HOSEA 10:5 - Jinghpaw Hanson Version Bible

⁵ Samari masha ni gaw, Bet-awen a dumsu kasha a majaw, hkrit gari na mara ai: kaning rai nme law, de a hpung shinghkang hkoi mat ai majaw, mung masha ni hte, dai hta sharawng awng nga ai sumla hkinjawng ni gaw, yawn hkyen hkrum na mara ai.

Jinghpaw Common Language Bible 2009

⁵ Samari mare hta shanu nga ai masha ni gaw hkrit gari nna Behtela mare na ja dumsu mat mat ai majaw sharung shayawt na mara ai. Shanhte hte hpara sumla daw jau ai hkinjawng ni mung dai hta hkrap ngu hkrap ngoi na mara ai. De a hkik hkam ai aja shingkang hkoi mat jang, shanhte hkrap agru na mara ai.

HOSEA 10:5 ပူးပေါင်းရင်းမြစ်များ

2 HKAWHKAM 10:29

Rai timung, Israela masha ni hpe shut shangun ai, Nebat a kasha Yeroboam gaw, Behtela hte Dan mare e tawn da ai aja dumsu kasha ni hpe nawku na lam, Yehu shi nan koi kau wu ai n rai.

2 HKAWHKAM 17:16

Shanhte a Karai Kasang Yehowa hkang da mada hpe shanhte kau da nna, jaw ai dumsu kasha sumla lahkawng jaw nhtawm, Ashera sumla hpe mung galaw da nna, sumsing lamu na shagan ni hpe nawku let, Bala Hpara hpe daw jau nga ma ai.

2 HKAWHKAM 23:5

Dai hta kaga shi gaw, Yuda mare ni a tsaw ai kawng ni a shara ni hte, Yerusalem mare grup yin na shara ni hta manam pyaw ai baw nat nawng na matu, Yuda hkawhkam ni san da ai sumla ni a hkinjawng ni hpe mung, Bala Hpara, ajan hte shata, shagan sumla ni hte sumsing lamu na zaw nawng zaw wa hpe manam pyaw ai baw nat nawng ya ai ni hpe mung, shachyut kau mu ai.

2 HKAWHKAM LABAU 11:15

tsaw ai kawng ni hta shi galaw da mu ai majaw, Lewi masha ni gaw tinang a buga hta ga dachyawk ni hpe kau da nna, Yuda mung Yerusalem mare de sa du ma ai.

2 HKAWHKAM LABAU 13:8

Ya mung, Dawi kasha ni a lata hta rawng nga ai Yehowa a mungdan hpe, nanhte hkap daw na maw nga myit hka; gaja wa anhte gaw wunawng kaba rai nga myit dai hte, nanhte a Hpara malai Yeroboam galaw da ai aja dumsu kasha ni mung lawm nga ma ai.

ESAIA 46:2

shan gaw gum dagup nna rau agrawp kau ai hkrum ma ai; dai lit hpe shan n shaw la lu ai hte, tinang hkum nan bawng dung hkrum nga ma hka!

HOSEA 13:2

Ya shanhte gaw yubak je je galaw nna, tinang nyan hkan let, tinang a gumhpraw hte jaw ai hpara sumla galaw ma ai: yawng hte gaw lasama amu hkrai rai nga timung, shanhte gaw dai sumla ni hpe ga tsun nna, hkungga nawng ya ai wa gaw, dumsu kasha ni hpe pup nga a hka!

HOSEA 4:15

Israela amyu e, nang shawa num tai timung, Yuda amyu n shut n hpyit u ga: Gilgala de hkum shang myit; Bet-awen de hkum lung myit; Yehowa hkrung nga ai hte maren, nga nna hkum dagam myit.

HOSEA 5:8

Gibea mare hta pahke, Rama mare hta pahtau, dum mu; Bet-awen shara e jahtau garu mu; Ben-yamin e, hpang de mada yu u.

HOSEA 9:1

“Israela e, masha amyu ni zawn, kabu gara ai myit hkum madun et; kaning rai nme law, nang gaw na a Karai Kasang hpe shinggan kau let, shawa num tai nga ndai; nang gaw chyarang shagu hta shawa num shabrai hpyi sha ndai.

HOSEA 9:11

Ehprim a arawng sadang gaw, u zawn pyen mat na ra ai; shangai chyinghkai n nga, gawngli ai mung n pra, kasha shaprat ai kata na ra ai.

AMO LAIKA (AMOS) 3:14

Kaning rai nme law, Israela amyu hpe, tinang a shut hpyit ai majaw, ari jaw ai shani hta, Betela hkungri ni hpe mung, ngai ari jaw na nngai: dai hkungri a nrung ni daw kau ai hkrum nna, ga de di hkrat na ra ai.

ZEHPANI 1:4

“Ngai gaw, Yuda mung hte Yerusalem mare na ni mahkra a ntsa e nye a lata ladawn nna, ndai shara hta na, naw ngam nga ai Bala sape ni hte hkinjawng ni hte hpawn, sumla hkinjawng ni a amying hpe mung;

KASA 19:27

Dai rai nna, anhte a bungli hpoi mat na hpe tsang ra ai hta n-ga, galu kaba ai Hpara shayi Artemi a nawku htingnu gaw hpa n tai mat nna, Asi mung ting hte mungkan ting nawku ai Hpara shayi sha a hpung shingkang hpoi mat na mung, myit tsang shara rai nga ai,” ngu nna tsun mu ai.

YAWSHU 7:2

Yawshu chyawm gaw Yerihko mare kaw nna, Behtela sinpraw maga, Bet-awen makau na Ai ngu ai mare de, masha shangun nna, Dai mungdan hpe kin-yu sa yu ma sa, ngu nna dat dat wu ai: shaloi dai ni gaw lung sa wa nna Ai mare hpe sa yu mu ai.

TARA AGYI 18:24

Mihka gaw, “Ngai galaw ai Hpara ni hte dai hkinjawng wa hpe, nanhte la kau myit htawm e, Nang hpa ra n ta? naw nga myit hka i? dai hta kaga, ngai hta hpa nga sata?” ngu wu ai.