HOSEA 11:1 - Jinghpaw Hanson Version Bible

¹ “Israela gaw ma naw rai nga yang, ngai shi hpe tsawra nna, ngai sha hpe Egutu mung na shaga la se ai.

Jinghpaw Common Language Bible 2009

¹ Dai Madu gaw, “Israela gaw ma naw rai nga yang, ngai shi hpe tsaw ra ai hte nye a kasha zawn shi hpe Egutu mung kaw na shaga shapraw la se ai.

HOSEA 11:1 ပူးပေါင်းရင်းမြစ်များ

SHAKAWN KUNGDAWN 129:1

Brang ram prat kaw nna shanhte ngai hpe ja ja shatsang mi ai, Rai sa, brang ram prat kaw nna ngai hpe ja ja shatsang mi ai;

PRU MAT 19:4

Egutu masha ni hpe ngai galaw ai lam hte, kalang a singkaw hte nanhte hpe hpai wa nna, ngai hpang de nanhte hpe woi la masade ai gaw, nanhte mu manit dai.

PRU MAT 4:22

Hpara-u hpe mung, Yehowa ning nga ai, “Israela gaw nye a shadang sha, ngai sha alat rai li ai:

PRU MAT 4:23

ngai sha ngai hpe naw jau lu li ga dat dat ya e; n dat na nga nang ndang nga ndai majaw, yu u, na a shadang sha na nsha alat hpe nan ngai sat kau ya na de ai, nga ai, ngu nna tsun u,” ngu nna Mawshe hpe tsun dat wu ai.

ESAIA 43:4

Nang gaw nye a man e ging dan nna, arawng sadang lu ai hte, ngai nang hpe tsawra nngai majaw, na a malai masha ni hpe, na asak a malai masha amyu ni hpe ngai jaw na nngai.

YEREMIA 12:7

Ngai gaw nye a nta hpe kau da nngai; nye a sali wunli hpe kabai kau ni ai; nye a sumtsaw sumra hpe, shi hpe hpyen ai ni a lata hta, ap kau ni ai.

YEREMIA 2:2

Yehowa ning nga ai; “Na a ram prat e hkam la ai chyeju hpe mung, nang mahtan da ai tsawra myit hpe mung, nli n mai gat ai hkun hkraw ai shara hta e, nang ngai kaw hkan nang nga ai hpe mung, ngai dum nngai.

EZEKELA 16:22

Dai hta n-ga, nang matsat shabat hte shawa num amu mahkra hpe galaw nga yang, hkawn ram prat e nang singgu krin rai nga ai hte, na a sai hta galu nga ai hpe, nang n dum n hka.”

EZEKELA 16:6

Ngai dai hku lai hkawm nna, nang gaw na a sai hta galu nga ai hpe ngai mu yang, ngai gaw, “Asak hkrung u, gaja wa asak hkrung u,” ngu nna, na asai hta galu nga yang, nang hpe tsun nngai.

HOSEA 10:15

Shing rai, nanhte a law la ai yubak majaw, Betela mare hta e dai zawn nanhte hkrum na marin dai: Israela hkawhkam gaw jahpawt nhtoi mahka e, atsai awai jahtum kau ai hkrum na ra ai.”

HOSEA 12:13

“Yaku gaw Suri mung de hprawng wa sai; Israela gaw num lu la hkra mayam tai nna, sagu rem nga ai.

HOSEA 12:9

Ehprim chyawm gaw, ‘Gaja wa, ngai sut su nngai; ngai arung arai mahkawng da nngai; rai timung, ngai shakut sharang ai amu mahkra hta, yubak ngu ai n shawp ai hpe, ngai hta mu lu na, n rai,’ nga nna tsun nga ai.

HOSEA 13:4

“Rai timung, ngai Yehowa gaw, Egutu mung na nang hpe shapraw la ai Karai Kasang rai nga nngai; ngai hta shaje Karai Kasang hpe, nang n chye nu ai: ngai hta kaga, hkye hkrang la ai wa n nga ai.

HOSEA 2:15

Balim hpara ni a man e manam pyaw ai baw nat nawng nna, gali lakan ni hte shi hkum hpe mawn sumli let, sumtsaw sumra ni a hpang e hkan nang nna, ngai hpe malap kau ai aten majaw, ngai shi hpe dawdan na nngai,” nga nna Yehowa tsun ai.

MALAHKI 1:2

Ngai nanhte hpe tsawra ni ai, nga nna Yehowa tsun ai. Nanhte mahtang, Nang anhte hpe kaning rai tsawra n ta? nga nna san myit dai. Ataw, Esaw gaw Yaku a kahpu, n rai ni? rai timung ngai Yaku hpe tsawra nngai:

MAHTE 2:15

Dai gaw, “Ngai sha hpe Egutu mung na ngai shaga la se ai,” nga nna myihtoi a n-gup hte dai Madu tsun ai ga gaw, dik wa u ga she byin wa ai.

TARA JAHPRANG 33:3

Rai sa, dai amyu ni hpe shi tsawra wu ai. Shanhte a chyoi pra ni yawng, na a lata hta rai nga ai: Na a lagaw nhpang e shanhte dung ma ai; Na a mungga madat la nga ma ai.

TARA JAHPRANG 7:7

Nanhte masha amyu gale mahkra hta nanhte grau law ai majaw nang hpe Yehowa nja nna lata la ndai n rai: amyu gale mahkra hta nanhte grau kaji nga myit dai.