawai la ai wa n nga nna, Ngai nanhte hpe amya je kau na made ai.

SHAKAWN KUNGDAWN 80:13

Maling na wa du dai hpe kanaw sha nna, Nam na ashu ashan ni dai hpe sha kau mu ai.

GA SHAGAWP 17:12

Angawk ai amu galaw let, angawk ai wa hte hkrum na hta, Kasha mat ai tsap kanu hte hkrum na, grau mai nga ai.

ESAIA 5:29

shanhte a shabam ai nsen gaw, hkanghkyi yi a nsen hte bung nna, hkanghkyi hkalung zawn shabam na mara ai; rai sa, shanhte garu shabam let tinang shahpa hpe magra la na mara ai rai nna, hkye mawai la ai wa n nga ai majaw, dai hpe hpai la kau na mara ai.

ESAIA 56:9

Pa hkan na matse labye ni hte, maling dinggram na matse labye ni e, kawa sha na matu, sa marit.

YEREMIA 12:9

Nye a sali wunli gaw ka ka re ai u matse tai wa sai I? u matse ni shi a grup yin e wang tawn nga ma ni? gaja wa, shan sha na matu pa ga na matse labye ni yawng, zuphpawng mu ga.

YEREMIA 25:38

Shi gaw hkanghkyi zawn shi a wuyup kau da nu ai; shanhte a mungdan gaw, adip arip re ai nhtu hte, shi a pawt sindawng ai majaw, mauhpa shara tai mat sai.

HOSEA 2:12

Ya e pyi, shi a sumtsaw sumra ni a man e, shi a hpun palawng ngai raw kau nna, kaya jahkrum na nngai; nye a lata na shi hpe mawai la ai wa gaw, kadai n nga ai.

HOSEA 5:14

Kaning rai nme law, ngai gaw Ehprim hta hkanghkyi zawn, Yuda nta hta hkanghkyi uram zawn, rai na nngai; ngai nan amya kawa kau da na nngai; makrang hpai kau yang, kadai mung mawai la lu na, n rai.