Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HOSEA 13:6 - Jinghpaw Hanson Version Bible

6 Shanhte a udat shara law ai majaw, hkru kat ma ai: hkru kat ma yang, shanhte myit kaba nna, ngai hpe, malap kau ma ai.

အခန်းကိုကြည့်ပါ။ ကော်ပီ

Jinghpaw Common Language Bible 2009

6 Rai ti mung nanhte gaw dai ningru ningja ai mungdan de shang myit dai shaloi, nanhte sha hkru nna myit pyaw nga myit dai; dai hpang nanhte gumrawng gumtawng wa nna ngai hpe malap kau myit dai.

အခန်းကိုကြည့်ပါ။ ကော်ပီ




HOSEA 13:6
23 ပူးပေါင်းရင်းမြစ်များ  

Na a chyeju myit kaba a jaw e, nang shanhte hpe jaw da ai mungdan hte, ga sau rawng nna dam lada ai lamu ga hta nga lu timung, shanhte nang hpe n daw n jau ai hte, tinang a n hkru ai amu ni hpe koi kau da ma ai, n rai.


Tara n lang ai wa myit kaba nna, “Shi ari jaw na n rai,” nga ai. Karai Kasang n nga ai, nga nna, myit mang nga ai.


Matsan mayan rai yang, ngai lagu nna, Nye a Karai Kasang a amying hpe awu asin n di kau u ga mung, Asak bau ram ai shat sha karan jaw e law.


Kaning rai nme law, nang hpe hkye hkrang la ai Karai Kasang hpe nang malap kau nna, nang hpe n-gun jaw ai lunghkrung hpe n dum ndai; dai majaw manam pyaw ai nampan nang hkai nna, sumtsan mung na bawng hte shatsawm wu ai:


“Ngai na a yubak hpe kaning rai raw dat kau lu na rai ta? na a kashu kasha ni gaw ngai hpe kau da nna, hpa n re ai hpara ni hpe gang let dagam masai: ngai shanhte hpe jahkru shakat ngut yang, shanhte gaw num shaw la shaw amu galaw nna, shawa num a nta hta ju nga ma ai.


“Dai rai nna, Nang ngai hpe malap kau nna, na a shingdu de ngai hpe dat kau ai majaw, na n se n sa ai hte na shawa num amu a mara hpe hkam sha u,” nga nna Madu Yehowa tsun ai.


kaba htum ai hpaji hte hpaga chye ga ai majaw, na a sutgan hpe nang shalaw nna, dai sutgan majaw, myit kaba nga ndai;


“Israela gaw asi si ai, ring ai tsabyi ru rai nga ai: asi law ai made, shi gaw tawn hkungri ni hpe shalaw wu ai; shanhte a mungdan mai kaja ai hte maren, shanhte gaw tsawm ai shadaw sumla ni hpe sharawt ma ai.


“Shi gaw Hkanan masha rai nga ai; n man ai joi shi lang nga ai: maw sha map sha ai amu, shi sharawng nga ai.


Dai hta n-ga, ngai gaw, shi a kabu gara ai lam mahkra hte, shi a poi shani, shata praw shani, laban nhtoi ni hte, madat da ai shawa hpawng nlang hte hpe, jahtum kau na nngai.


shanhte a kanu gaw, shawa num rai nga ai; shanhte hpe gawngli ai kanu gaw, kaya kahpa amu galaw nu ai: shi gaw, ‘Nye a muk, nye a ntsin, sagu mun, lachyit ri, sau hte luhpa ngai hpe jaw ai, nye a sumtsaw sumra ni hpang de, ngai hkan nang na nngai,’ nga nna tsun sai.


Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.


Shanhte law htam wa ai hte maren, ngai hpe yubak galaw masai: ngai shanhte a arawng sadang hpe, kaya kahpa hte shayu kau na nngai.


Kaning rai nme law, ngai gaw Ehprim hta hkanghkyi zawn, Yuda nta hta hkanghkyi uram zawn, rai na nngai; ngai nan amya kawa kau da na nngai; makrang hpai kau yang, kadai mung mawai la lu na, n rai.


Shanhte gaw tinang yup ku ntsa e hpyi jahtau timung, tinang myit masin hte ngai hpe n shaga ma ai: nai mam hte tsabyi jahku lu la na matu, shanhte zuphpawng nna, ngai hpe gumlau ma ai.


Kaning rai nme law, Israela gaw tinang a Hpan Madu hpe malap kau nna, nawku Htingnu ni dè da nga ai; Yuda gaw bunghku kum ai mare ni shalaw ma ai; rai timung, ngai gaw mare ni hpe nat kau nna, de a hpyen dap ni hkru mat na ra ai.


Shanhte gaw hkawhkam hpe aya dang timung, nye a ahkang hte n rai; du hpe tawn da timung, ngai n chye nngai: shanhte shamyit kau ai hkrum hkra, tinang a aja gumhpraw hte tinang a matu, hpara sumla galaw manu ai.


Nang hpe sharat ai lunghkrung hpe n dum nit dai, Nang hpe shangai ai Karai Wa hpe malap nu ai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ