HOSEA 10:3 - Jinghpaw Hanson Version Bible

³ Gaja wa, shanhte gaw, Anhte Yehowa hpe n hkrit hkungga ai majaw, anhte hkawhkam n lu ga ai; hkawhkam lu timung, shi anhte a matu hpa galaw lu na rai ta? nga nna ya tsun na mara ai.

Jinghpaw Common Language Bible 2009

³ Ndai amyu masha ni gaw kade n na yang, “Dai Madu hpe anhte n hkrit hkungga ga ai majaw anhte hkawhkam n lu ga ai. Rai ti mung, hkawhkam dai anhte a matu hpa wa mi galaw ya lu na rai ta?,” ngu nna tsun na mara ai.

HOSEA 10:3 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

2 HKAWHKAM 15:13

Yuda hkawhkam Uzia hkaw dung ai sumshi jahku ning e, Yabesha kasha Shalum hkaw dung hpang nna, Samari mare hta e shata mi daram up nga ai.

SHAKAWN KUNGDAWN 118:9

Yehowa hta shingbyi nga ai gaw, Du ni hpe shamyet nga ai hta grau kaja nga ai.

SHAKAWN KUNGDAWN 12:4

Nga nna, bawk ai nten nlang hte hte, Ga kaba tsun ai shinglet hpe, gadoi kau u.

ESAIA 5:19

Yehowa lawan ru ga; shi a amu anhte mu lu hkra, tin shapun shabyin u ga; anhte chye na lu hkra, Israela a Chyoi pra ai Wa a hpaji daw ai gaw ni wa ai hte dik wa ru ga, nga nna tsun ai ni gaw dingnye lu ma ai.

HOSEA 10:15

Shing rai, nanhte a law la ai yubak majaw, Betela mare hta e dai zawn nanhte hkrum na marin dai: Israela hkawhkam gaw jahpawt nhtoi mahka e, atsai awai jahtum kau ai hkrum na ra ai.”

HOSEA 10:7

Samari mung hte de a hkawhkam wa gaw, hka ntsa na jahpaw zawn rai nga ai.

HOSEA 11:5

“Shanhte gaw Egutu mung de nhtang wa lu na n rai: ngai hpang de n wa hkraw ai majaw, Asuri wa gaw, shanhte a hkawhkam tai na ra ai.

HOSEA 13:10

Na a hkawhkam wa gaw, mare shagu hta nang hpe hkye hkrang la lu hkra, ya kanang rai nga a ta? Anhte hpe hkawhkam hte du jaw mi, nga nna nang hpyi ai tara agyi ni gaw, kanang rai nga ma ta?

HOSEA 13:11

Ngai pawt bu ai hte, nang hpe hkawhkam jaw ni ai; nye a n-yun bu ai hte, shi hpe dawm la se ai.

HOSEA 3:4

Kaning rai nme law, Israela kashu kasha ni gaw, nhtoi na na wa hkawhkam n lu, du mung n pru, shagu hkungga n nawng ya, masat dingsat shadaw kata, hpa hkai lawng hte terahpim sumla n lu ai, nga nga na mara ai.

MIHKA 4:9

Ya nang hpa majaw jahtau shabam nga n ta? Nang hta hkawhkam n nga a ni? hpaji daw ya ai wa n nga ai majaw, shinggyim machyi ai num zawn, nang kawa machyi hkrum n ni?

YAWHAN 19:15

Dai re ai majaw shanhte gaw, “La kau u, la kau u, wudang hta jen da kau u!” nga nna jahtau ma ai. Bai Pilat gaw, “Nanhte a Hkawhkam wa hpe wudang hta ngai jen da na rai ni?” ngu nna shanhte hpe san wu ai. Shaloi hkinjawng agyi ni gaw, “Kehta hkawhkam hta kaga, anhte hkawhkam n lu ga ai,” ngu nna htan mu ai.

1 SAMUELA 12:25

Shing n rai, nanhte n shawp ai amu naw galaw nga myit yang gaw, hkawhkam wa hte hpawn, hten bya ai kaw du na marin dai,” ngu nna mung masha ni hpe tsun wu ai.