HOSEA 11:6 - Jinghpaw Hanson Version Bible

⁶ Tinang a hpaji daw ai lam majaw, nhtu tsin-yam gaw, shanhte a mare ni a ntsa e du nna, mare htinggrang ni hpe agrawp kau ai hte shamyit kau na ra ai.

Jinghpaw Common Language Bible 2009

⁶ Majan gaw shanhte nga ai mare ni hpe ye masawm mat wa nhtawm mare chyinghka ni hpe agrawp daw kau na ra ai. Shanhte gaw kaja htum ai hku myit nawn la nna galaw ma ai majaw shing re ai lam gaw nye a amyu masha ni hpe jahten kau na mara ai.

HOSEA 11:6 ပူးပေါင်းရင်းမြစ်များ

SHAKAWN KUNGDAWN 106:39

Tinang a bungli majaw, shanhte n san n seng wa ma ai, Shanhte a arawn alai majaw tinang dai shut hpyit nga ma ai.

SHAKAWN KUNGDAWN 106:43

Shi law law lang shanhte hpe mawai la mu timung, Shanhte daw lu ai hpaji, gumlau hku hkrai rai nga ai: Dai majaw tinang a mara hta shanhte grit mat wa ma ai.

ESAIA 18:5

Pu an nna, tsabyi si shingchyaw magang wa timung, di la ai aten garai n du yang, shi gaw makrung ni hpe nhkyau hte dan kau nhtawm, kung dam ai lakung lakying ni hpe, kran htawm kau na ra ai.

ESAIA 27:10

Kaning rai nme law, bunghku kum ai mare gaw katsi katsang rai nga ai hte, zaibru jang e kau tawn da ai mare dingsa hte bung nga ai: dai yang e dumsu kasha gaw ushat tam nna, hpum nga let, makrung matsun ni sha na mara ai.

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 9:14

Salang wa hte arawng lu ai wa, abaw rai nga ai; masu ga sharin ai myihtoi chyawm gaw, nmai rai nga ai.

YEREMIA 5:17

Na a shayi shadang sha ni sha ang ai nsi naisi hte muk hpe, shanhte sha kau na mara ai; na a sagu dumsu hpung ni hpe mung, na a tsabyi ru ni hte lakum hpun ni hpe mung, sha kau na mara ai; nang shingbyi nga ai bunghku kum ai mare ni hpe, shanhte gasat nna, shaza kau na mara ai.

YEREMIA 50:35

Yehowa ning nga ai, Nhtu tsin-yam gaw Hkalde masha ni, Babelon masha ni, de a du salang ni hte hpaji rawng ai ni a ntsa e du u ga;

SHARUNG SHAYAWT 2:9

Shi a chyinghka ni gaw ga hta lupwa nna, shi gaw de a htinggrang ni hpe agrawp kau nu ai: Shi a hkawhkam hte du salang ni gaw, tara n chye ai amyu hta lawm mat ma ai; Gaja wa shi a myihtoi ni gaw, Yehowa kaw na shingran n hkam la lu ma ai.

HOSEA 10:14

Dai re ai majaw, na a amyu masha ni gaw, kabring kabrawng rai wa nna, hpyen majan gasat ai shani hta, Shalman gaw Betarbela hpe run kau ai hte maren, na a hpyen dap ni yawng, run kau ai hkrum na ra ai: kanu gaw kasha ni hte rau adit kau ai hkrum masai.

HOSEA 10:6

Dai hpe pyi, Asuri mung de la sa nhtawm, hkawhkam Yarib hpe kumhpa sak jaw na mara ai: Ehprim gaw arawng sum nna, Israela gaw tinang hpaji daw ai majaw, kaya dum na ra ai.

HOSEA 13:16

Samari gaw tinang a Karai Kasang hpe gumlau ai majaw, mara kap na ra ai: shanhte gaw ri nhtu hte kadawng si na mara ai: ma kaji ni gaw, adit kau ai hkrum nna, na-um nasin re ai num ni, ahkri ga kau ai hkrum na mara ai.”

HOSEA 4:16

Israela amyu gaw, n bik ai upra zawn, myit ja ai madun nga ai: ya Yehowa gaw shanhte hpe sagu kasha zawn, dam lada ai shara e rem na ra ai.

HOSEA 4:17

Ehprim gaw hpara sumla ni hta matut manoi nga ai; shi nga nga u ga.

JAW JAU 26:25

Nye a ga shaka maga de nga nna nanhte hpe deng na ri nhtu, nanhte a ntsa de ngai shangun dat na we ai: nanhte a mare kata hkan e nanhte shinggyin rawng yang, dai hta ari zinli ngai shangun dat nna hpyen ni a lata de ap kau na made ai.

JAW JAU 26:31

Nanhte a mare ni hpe ngai nam shatai nna, nanhte a nawku nta ni hpe akrin atsai hpya kau na we ai: nanhte a manam pyaw sangau mung ngai manam ya na n rai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

AMO LAIKA (AMOS) 6:8

Zaw nawng zaw wa up ai Karai Kasang Yehowa gaw, Yaku a gumrawng gumtawng ai hpe ngai matsat kau nna, shi a htingnu ni hpe n dawng nga nngai: dai re ai majaw ndai mare hte, dai hta rawng marawng hpe, ngai ap kau na nngai, nga nna Madu Yehowa tinang hkum hpe dagam nna tsun nga ai.

MIHKA 5:11

na a mung na mare ni hpe ngai run kau nna, na a hpyen dap ni yawng hpe hpya kau na nngai;

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

TARA JAHPRANG 28:52

Na mungdan hkan na, nang shamyet kam da ai mare bunghku, dai tsaw ai hte ngang ai bunghku ni, ndaw nru mat dingsa, na a mare ni hpe wang tawn na maru ai: na a Karai Kasang Yehowa nang hpe jaw ai mungdan shara shagu na mare nga manga hpe wang tawn na maru ai.

TARA JAHPRANG 32:25

Ndaw shinggan de na ari nhtu, Nhku kata de na hkrithpa amyu gaw, Mahkawn hte shabrang hpe n nga, Chyu chyu ai ma hte baw hpraw ai dingla hpe n da hkra, hpya kau na ra ai, nga ai.