HOSEA 1:8 - Jinghpaw Hanson Version Bible

⁸ Ya shi gaw, Lo-ruhama hpe chyu jahka ngut jang, na-um nasin bai rai nna, shadang sha shangai wu ai.

Jinghpaw Common Language Bible 2009

⁸ Gome gaw shi a shayi sha hpe chyu jahka kau ngut ai hpang, shi hta na-um nasin bai byin wa nhtawm shadang sha langai bai lu wu ai.

HOSEA 1:8 ပူးပေါင်းရင်းမြစ်များ

NINGPAWT NINGHPANG 21:8

Dai ma Isak mung kaba wa nna chyu jahka mu ai; Isak hpe chyu jahka ai shani e Abraham gaw poi kaba galaw wu ai.

HOSEA 1:6

Bai, shi gaw, na-um nasin rai nna, shayi sha shangai wu ai: shaloi Yehowa gaw, “Shi a amying hpe, Lo-ruhama, shamying u: kaning rai nme law, Israela amyu a yubak hpe raw dat kau hkra, ngai htawm hpang e shanhte hpe hpa matsan dum na, n rai.

HOSEA 1:7

Yuda nta hpe chyawm gaw, matsan naw dum na nngai; shanhte hpe hkye la yang, ndan, ri nhtu, hpyen majan, hpyen leng, gumra jawn ai ni hte, hkye la na n rai; shanhte a Karai Kasang Yehowa a magam hte hkye la na nme ai,” ngu nna shi hpe tsun wu ai.

HOSEA 1:9

Shaloi Yehowa gaw “Shi hpe Lo-ami, shamying u; kaning rai nme law, nanhte gaw nye a amyu n rai; ngai mung nanhte a Karai Kasang n rai na nngai,” ngu wu ai.