HOSEA 12:3 - Jinghpaw Hanson Version Bible

³ Yehowa Yuda hte ndang kalang hkat shara naw nga nna, shi gaw Yaku hpe, shi a arawn alai hte maren, ari jaw na ra ai; shi galaw ai amu hte maren, matai dawp na ra ai.

Jinghpaw Common Language Bible 2009

³ Shanhte a kaji Yaku gaw shi a marun kahpu Esaw hte kanu a hkritung e naw rawng nga ai kaw nna shan shada da malan da ting hkat ma ai; Yaku kaba wa yang, Karai Kasang hte kamu hkat wu ai.

HOSEA 12:3 ပူးပေါင်းရင်းမြစ်များ

NINGPAWT NINGHPANG 25:26

De a hpang e kanau wa gaw, Esaw a lahtin manat let shangai pru wa ai; dai rai nna shi hpe Yaku ngu nna shamying mu ai: dai kasha yan hpe shaprat ai shaloi, Isak a asak kru shi ning du sa lu ai.

2 HKAWHKAM 17:18

Dai re ai majaw Yehowa gaw Israela amyu hpe grai pawt sindawng nga nna, shi a myi man kaw na shanhte hpe yeng seng kau mu ai: Yuda amyu hta kaga kadai hpe mung ngam da mu ai n rai.

2 HKAWHKAM 17:20

Yehowa gaw Israela amyu masha ni yawng hte hpe kau da nhtawm, shanhte hpe zingri zingrat nna, shi a myi man kaw na yeng seng kau ai du hkra, hpyen ni a lata hta ap ya kau mu ai.

2 HKAWHKAM 17:23

Israela kashu kasha ni gaw Yeroboam a yubak lam mahkra hta hkan hkawm nna, dai lam ni hpe koi kau mu ai n rai. Dai rai nna, Israela amyu gaw tinang a mungdan kaw nna bawng rim mat wa ai hkrum ai hte, dai ni du hkra Asuri mung hta e anga nga ma ai.

YEREMIA 2:9

“Dai re ai majaw ngai nanhte hte naw dangrang hkat na nngai; nanhte a kashu kasha ni hte mung dangrang hkat na nngai;” nga nna Yehowa tsun ai.

EZEKELA 7:3

Ya nang htum mat nit dai; ngai gaw na ntsa e nye a pawt bu ai shangun dat nna, na a arawn alai hte maren dawdan na nngai: nang galaw ai matsat shabat amu mahkra hpe, ngai na ntsa e nhtang dat na nngai.

EZEKELA 7:8

Ngai gaw, gade n na yang, nye a sindawng kahtet ai, na ntsa e ru bun nna, nye a pawt bu ai hpe, nang hta shadik na nngai: na arawn alai hte maren ngai nang hpe dawdan nna, nang galaw ai matsat shabat amu mahkra hpe, na ntsa e nhtang dat na nngai.

HOSEA 4:1

Israela kashu kasha ni e, Yehowa a ga madat mara nga mu: kaning rai nme law, dai mungdan hta kangka ai, matsan dum ai hte Karai Kasang hpe chye chyang ai myit n nga ai majaw, Yehowa gaw mung masha ni hte tara dangrang hkat na amu rawng nga ai.

HOSEA 4:9

Shing rai yu maya masha ni hta byin ai zawn, hkinjawng ni hta mung byin na ra ai: shanhte a arawn alai hpe ngai sawk yu nna, shanhte galaw ai hte maren matai htang na nngai.

AMO LAIKA (AMOS) 2:4

Yehowa ning nga ai: Yuda a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shanhte gaw Yehowa a tara hpe kau da nna, shi a matsun maroi ga hpe, hkan nang ma ai, n rai; shanhte a kaji kawa ni hkan nang yu ai masu ga gaw, shanhte hpe mung shut kau shangun mu ai:

MIHKA 6:2

Bum ni hte dinggrin anga nga ai, lamu ga npawt nhpang ni e, Yehowa a dangrang hkat ai amu na la mu; kaning rai nme law, Yehowa gaw shi a amyu hte dangrang hkat ai lam nga nna, shi gaw Israela amyu hte ndang kalang hkat na ra ai.

ROMA 9:11

Karai Kasang shakyet da nhtawm, lata la ai lam gaw, magam bungli hte n re ai sha, shaga la ai wa a majaw she grin wa u ga, kasha yan garai n shangai ai rai nna, kaja ai hte n kaja ai hpa garai n galaw ti pyi,