HOSEA 11:7 - Jinghpaw Hanson Version Bible

⁷ Nye a amyu masha ni gaw, ngai kaw na htak mat mayu ai myit rawng nga ma ai: Tsaw htum ai wa hpang de shanhte hpe shaga timung, shi hpe shagrau sha-a mayu ai wa langai mi n nga ai.”

Jinghpaw Common Language Bible 2009

⁷ Shanhte gaw ngai kaw nna kayin mat wa na matu shadut jahkat ma ai. Shanhte a ntsa e mara ya ai kandang a majaw shanhte marawn jahtau na mara ai; rai ti mung shanhte hpe kadai e mung tau sharawt la na n rai.

HOSEA 11:7 ပူးပေါင်းရင်းမြစ်များ

SHAKAWN KUNGDAWN 81:11

Nye a amyu chyawm gaw, nye a nsen n madat nna, Israela ngai hpe hpa mung n nawn nga ai.

GA SHAGAWP 14:14

htak mat ai wa rai timung, kaja ai wa rai timung, Tinang a arawn alai hte hkru kat na mara ai.

ESAIA 26:10

Tara n lang ai wa gaw, chyeju hkam la timung, dinghpring ai lam sharin la hkraw ai, n rai; malang ai hku hkan ai mung hta pyi, shi myit magaw ai hku maw nna, Yehowa a daru magam hpe nawn ai n rai.

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

YEREMIA 3:11

Bai Yehowa ngai hpe ning nga ai, Htak mat sai Israela gaw, myit magaw ai Yuda hta, grau nna dinghpring nga ai.

YEREMIA 7:25

Nanhte a nji nwa ni gaw, Egutu mung na pru wa ai shani kaw nna dai ni du hkra, ngai gaw shani shagu jau jau rawt nna, nye a shangun ma myihtoi ni mahkra hpe, nanhte hpang de shangun dat dat rai timung,

YEREMIA 7:26

nanhte gaw nye a ga n madat, na mung n na la ai sha, tinang a du hpe shaja ai hte, nji nwa ni hta grau nna n hkru nga myit dai.

YEREMIA 8:5

Dai rai yang, ndai amyu ngu ai, Yerusalem masha ni gaw, hpa majaw htani htana htak mat wa ma ta? shanhte gaw hkalem hkalau ai hta len nga ma ai; bai n htang wa hkraw ma ai.

HOSEA 11:2

Myihtoi ni gaw shanhte hpe je shaga, shanhte je lam dam mat wa ma ai: shanhte gaw Balim hpara ni hpe hkungga nawng ya nna, tawk ai sumla ni hpe manam pyaw ai baw nat nawng ya ma ai.

HOSEA 14:4

“Nye a pawt bu ai myit kawp mat sai majaw, shanhte a htak mat ai hpe ngai shamai shatsai ya nna, hpa n hpyi ai sha, shanhte hpe tsawra na nngai.

HOSEA 4:16

Israela amyu gaw, n bik ai upra zawn, myit ja ai madun nga ai: ya Yehowa gaw shanhte hpe sagu kasha zawn, dam lada ai shara e rem na ra ai.

HOSEA 7:16

Ntsa e dung ai wa hpang de, shanhte nhtang wa ma ai, n rai: shanhte gaw n ding ai ndan hte bung ma ai; du ni a shinglet grang ai ga tsun ai majaw, shanhte gaw nhtu hte si na mara ai: dai gaw Egutu mung hta e, shanhte hkrum na asawng asang lam rai nga ai.