HOSEA 11:4 - Jinghpaw Hanson Version Bible

⁴ Masha hpe dun ga ai sumri ngu ai, tsawra ai sumri hte, ngai shanhte hpe dun nngai: kandang hpe yawn ya nna, shanhte hpe angwi sha ushat jaw ai wa zawn, ngai rai nga nngai.”

Jinghpaw Common Language Bible 2009

⁴ Ngai gaw shanhte hpe tsaw ra shawang myit hte ngai hpang de dun la nngai. Ngai gaw shanhte hpe sharawt la nna ngai hpang de shayawn la nngai; Ngai gaw shanhte a man e gum let shanhte hpe lusha jaw nngai.

HOSEA 11:4 ပူးပေါင်းရင်းမြစ်များ

2 SAMUELA 7:14

Ngai gaw shi a kawa tai nna, shi gaw nye a kasha rai na ra ai: shi n shawp ai amu galaw yang, shinggyim masha lang ga ai lasik hte ngai sharin na we ai; shinggyim masha kayat ai hku kayat na we ai:

SHAKAWN KUNGDAWN 105:40

Shanhte hpyi nna shi u preng dat dat ya mu ai, Lamu na shat hte shanhte hpe shakat ya mu ai.

PRU MAT 16:32

Bai Mawshe gaw, “Da ndai gaw Yehowa hkang da ai lam rai nga ai: Ngai nanhte hpe Egutu mung na shapraw la made ai shaloi, nam mali e ngai nanhte hpe sha shangun ai muk, nanhte a kashu kasha ni prat mi hte prat mi mu lu mu ga, uma bye langai mi prat dingnawng kyem tawn da nga mu,” ngu wu ai.

Shawlumon A Mahkawn Ga 1:4

Ngai hpe dun la e; nang hpang de anhte hprawng na ga ai: Hkawhkam wa gaw, shi yup gawk de ngai hpe jashawn timung, Na a majaw anhte kabu gara nna pyaw wa na ga ai; Na a sumtsaw sumra hpe tsabyi jahku hta grau shakawn na ga ai: gaja wa teng teng shanhte nang hpe tsawra nga ma ai.

ESAIA 63:9

Shanhte nni nkri hkrum shagu hta, shi mung nni nkri dum nna, shi a man na lamu kasa gaw, shanhte hpe hkye hkrang la mu ai: shi tsawra ai hte matsan dum ai myit majaw, shi shanhte hpe mawai la nna moi na prat shagu hta pawn ba mu ai.

HOSEA 2:8

Dai rai nna, yu u, Ngai gaw na a lam hpe, ju hpun hte nhpan kum da nna, pru wa na hku n mu lu hkra, grup yin e bunghku gaw da na nngai.

JAW JAU 26:13

Egutu masha ni a mayam tai nga ai kaw na lawt lu hkra, Egutu mung na nanhte hpe woi shapraw ai, nanhte a Karai Kasang Yehowa ngai rai nga nngai: nanhte a hkapgan ngai daw kau ya nna, nanhte hpe jan rai tsap shangun masade ai.

YAWHAN 12:32

Ngai chyawm gaw ga kaw nna sharawt tawn da ai hkrum jang, ngai masha yawng hpe, ngai hpang de gang la na we ai,” ngu nna htan mu ai.

2 KORINHTU 5:14

Dai hta n-ga, marai langai wa yawng mayawng a matu mara si hkam yang, yawng mayawng si hkam sai, nga nna myit da nga ga ai majaw, Hkristu a tsawra ai lam gaw anhte hpe woi awn nga mi ai:

TARA JAHPRANG 32:12

Shi hpe woi wa ai wa, Yehowa hkrai, Maigan Hpara kadai lawm ai n rai.

TARA JAHPRANG 32:14

Dumsu hta na htawbat hte sagu bainam hta na madoi chyu shat, Sagu kasha a sau tung, Bashan sagu la hte bainam sau dung, Kaja htum ai hkaulan mam lung, jaw sha wu ai: Tsabyi jahku mung, tsabyi si sai hta na nang lu ndai.