HOSEA 10:8 - Jinghpaw Hanson Version Bible

⁸ Israela yubak a npawt Awen mung, run kau ai hkrum na ra ai: de a tawn hkungri ni a ntsa e, ju hpun hte tsing tu lim kau nna, mare masha ni gaw, ‘Bum ni e, anhte hpe ka-up mi, kawng ni e, anhte a ntsa e hkrat bun mi,’ nga nna shaga na mara ai.”

Jinghpaw Common Language Bible 2009

⁸ Israela amyu masha ni nawku ai hpara sumla ni hpe tawn da ai Awen kawng pungding nawku shara ni mung jahten kau ai hkrum na ra ai. Tawn hkungri ntsa hkan e mung ju hpun ni hte tsingdu tu lim kau na ra ai. Shaloi amyu masha ni gaw bum ni hte kawng ni e, “Anhte hpe makoi da mi! Anhte hpe ka-up da mi!,” ngu nna jahtau tsun na mara ai.

HOSEA 10:8 ပူးပေါင်းရင်းမြစ်များ

NINGPAWT NINGHPANG 3:8

Dai hpang shan gaw, shana de bungsoi katsi ai aten e Yehowa Karai Kasang dai sun hta sa hkawm shara nga ai hpe na mu ai; dai majaw Adam hte shi a madu jan gaw, Yehowa Karai Kasang a myi man kaw na makoi lu hkra, dai sun na hpun ni a kata e gawp nga ma ai.

1 HKAWHKAM 13:2

“Hkungri e, hkungri e, Yehowa ning nga ai: Yoshia mying ai wa langai mi Dawi a dap lakung nta shangai wa na ra ai rai nna, ndai wa gaw na ntsa e manam pyaw ai baw nat nawng ya ai tsaw ai kawng ni a hkinjawng ni hpe nang hta sat nawng ya nna, masha nra mung nang hta nat nawng ya na mara ai,” ngu nna htawn tsun wu ai.

1 HKAWHKAM 13:34

Ndai lam gaw, Yeroboam a nta hpe jahten kau nna, ga ntsa na shaprai kau ai du hkra, yubak mara tai wa sai.

1 HKAWHKAM 14:16

Yeroboam gaw shi hkum nan shut kau nna, Israela amyu hpe shut shangun ai yubak mara a majaw, Yehowa gaw Israela hpe kau da na mu ai,” ngu wu ai.

2 HKAWHKAM 23:15

Dai hta n-ga, Israela masha ni hpe shut shangun ai, Nebat a kasha Yeroboam gaw, Behtela shara e galaw da ai tawn hkungri hpe run kau ai hte, de a tsaw ai kawng shara hpe, nat kau nhtawm, ayun ayaw di kau ai hte, Ashera sumla hpe mung nat kau wu ai.

2 HKAWHKAM LABAU 31:1

Ya dai amu yawng ngut wa ai hpang zuphpawng nga ai Israela masha ni nlang, Yuda mare ni de pru sa wa nhtawm, Yuda, Ben-yamin, Ehprim hte Manashe mung shara shagu hta nga ai, shadaw sumla ni hpe karan kau ai hte, tsaw ai kawng ni a tawn hkungri ni mahkra hpe shaza kau lu hkra, kahtum gadaw run kau mu ai. Shing rai Israela kashu kasha ni yang, langai hte langai tinang a mare buga de bai wa ma ai.

ESAIA 2:19

Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

ESAIA 2:21

gaja wa, ginding aga hpe ashun awam dat na nga, Yehowa rawt wa yang, shi a hkrithpa hte dan hkung nga ai hpung shingkang majaw, masha ni gaw sharut n-gam hte lungbra re ai shara de shang na mara ai.

ESAIA 32:13

Nye a amyu masha ni a mungdan ntsa e mung, ngwipyaw ai mare na kabu gara ai nta ni mahkra a ntsa e mung, tsing hte ju hpun ka-up na ra ai.

ESAIA 34:13

De a htingnu ni hta ju hpun, de a langchyi ni hta tsamat hte tsing tu nna, nam gwi ni dai hta shanu, u gawla-uk ni dai hta shingbyi nga na mara ai.

HOSEA 10:2

Shanhte a myit masin bra nga ai; ya shanhte gaw mara kap na mara ai; shi gaw shanhte a tawn hkungri ni hpe run kau nna, shadaw sumla ni hpe agrawp kau na ra ai.

HOSEA 10:5

Samari masha ni gaw, Bet-awen a dumsu kasha a majaw, hkrit gari na mara ai: kaning rai nme law, de a hpung shinghkang hkoi mat ai majaw, mung masha ni hte, dai hta sharawng awng nga ai sumla hkinjawng ni gaw, yawn hkyen hkrum na mara ai.

HOSEA 10:9

“Israela e, nang gaw Gibea aprat kaw nna, yubak galaw nit dai; dai yang e shanhte naw tsap nga ma ai: hpyen gasat ai gaw, n hkru n hkra ai kashu kasha ni hpe Gibea mare hta e naw dep na, n rai ni?

HOSEA 2:6

Gaja wa, shi a kasha ni gaw, liknga ma ni rai nga ai majaw, ngai shanhte hpe matsan n dum na nngai:

HOSEA 4:13

Shanhte gaw bum pungding ntsa e mung, kawng ni a ntsa e mung, shingnip tsawm ai wamyi hpun, libna hpun hte magyeng hpun npu e mung, hkungga nawng ya nna, manam pyaw ai baw nat nawng ma ai: dai re ai majaw, nanhte a shayi sha ni shawa num tai nna, nanhte a nnam ni la shaw ai amu galaw ma ai.

HOSEA 4:15

Israela amyu e, nang shawa num tai timung, Yuda amyu n shut n hpyit u ga: Gilgala de hkum shang myit; Bet-awen de hkum lung myit; Yehowa hkrung nga ai hte maren, nga nna hkum dagam myit.

HOSEA 5:8

Gibea mare hta pahke, Rama mare hta pahtau, dum mu; Bet-awen shara e jahtau garu mu; Ben-yamin e, hpang de mada yu u.

HOSEA 8:5

Samari e, na a dumsu kasha hpe shi kau da nu ai; nye a pawt sindawng ai myit, nawku ai ni hpe kahtet nga ai: shanhte gaw gaten du hkra, san seng ai myit n rawng na ma hka?

HOSEA 9:6

Kaning rai nme law, yu mu, hten byak ai kata na, shanhte pru wa masai; rai timung, Egutu mung hta shanhte hpawng nga nna, Memhpi mare hta lup kau ai hkrum na mara ai: gumhpraw hte shatsawm ai arai ni hpe, tsamat tu lim kau na ra ai: shanhte a janghpang ni hta ju hpun tu na ra ai.

AMO LAIKA (AMOS) 1:5

Damasku a chyinghka htinggrang hpe ngai agrawp kau nna, Awen kadit e shanu nga ai ni hte, Eden nta na du sumdoi lang ai wa hpe, shamyit kau na nngai: Suri masha ni gaw, Kira mung de bawng dung sa wa na mara ai, nga nna Yehowa tsun ai.

AMO LAIKA (AMOS) 3:14

Kaning rai nme law, Israela amyu hpe, tinang a shut hpyit ai majaw, ari jaw ai shani hta, Betela hkungri ni hpe mung, ngai ari jaw na nngai: dai hkungri a nrung ni daw kau ai hkrum nna, ga de di hkrat na ra ai.

AMO LAIKA (AMOS) 7:9

Isak a tsaw ai kawng ni katsi katsang shara, Israela a chyoi pra ai nta ni marawng marang tai mat nna, ngai gaw Yeroboam a nta nhtu hte gasat na nngai, nga nna ngai hpe tsun ai.

AMO LAIKA (AMOS) 8:14

Samari a shut hpyit ai lam hkan nna, Dan e, na a hpara hkrung nga ai hte maren, nga nna mung, Berasheba a htung hking grin nga ai hte maren, nga nna mung, tsun dagam ai ni gaw kadawng mat nna, galoi mung bai rawt lu na n rai, nga nna Madu Yehowa tsun ai.

MIHKA 1:13

Lahkisha mare e shanu nga ai num e, laring gumra hte hpyen leng byau u: nang gaw Ziun shayi sha a yubak npawt rai nga ndai; Israela a tara tawt lai ai lam; nang kaw na pru nga ai.

MIHKA 1:5

Ndai yawng hte gaw, Yaku tara tawt lai nna, Israela dap a yubak majaw, rai nga ai. Yaku a tara tawt lai ai lam, hpa rai ta? Samari mare, n rai ni? Yuda a tsaw ai kawng ni, kanang rai nga a ta? Yerusalem mare hta rai nga ai, n rai ni?

NAHUM 3:11

Nang mung mak mat nna, hprawng makoi na ndai: hpyen wa a lata na lawt lu hkra, hpyen dap hpe tam na ndai.

LUKA 23:30

Dai nhtoi e, bum ni hpe, Anhte a ntsa e daw kamyet mi, nga nna mung, kawng ni hpe, Anhte a ntsa e ka-up mi, nga nna mung, shanhte shaga shajang na mara ai:

TARA JAHPRANG 9:21

Nanhte a yubak ngu na, nanhte galaw ai dumsu kasha hpe mung ngai la nna, wan hta ju nhtawm, ayun ayaw rai hkra arin ngut jang, dai ayun hpe bum na lwi hkrat ai hka hta kabai bang kau we ai.

SHINGRAN 6:16

bum ni hte lunghkrung ni hpe shaga nna, Anhte a ntsa e hkrat bun mi; tingnyang hta dung ai wa a myit man hte, Sagu Kasha a pawt bu ai hta na anhte hpe magap maga la mi;

SHINGRAN 9:6

Dai nhtoi hte hta masha ni gaw si nhpang tam timung n mu na mu ai; nachying si mayu ma timung, si hkrung si htan gaw, shanhte kaw na hprawng mat na ra ai.