HOSEA 1:7 - Jinghpaw Hanson Version Bible

⁷ Yuda nta hpe chyawm gaw, matsan naw dum na nngai; shanhte hpe hkye la yang, ndan, ri nhtu, hpyen majan, hpyen leng, gumra jawn ai ni hte, hkye la na n rai; shanhte a Karai Kasang Yehowa a magam hte hkye la na nme ai,” ngu nna shi hpe tsun wu ai.

Jinghpaw Common Language Bible 2009

⁷ Rai ti mung, Yuda amyu masha ni hpe chyawm gaw tsaw ra myit madun dan na nngai. Dai Madu shanhte a Karai Kasang Ngai nan shanhte hpe hkye la na nngai, rai ti mung ngai gaw majan hta nhtu, ndan, pala, gumra hte gumra jawn masha ni hpe lang na n rai.

HOSEA 1:7 ပူးပေါင်းရင်းမြစ်များ

2 HKAWHKAM 19:29

Da ndai gaw na a matu kumla tai u ga: nanhte gaw dai ning mam nhpan sha lu na marin dai; htaning mung dai hta na shi hkrai tu ai mam sha lu na myit dai: masum ning ngu na hta gaw nli gat hkai nna de a asi sha mu. Tsabyi sun hta hkai nna de a asi sha mu.

2 HKAWHKAM 19:34

Kaning rai nme law, Yehowa tsun ai gaw, ‘Ngai hkum nan a majaw mung, nye shangun ma Dawi a majaw mung, ndai mare hpe ngai makawp maga nna hkye hkrang la na we ai, nga ai,” ngu dat mu ai.

2 HKAWHKAM 19:35

Dai shana jang Yehowa a lamu kasa pru sa nna, Asuri masha ni a hpyen dap hta, marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni, nlang si mang rai nga ma ai.

2 HKAWHKAM 6:18

Bai Suri masha ni shi kaw yu wa ma yang Elisha gaw Yehowa hpe, “ndai masha ni n mu lu mu ga, shanhte a myi shamak kau ya mu,” ngu nna hpyi wu yang, Yehowa gaw Elisha hpyi ai hte maren, shanhte a myi hpe shamak kau ya mu ai.

SHAKAWN KUNGDAWN 33:16

Kadai hkawhkam mung, luksuk kaba hte lawt lu ai n rai, Gara share mung, tinang a n-gun kaba hte lawt lu ai n rai.

SHAKAWN KUNGDAWN 44:7

Nang chyu sha gumlau ni kaw na anhte hpe hkye la nna, Anhte hpe n dawng ai ni hpe kaya jahkrum mu ai.

PRU MAT 14:13

Mawshe chyawm gaw, “Hkum hkrit myit, asim sha she nga mu; Yehowa dai ni nanhte a matu hpaw ya na hkye hkrang la lam hpe yu yu ma la: dai ni nanhte mu lu ai Egutu masha ni hpe htawm hpang de galoi mung bai mu la na sai n rai.

PRU MAT 14:30

Shing rai Yehowa gaw dai nhtoi hta e Egutu masha ni a lata na Israela kashu kasha ni hpe hkye hkrang la mu ai; dai nawng hkin-gau hkan e Egutu masha ni si taw nga ma ai hpe Israela masha ni mu ma ai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 30:18

Rai timung, nanhte hpe chyeju myit madun na matu, Yehowa ala nga ai; nanhte hpe matsan dum na matu shi galu kaba nga ai: kaning rai nme law, Yehowa gaw tara ding ai Karai Kasang rai nga ai; shi hpe ala nga ai ni yawng, a lu ma ai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

YEREMIA 25:5

Dai myihtoi ni gaw, Langai hte langai tinang a n hkru ai lam hte, n shawp ai arawn alai hta na, kayin wa nna, nanhte hte nanhte a nji nwa ni hpe, prat tup jaw lup, Yehowa jaw da ai mungdan hta shanu nga mu:

YEREMIA 25:6

hpara kaga ni hpe hkum daw jau, hkum nawku myit; tinang lata e galaw ai arai hte, ngai hpe hkum pawt bu shangun myit; shing rai ngai nanhte hpe zingri na n rai, nga nna htawn tsun ma ai.

HOSEA 1:8

Ya shi gaw, Lo-ruhama hpe chyu jahka ngut jang, na-um nasin bai rai nna, shadang sha shangai wu ai.

ZEHKARIA 4:6

Shaloi dai wa gaw, “Da ndai gaw, N-gun atsam hte n rai, hpung shingkang hte n rai, nye a Wenyi hte sha dang lu na ra ai,” nga nna Zaw nawng zaw wa up ai Yehowa tsun ai hte, Zerubabela hpang de du ai Yehowa a mungga rai nga ai.

1 SAMUELA 17:47

Yehowa gaw, ri nhtu hte sha hkye la lu ai n re ai gaw, ndai shawa masha ni yawng chye lu na mara ai: majan ndai Yehowa gun nga ai rai nna, shi nanhte hpe anhte a lata hta ap kau na ra ai,” ngu nna Hpilisti wa hpe htan wu ai.