HOSEA 12:2 - Jinghpaw Hanson Version Bible

² Ehprim gaw nbung hpe sha nna, sinpraw nbung hpe hkan shachyut nga ai: shi gaw masu matsa ai ga hte hten byak ai lam ni hpe, shani shagu shalaw dat nga ai; shanhte gaw Asuri hkawhkam wa hte ga shaka tawn da nna, Egutu mung de asau la sa ma ai.

Jinghpaw Common Language Bible 2009

² Dai Madu gaw Yuda amyu masha ni hpe mara shagun na lam naw nga nga ai: shi gaw Israela hpe mung, shi galaw ai arawn alai hte maren ari jaw na ra ai. Shanhte galaw manu ai amu hte maren, shi shanhte hpe htang jaw na rai wu ai.

HOSEA 12:2 ပူးပေါင်းရင်းမြစ်များ

2 HKAWHKAM 17:4

Dai hpang Asuri hkawhkam gaw Hoshea hta gumlau myit mu hkrup wu ai: kaning rai nme law, shi gaw Egutu hkawhkam So hpang de kasa shangun dat ai hte, shawoi na hte maren, shaning shagu na hkanse n bang wu ai: dai re ai majaw Asuri hkawhkam shi hpe rim la nna htawng hta gyit bang da wu ai.

YOBA 15:2

“hpaji rawng ai wa gaw, nbung hpaji hte htan mai a ni? Tinang kan hpe sinpraw nbung hte jahpring mai a ni?

SHAKAWN KUNGDAWN 78:36

Rai timung, tinang a n-gup hte shanhte shi hpe shapyaw nna, Tinang a shinglet hte shi hpe masu kau mu ai.

HPAJI NINGLI 5:15

Shing rai sut su ai wa gaw, singgu krin shangai wa ai zawn, singgu krin bai nhtang wa na ra ai rai nna, shi shakut ai amu makan hta na hpa mung shi a lata hta lang wa lu na n rai:

ESAIA 10:12

Dai re ai majaw, Madu gaw, Ziun bum hte Yerusalem ntsa e, shi a magam bungli mahkra hpe shangut nhtawm, Asuri hkawhkam a gumrawng gumtawng ai myit hte, grang nna dap mada ai myi man hpe, ngai kawan katsan yu na we ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 24:21

Dai shani e Yehowa gaw, matsaw ntsang na zaw nawng zaw wa hpe, tsaw ai shara hta, ga ntsa hkawhkam ni hpe, ga ntsa e, kawan katsan yu na ra ai.

ESAIA 3:11

Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

ESAIA 30:6

Dingda mung na numraw hpe ang ai myihtoi ga: Hkanghkyi yi hte hkanghkyi, pu htum hte pyen chye ai wan lapu sawng nna, yak la ai hte kyin dut ai mungdan hku shanhte ga sa wa nna, shanhte a matu hpa asung n shang ai amyu hpang de, lawze dinghkung hta sutgan, gawla-uk ni a dabu ntsa e aja gumhpraw, htaw sa ma hka.

ESAIA 59:18

Shanhte a arawn alai hte maren, gumlau ni hpe myit kahtet ai, hpyen ni hpe ari ahpri, shi htang jaw na ra ai; zunlawng ni hpe mung akyu hte yubak htang jaw na ra ai.

YEREMIA 25:31

Ngoi kadu ai gaw, lamu ga htum hkra chyam na ra ai; kaning rai nme law, Yehowa gaw masha amyu ni hte dangrang hkat nga ai; shi gaw hkrung mahkrung hpe tara dara na ra ai; tara n lang ai ni hpe nhtu jahkrum na ra ai, nga nna Yehowa tsun ai, ngu nna ndai ga mahkra shanhte hpe htawn tsun mu.

HOSEA 2:13

Dai hta n-ga, ngai gaw, shi a kabu gara ai lam mahkra hte, shi a poi shani, shata praw shani, laban nhtoi ni hte, madat da ai shawa hpawng nlang hte hpe, jahtum kau na nngai.

HOSEA 4:1

Israela kashu kasha ni e, Yehowa a ga madat mara nga mu: kaning rai nme law, dai mungdan hta kangka ai, matsan dum ai hte Karai Kasang hpe chye chyang ai myit n nga ai majaw, Yehowa gaw mung masha ni hte tara dangrang hkat na amu rawng nga ai.

HOSEA 4:9

Shing rai yu maya masha ni hta byin ai zawn, hkinjawng ni hta mung byin na ra ai: shanhte a arawn alai hpe ngai sawk yu nna, shanhte galaw ai hte maren matai htang na nngai.

HOSEA 7:1

Ngai gaw Israela hpe shamai ya mayu yang, Ehprim a n shawp ai hte, Samari n hkru ai lam dan pru nga ai; kaning rai nme law, shanhte gaw masu matsa lam hkan nna, lagu lagut wa kata de shang ai hte, damya hpung ni, shinggan de hpya lu hpya sha ma ai.

HOSEA 7:11

Ehprim gaw myit n rawng ai. angawk ai hkrudu hte bung nga ai: shanhte gaw Egutu hpe shaga, Asuri mung de sa wa ma ai.

HOSEA 7:2

Shanhte a n hkru ai amu mahkra hpe ngai matsing nga nngai, shanhte gaw tinang a kraw e n dum ma ai: ya e pyi tinang a amu ni gaw, shanhte hpe wang tawn nga ai; shanhte gaw nye a man e nga nga ma ai.

HOSEA 8:10

Gaja wa, shanhte gaw maigan amyu ni hpe kumhpa jaw timung, ngai shanhte hpe ya shinggyin tawn nna, shanhte gaw gade n na yang, du ni a hkawhkam wa lit majaw, yawm hpang wa na mara ai.

HOSEA 8:13

Ngai hte seng ai shagu hkungga gaw, nawng ya ai ni sat nna, de a shan hpe sha ma ai; Yehowa chyawm gaw dai ni hta sharawng lu ai, n rai: ya shi gaw, shanhte a shut hpyit ai hpe dum nna, shanhte a yubak majaw ari jaw na ra ai; shanhte gaw Egutu mung de nhtang wa na mara ai.

HOSEA 8:9

Kaning rai nme law, shanhte gaw shi hkrai rai nga ai lawze nhprang zawn, Asuri mung de lung wa masai: Ehprim gaw sumtsaw sumra ni hpe kumhpa jaw nga ai.

HOSEA 9:15

Shanhte a n hkru n hkra ai a npawt yawng, Gilgala mare hta rai nga ai; dai yang e ngai shanhte hpe n dawng n yawt nngai: shanhte a n hkru n hkra ai a amu majaw, ngai shanhte hpe nye a nta na shachyut kau na nngai: htawm hpang e shanhte hpe tsawra na, n rai: shanhte a du ni yawng, gumlau ni rai nga ma ai.

HOSEA 9:9

Gibea mare a aprat e zawn, shanhte gaw tinang hkum hpe grai awu asin di kau manu ai: shi gaw shanhte a shut hpyit ai hpe dum nna, shanhte a yubak majaw, ari jaw na ra ai.”

AMO LAIKA (AMOS) 2:4

Yehowa ning nga ai: Yuda a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shanhte gaw Yehowa a tara hpe kau da nna, shi a matsun maroi ga hpe, hkan nang ma ai, n rai; shanhte a kaji kawa ni hkan nang yu ai masu ga gaw, shanhte hpe mung shut kau shangun mu ai:

MIHKA 6:2

Bum ni hte dinggrin anga nga ai, lamu ga npawt nhpang ni e, Yehowa a dangrang hkat ai amu na la mu; kaning rai nme law, Yehowa gaw shi a amyu hte dangrang hkat ai lam nga nna, shi gaw Israela amyu hte ndang kalang hkat na ra ai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

ROMA 2:6

Karai Kasang gaw langai hte langai hpe, tinang a bungli hte maren nhtang jaw na ra ai:

GALATI 6:7

Lam hkum dam myit; Karai Kasang hpe n sawn n sang di lu na n rai: masha gaw gat hkai ai hte maren, dan la na ra ai.